- 在線時間
- 3 小時
- 最後登錄
- 13-8-20
- 國民生產力
- 1
- 附加生產力
- 82
- 貢獻生產力
- 0
- 註冊時間
- 11-4-21
- 閱讀權限
- 10
- 帖子
- 80
- 主題
- 1
- 精華
- 0
- 積分
- 163
- UID
- 687513
 
|
小女今年升 F2
由細到大用洗腦式方法同佢講, 做功課係佢 o既 責任， 等佢知道, 接受, 明白咩係自己的責任。
小一check 功課, 做錯會教, 有幫佢溫書同額外買練習佢做
小二, 會睇佢有冇做齊功課, 佢自己溫書, 考試默書前我會問書
小三起已經冇幫佢睇功課, 不過每日都有 check 手冊睇佢有冇欠交功課  同埋提醒佢幾時默書、 測驗、考試
托賴小學成績一直都係全級頭廿名之內(全級約180人)
每年開學前都會 go through 佢d 課本, 略記住學校將會教些甚麼， 然後係日常生活中搵例子教佢或者同佢溫習。 例如: 知佢中史講春秋戰國, 咪同佢講下春秋五霸係乜水, 戰國有邊七雄, 有時同佢講下歷史典故, 四字詞語的由來 ... 當故仔咁同佢講, 過程要有互動, 等佢易 d 記入腦。 我上年 go through 佢中一課本時, 覺得都幾深, 不竟由中文小學上英文中學, 仲要係區內 band 1 頭中學, 真係有 d 擔心佢唔跟唔上。 於是暑假時, 我同佢鬥快背木蘭辭, 燕詩, 又會同佢講呢 d 詩辭 o既意境, 用最少 o既 字去表達好深 o既意思 … 仲有同佢用多佐英文溝通, 連+-*/ 都會用英文講, 等佢早 d 習慣, 亦提醒佢課本上有唔明可以問, 大家一齊研究。 又同佢講會降低要求, 唔洗每科85分以上, 總之合格就 ok。 基本上全年冇乜點理過佢, 只係同佢傾過幾個學科 project, 俾佐 d 意見, 佢自己做。 得閒又同佢討論下世界大事, 經濟民生， 法律天文地理自然科學 .. 等, 希望對佢通識有幫助。 所以通識老師一講堅尼系數, 佢就即刻接得上, 仲講得出點解北韓堅尼系數會咁低 … 上學期成績都考到全級頭三十名之內 (全級約140人) , 都算係咁。 如無意外, 中二應該會編入精英班, 不過佢唔係好想, 因為壓力大 … 
好坦白講, 教小朋友最重要係唔怕麻煩, 當小朋友唔識功課時, 好多家長會直接俾個答案佢, 因為最快解決問題。 但係我會花時間引導佢, 或者話佢知邊度會有答案， 甚至同佢一齊去翻書, 上網搵答案。 我覺得最重要係教導小朋友如何搵方法去解決問題及得到答案， 要俾佢知道, 答案一定要自己去搵, 係搵答案的時候, 會不斷思考整理及加深記憶。 當學識方法之後， 會終身受用
有同事問我點解我唔洗幫個女溫書又唔洗理佢 d 功課, 佢 d 成績都 ok。 我同佢講, 由小女幼稚園開始, 我盡量抽時間每兩星期帶佢去圖書館一次, 每次借十幾本書。 最初我同佢一齊, 我讀佢睇, 到小一入學前佢已經可以自己讀完格林童話(文字版)， 佢做唔做得到? 佢話佢好忙, 通常係爺爺帶佢個女去圖書館 
我作為一個單親媽媽, 要返工, 工餘時間要進修考專業試, 屋企冇請工人, 洗衫煮飯家務一腳踢, 佢有冇我咁忙? 佢即時 
以上純屬個人意見, 每個小朋友都唔同, 要因材”思”教, 作為家長, 要因自己小朋友的 ”才質” 去 ”思想” 如何教
|
|
發表於 12-5-30 18:25
