無工人的妳, 覺得辛苦嗎?

ss2003

我囡囡讀全日制幼兒園, 平時放4:30p.m. 最遲放6:00p.m.
我工人無所事事, 越來越心散,
做錯野比我話一次之後就黑面,
我唔想再要呢個工人, 但我放工趕唔切接放學,
我想請問妳地有咩意見可以比我參考呀?
我怕我應付唔到屋企家頭細務, 仲要湊女, 我應該點做好呀
  

eunice.lee

我屋企都無工人,都做得幾辛苦架,所有野都一腳踢自己包辦,如果你先生肯幫手就無問題既,但如果唔係就會為了屋企鎖事嘈架喇..
我意見係咁
1)換過個工人
2)向幼兒園延長服務時間
3)有或者請人幫手接放學,然後給她一餐晚餐果種service,到你放工跟手去湊女
4)唔做一心湊女(可以的話)

ada29

其實你睇下有冇鄰居可否幫忙,或者請個鐘點,
你仲可以叫佢執埋屋!

connie04

請鐘點, 我覺得唔係咁化算, 如BB有病番唔到學, 請鐘點每鐘頭計, 有可能比請個工人總貴, 我以前也是沒工人用, 只是請保母, 而自己每日放工後, 要買"送", 跟住7:00PM接BB, 而我老公份工做到好晚, 所以幫唔到手, 加埋屋企D鎖碎事, 真係做到扒係到, 如果真係要KEEP  住份工, 不如換個工人, 或同老公商量下, 睇佢D時間可唔可以幫下手,  

connie3803

請鐘點真係唔化算,我之前都諗過約 $30-40/鐘,計落總貴
個工人,而且香港人好計較,月薪我都搵過香港人做,幫唔到多,
要趕住走人,屋企D鎖碎事放工後一樣做到扒係到,

ivy.ng

我都同樣有這個問題?念o左好奈都未念掂,打算搵個保母住係自己屋企附近,放便d,但到以家都唔之點?大家有無意見比,請指教

mandytso

冇工人都幾辛苦架,由其是全職媽咪,放左工又要揍仔又要做家務,真係人都癲,老公又成日唔係香港,冇人分擔家務,真係會成為些瑣碎事而同老公鬧咬,完全沒有時間,我bb是我媽咪揍,放工後我自己揍,因覺得屋企多左個工人會唔慣,而暫時仲handle到,如生多一個才會請工人.如你用開工人唔用,我想你會唔習慣.

twokidsmum

我覺得如果唔用工人, D時間只可以放在家務上, 沒時間教小朋友, 而且會令自己壓力大增, 很容易生氣. 除非負擔不了吧, 工人始終有他們的存在價值. 至於請鐘點, 我覺得太貴了.

2mings

同意!
有時工人放假,我見小朋友同先生冇手尾就會火都黎埋! 如果日日係咁,就家變都似!!!

由 twokidsmum 於 2005-04-12 09:41:12

我覺得如果唔用工人, D時間只可以放在家務上, 沒時間教小朋友, 而且會令自己壓力大增, 很容易生氣. 除非負擔不了吧, 工人始終有他們的存在價值. 至於請鐘點, 我覺得太貴了.

sarahlee

ss2003,

我就係亞囡2歲就俾佢讀幼兒園(都係全日), 唔要工人就搵個街坊幫我湊亞囡放學, 自己番工前就帶亞囡番學, 放工要買送o個隻, 其實真係幾辛苦, 日日放工好似打扙咁, 好彩老公都可以準時走人, 咁就可以買完送佢負責煮, 我就同亞囡沖涼睇功課(雖然暫時都冇乜)同埋玩, 食得飯來已經係八點, 食完就老公同亞囡玩, 我洗碗, 每日都不知幾充實, 不過因為我倆公婆都番工, 亞囡又番學, 所以覺得要工人來又好似作用唔大, 依家星期六亞囡番學後就係我o係屋企大掃除既時間, 所以我覺得最緊要睇下你老公可唔可以就到時間幫下手, 如果唔係一個人既話就不如換工人, 咁自己都會輕鬆o的.  

ss2003

我老公返工唔定時架, 未必可以幫到手, 我一個人真係應付唔黎, 睇黎都係要等我第時唔洗返工, 先可以唔要工人, 專心湊女喇

JODY媽咪

以你咁既情況, 你老公又幫唔到手, 你都係換工人好d, 如果唔係你會好辛苦架, 因為真係架, 有時小朋友番學後會成日病, 屋企真係要預備定一個人係度先得, 如果唔係, 小朋友病左你就會好無助, 唔通佢一病你就請假咩, 遲早連飯碗都不補呀, 呢d都係好重要既問題, 你要諗清楚呀！