大家對孩子玩/使用手機的看法 - 教育講場

天外之人

Rank: 5 Rank: 5


	3885

2^#

發表於 24-5-27 11:15 |只看該作者

這個世界已經不能避免唔接觸呢啲高科技既野,「親子伴玩」為主,慢慢引導平衡. 當然最重要係維持到令孩子享受睇書讀書樂趣,這樣就算多玩機都冇影響學習心態.

點評回覆引用

retriever

珍珠宮

Rank: 11


	30645

3^#

發表於 24-5-27 11:47 |只看該作者

mama5k 發表於 24-5-24 13:23
現在大人都幾乎機不離身，作為父母，你是怎樣看待孩子玩手機？限制時間？設權限？「親子伴玩」？ ...

手機是工具, 可提高效率, 不應影響正常生活...

如手機引起反向效果, 就應放棄使用手機(電腦亦然!)

點評回覆引用

Rank: 5 Rank: 5


	1046

4^#

發表於 24-5-27 15:23 |只看該作者

有家長可以家裡唔準開電視...
其實唔易做到, 但係我相信, 有一套念理.

點評回覆引用

水晶宮

Rank: 12


	51569

5^#

發表於 24-5-27 15:42 |只看該作者

mama5k 發表於 24-5-24 13:23
現在大人都幾乎機不離身，作為父母，你是怎樣看待孩子玩手機？限制時間？設權限？「親子伴玩」？ ...

我家係六歲前完全零電子產品（包括電話／電腦／電視），我同太太都嚴格遵守唔喺小朋友前面用。通常係佢哋瞓咗先睇少少電視。六歲後都係週末睇少少電視，電腦就係做功課必須時候用我嘅。

我嘅小朋友係全級最遲有手提電話嘅同學，仲要係brick phone（基本上係中一先有）。

換嚟嘅係極度愛書、專注力相對強同埋溝通能力相對高嘅小孩...

點評回覆引用

Rank: 5 Rank: 5


	1046

6^#

發表於 24-5-27 16:01 |只看該作者

補充....我覺得可以越遲越好.
之前有個友人, "好心"送左部SWITCH 比阿仔....
以前, 佢讀完書, 溫習完, 睇電視都係documentary, 歷史劇集.
鍾意找不同提材書本去學習.
喜歡下棋, 到公園現捉迷藏, 踢波....

現在, 少少左好多啦...

我當然唔開心啦, 不是讀書問題, 係你想如何生活, 用什麼去平衡生活!

點評回覆引用

RainyRice

Rank: 5 Rank: 5


	2256

7^#

發表於 24-5-27 19:18 |只看該作者

加樂爹發表於 24-5-27 16:01
補充....我覺得可以越遲越好.
之前有個友人, "好心"送左部SWITCH 比阿仔....
以前, 佢讀完書, 溫習完, 睇電 ...

自己小時候，家中部遊戲機會在長假期的週末才會一家人玩。可能你可以試吓。

點評回覆引用

BB-Tiger

Rank: 5 Rank: 5


	2422

8^#

發表於 24-5-29 00:47 |只看該作者

mama5k 發表於 24-5-24 13:23
現在大人都幾乎機不離身，作為父母，你是怎樣看待孩子玩手機？限制時間？設權限？「親子伴玩」？ ...

我試過無用，如果勸喻唔聽，用強硬手法關WIFI等，佢就會半夜三更大叫大嗌，咁你可以每晚都咁樣咩？所以依家呢一刻我係度陪住佢睇手機，回覆你，同佢鬪夜瞓，已經成為習慣。最慘學校都覺得唔可以唔畀學生用電子產品，仲經常email 佈置作業，有時都係晚間出啲long-term 功課，仲有老師嗰句，佢讀到書唔影響成績就得啦，老師我都會打機咁，依家世代唔同啦，我自己都係有時間就拿起手機。

點評回覆引用

順子

Rank: 5 Rank: 5


	1443

9^#

發表於 24-5-29 11:41 |只看該作者

beastiebistro 發表於 24-5-27 15:42
我家係六歲前完全零電子產品（包括電話／電腦／電視），我同太太都嚴格遵守唔喺小朋友前面用。通常係佢哋瞓 ...

所以話管教好重要，我仔老爺奶奶湊，BB時已開電視比個孫睇，就算個孫無扭計，佢話怕個孫悶喎！我哋都好遲比電子產品阿仔接觸，除電視外，可是一上到中學就一發不可收拾，日夜手機不離手，不停打機或睇YouTube ，以前佢都鍾意睇書，但我都好耐冇見佢睇書了

點評

發表於 24-5-29 11:45

點評回覆引用

stillgood20

男爵府

Rank: 6 Rank: 6


	8994

10^#

發表於 24-5-29 14:40 |只看該作者

beastiebistro 發表於 24-5-27 15:42
我家係六歲前完全零電子產品（包括電話／電腦／電視），我同太太都嚴格遵守唔喺小朋友前面用。通常係佢哋瞓 ...

我正好相反.
細囝見到字就好悶.會瞓著覺.
(後來.我發覺每個人频率不同)

小學/中學未曾看完一本課外書.

我記得佢幾歲.一家4口坐在大廳玩鋤大D.
細囝双手打著遊戲機. 用双脚同我哋玩鋤大D

一一一一一

點評回覆引用

Radiomama

公爵府

Rank: 10


	26672

11^#

發表於 24-5-30 08:37 |只看該作者

beastiebistro 發表於 24-5-27 15:42
我家係六歲前完全零電子產品（包括電話／電腦／電視），我同太太都嚴格遵守唔喺小朋友前面用。通常係佢哋瞓 ...

Same here!

我兒在中學時的手提電話是2G, 能打電話溝通/求救，他收到第一個智能電話是17歲的生日禮物。

之前都是上學用電腦做功課、message 老師同學聯繫，生存到。

無電子產品、少電視，所以初中之前是書蟲，之後也有打機，但唔叻，所以不沉迷。我仲買咗個PlayStation俾佢暑假玩，又係玩咗幾次就收工，佢無興趣。電視根本不是他杯茶，但會上YouTube /Netflix/DisneyPlus, 睇動漫。

所以，事在人為。

點評

RainyRice

發表於 24-5-30 14:30

點評回覆引用

水晶宮

Rank: 12


	51569

12^#

發表於 24-5-30 08:42 |只看該作者

Radiomama 發表於 24-5-30 08:37
Same here!

我兒在中學時的手提電話是2G, 能打電話溝通/求救，他收到第一個智能電話是17歲的生日禮物。

Great minds think alike

我認為最好都係小朋友未出世已經諗好教育方向，day one都冇就唔存在俾左要收返嘅問題...

點評回覆引用

Rank: 5 Rank: 5


	1046

13^#

發表於 24-5-30 09:57 |只看該作者

本帖最後由加樂爹於 24-5-30 09:59 編輯

阿仔部SWITCH在大半年前, 要佢熄機唔熄, 嘈左大交後, 佢發脾氣, 泵左起梳化上....我就借意話個screen 爆左, 再爆吵佢一鑤, 從此就大家都無再提部機, 信部SWITCH已經壞左.

當時網上玩MINECRAFT, 佢都會睇晒果d攻略書, 去研究下點玩, 都唔小書6-7本書局有賣果d都睇晒, 佢可以話除左打機, MINECRAFT 外知識佢都了解.

MINECRAFT EDUCATION 要用 PYTHON 寫程式, 我二年級暑假比佢上左兩個月, 佢跟住自己跟左書去 CODING.

當時, 比佢用電腦係基於呢個原因.

但SWITCH 之後, 佢就只知道打機係玩...上面既野又點會再做!

最唔開心係手機, 平板既YOUTUBE, 果d 外地教打機日日V 嘩鬼叫既YOUTUBER,不管是教你冷知識, 或講冷笑話, 會剎左好多時間....

現在, 沒有SWITCH, 用電腦打機只可在假日, 平日晚飯前後看YOU TUBE.

實在講, YOUTUBE 果班V 嘩鬼叫既人, 睇得多會令人蠢左, 果腦唔多諗野…

點評

RainyRice

發表於 24-5-30 14:29

點評回覆引用

Rank: 5 Rank: 5


	1046

14^#

發表於 24-5-30 10:52 |只看該作者

本帖最後由加樂爹於 24-5-30 10:53 編輯

我記得一兩年前, 在Covid 尾段, 偶意在一份英文報章上看到登革熱在新加坡流行...阿仔問我物野叫登革熱, 同Covid 有物分別?  我簡略了幾句回答.

翌日, 佢在家用了3個鐘在網上searching, 做左10幾板powerpoint, 由背景, 徵狀, 病理, 原因, 預防, 有copy的, 有加自已意見, 這不正正就是利用電腦去讓他腦袋無邊際去學習嗎?

回想, 讀書叻既人有兩種:

一種是你比佢雞精notes, by point form, 佢足夠聰明可以掌握到應用, 快靚正, 這個方法, 可以用到入大學前.

另一種, 佢要大量背景資料, 理解後, 才能夠明白重點, 明白為什麼除了這個標準答案外, 其他答案不足既地方.  這個花時間, 不合經濟原則, 但係無辦法, 因為佢及唔上第一類人那種聰明.

我覺得佢係第二類, 佢要問, 隨他去找資料.

這是一個理念, 可以每個人不一樣, 沒對錯.

以住那一套, 單一專注學習, 用到現在, 在科技資訊"發展中", 我強調是"發展中" 因為日後再進一步, 唔通連整個教育方向改變, 正式落實到實體學校教育, 才猛然覺得自已守著那本syllabus 的方向太窄了嗎?  想下當我們說會計, 律師都可能用AI代替, 未用20年後, 要的是什麼的能力?

當然, 會計, 律師仍不會真差到那裡, 因為不是市道, 地沿因素, 而是要怎轉形下, 叻既人都係社會需要既.

回說, 有沒有好好利用科技學習?

或者, 同今天你仍會戴口罩? 接受與病毒共存?  有同樣的矛盾爭辯.

我不是說那個好, 只是當你子女行到一個地步, 你了解佢能力, 性格後, 你欣賞亦正面去幫助佢行前, 會有家長不認同, 但你要有一個理念, 不是單一對與錯, 而是有沒有預防, 如何執行, 若有問題時如何改善, 這種想法?

點評

RainyRice

發表於 24-5-30 14:30

點評回覆引用

Rank: 5 Rank: 5


	1046

15^#

發表於 24-5-30 11:03 |只看該作者

補充...第一類及二類人不是絕對極端, 大部份都是在兩者間.

回樓主問題, 這是一個理念, 但當你要想怎樣計劃手機時間, 要先問自己:

有沒有預防, 如何執行, 若有問題時如何改善, 這種想法.

點評回覆引用

Radiomama

公爵府

Rank: 10


	26672

16^#

發表於 24-5-30 13:47 |只看該作者

科技發展，大家都要好好趕上；不過家長和小朋友要分清楚，有些產品其實是「電子奶嘴」，這個就要遠離。

學習當然不只限於課程書本，但同樣不要迷信網絡。世界好大，我會鼓勵小朋友多接觸人、學吓睇人面色、又或者多出街、觀察事物。最近我仔long weekend ，約朋友去hiking, 曬到面紅紅，我開心都嚟唔切。

點評

發表於 24-5-30 16:16

點評回覆引用

水晶宮

Rank: 12


	51569

17^#

發表於 24-5-30 16:25 |只看該作者

Radiomama 發表於 24-5-30 13:47
科技發展，大家都要好好趕上；不過家長和小朋友要分清楚，有些產品其實是「電子奶嘴」，這個就要遠離。

學 ...

我認為亦無須擔心小朋友遲接觸電子產品會有咩蝕底，無須睇小小朋友學習能力。

事實上我仔係13歲去英國寄宿先得到一生第一部個人電腦。但係只需短短三年，佢已經可以自己寫website，甚至用unity寫3D game。而且寄宿學校每晚收機，平日及週末又有大量運動／課外活動去忙，真正可以放喺電腦嘅時間少之又少...

點評回覆引用

akys

子爵府

Rank: 7 Rank: 7 Rank: 7


	12551

18^#

發表於 24-5-30 17:06 |只看該作者

我覺得手機，平板與閱讀好難並存，所以我們盡量拖延使用電子產品嘅時間。電腦用坐檯放喺廳度。而家孩子讀大學了，覺得呢個決定冇錯。

點評回覆引用

RainyRice

Rank: 5 Rank: 5


	2256

19^#

發表於 24-5-30 19:12 |只看該作者

Radiomama 發表於 24-5-30 08:37
Same here!

我兒在中學時的手提電話是2G, 能打電話溝通/求救，他收到第一個智能電話是17歲的生日禮物。

見到各位孩子已長大的家長的分享都覺得很鼓舞。小朋友小學階段暫時一星期在家中接觸不多於2小時電視/ipad (非功課/學習）. 多數看兒童新聞，也有Netflix、卡通、遊戲。不過當兩個小朋友年紀差幾年，細的難以避免地會比我期望中接觸更多電子產品，但都沒有用手提電話。我聽過我大那小朋友跟朋友講自己喜歡書本遠多於電視，都覺得很安慰雖然之前為了不準他們玩Roblox都傾了很久。
現在同學朋友開始有自己的手提電話，之後要開一部只用作打電話或基本短訊的手提電話給大那個，應該又會引來一場討論和反抗。
而當如BeastieBiatro所分享，英國(甚至世界各地)越來越多學校都限制小朋友使用電子產品尤其是手提電話時，某間我有興趣的國際學校中學，學生每個小息時段可以隨意任玩手機、網上遊戲，學校網絡沒有filter，學生亦可用自己數據玩，老師覺得沒有問題也不會阻止….就算小朋友自己沒有手提電話，在學校都可以用朋友的手提電話去玩，而一班同學一起放小息也是在玩電話，亦減少了小朋友人際關係in person溝通上的機會。好可惜。
就算在家裏實行到電玩限制，學校竟然做另一套，現今為小朋友選學校真的太多顧慮，有些情況就算跟現讀生家長傾都未必可以知道。到入學之後才發覺原來學校的執行與想像預了解中有落差就很麻煩了。
(離題：希望新校長會加以整頓）

點評回覆引用

Rank: 5 Rank: 5


	1046

20^#

發表於 24-5-30 19:57 |只看該作者

本帖最後由加樂爹於 24-5-30 20:02 編輯

電子產品可以幫助Coding, 學習... ? 講真句, 呢D都係小炒一碟, 大個左要學, 快好多.

人天生邏輯數理能力, 只可承認係天生, 無需提早去學太多.

所以, 我認為這是生活模式, 生活媒介, 跟學習成績不太關係.

我小時, 家裡沒那麼多錢, 中學沒有什麼看戲及同學間活動, 就是整天在校內打籃球.
多虧學校有樣的生活, 但總是覺得欠了一些距離關係.

不影響讀書成績...但係會想學生生活是什麼.

其實, 校隊係咪真係咁光環呢? 花那麼多時間!

能夠延遲接觸手機當然好, 但係同戴口罩近似, 堅持, 避得到, 甚至話唔帶可以增加免疫力, 要堅持多久, 再有需要嗎? 呢D敏感野, 我唔去討論, 只係用來帶出樓主要怎樣去理解這個題目.

可能, 當一方認為狠下手直到大學, 好理想...但這個需要一個理念, 為什麼, 要做什麼?

年前我都有問自己, 做完晒功諜, 溫晒書, 余下時間點解唔可以鍾意打機?

答案是我想孩子怎樣的生活, 生活有與人相處, 有溝通, 打機只係佔小炒一碟!

當然, 我看是與校隊打波價值同一個水平

上網不是壞事, 想清楚就有方向, 家長就有標準.

我看他上網打機...坦白講, 我沒有那種想要陪佢, 等佢回心轉意那種天真.
其實, 心裡面經常去audit 緊價值...有意無意間指示佢...
佔用幾多時間並非全部, 佢講得出說服到我為什麼, 係重點.

生活平衡係重點, 唔比佢玩手機, 又可以比佢做物?!
這個花心思呀! 黎緊暑期, 平衡發展, 就不會再困難問每日應幾多個鐘去打機啦.

心裡面有個底, 用幾多個鐘外, 最慘係失預算.

希望把我想到既野, 分享到比樓主.

點評回覆引用