英普定英粵

columbae

B7Mimi 發表於 17-12-7 16:52
睇番個報告，普教中只比粤教中差2分，即係分别不大。而且香港仍排第三，比起其他母語教學國家例如美國，排 ...

1. 即係搞一大堆野，普教中比粵教中差
2. 普通話當然要學，可獨立一科上堂，但上中文堂時學生並不是100%聽懂老師說話，對中文課本的理解會好粵教中好嗎？
3. 你用"真正的中文"去唸一篇唐詩宋詞，再用粵語再唸，你就明白那種語言更能押韻

B7Mimi

columbae 發表於 17-12-7 17:07
1. 即係搞一大堆野，普教中比粵教中差
2. 普通話當然要學，可獨立一科上堂，但上中文堂時學生並不是100%聽 ...

先搞清楚“語“同“文“嘅分別，粤語係語，係地區方言，唔係“文“。我地作文，用文字表達係“文“。普通話同時係“語“亦係“文“，所以要用文字表達得好，如果能學好普通話，效果更好。我地中文科考試，寫作係用中文，如果我地用粤語口語考中文科，一定唔合格。DSE 中文科又叫死亡之科，有D其他科高分的學生因為中文不合格，入唔到大學。就係因為好多家長以為粤語即係中文，因而忽視中文科。

columbae

B7Mimi 發表於 17-12-7 17:29
先搞清楚“語“同“文“嘅分別，粤語係語，係地區方言，唔係“文“。我地作文，用文字表達係“文“。普通 ...

考試局評分報告咁講？我衹知你普通話唔係好似內地人咁純正，去考dse 中文oral 肯定做炮灰囉

old_viki

為什麼普通話同時係“語“亦係“文, 講的是普通話/國語/粵語, 寫的是中文
講普通話的, 不一定有文化, 不一定識寫字, 學好粵語, 相信亦可學好中文.

blueaqua

B7Mimi 發表於 17-12-7 17:29
先搞清楚“語“同“文“嘅分別，粤語係語，係地區方言，唔係“文“。我地作文，用文字表達係“文“。普通 ...

不敢苟同。

在香港，廣東話才是大部份人的母語，我們這一代和上一輩人從小到大都是用廣東話學習中文，一直以來無人詬病我們的中文水平。為何來到我們的下一代，會有家長覺得用普通話學中文才是王道？

普通話只不過是中國無數方言之一，我認為把普通話獨立成科當外語學並無不妥，但如果用普通話來學中文，尤其對於年紀這麼小的幼稚園生來說會做成不少困擾和混淆。舉例說，中文書面語中祖母一詞，廣東話日常生活中我們叫嫲嫲，大陸人用普通話唸奶奶，還有蕃茄／西紅柿；馬鈴薯／土豆；機械人／機器人等等數之不盡的詞彙差異。長遠來說用普通話在香港學習中文會降低學生們的學習成效甚至興趣。我們學習中文，　不只為應付DSE,　也是日常生活中與人溝通的重要媒介之一。所以如果你生活在北京上海，我會支持你用普通話學中文，但在香港推行普教中，實在是不倫不類。

c50382952

blueaqua 發表於 17-12-7 17:46
不敢苟同。

在香港，廣東話才是大部份人的母語，我們這一代和上一輩人從小到大都是用廣東話學習中文，一 ...

講得好好，就算連大人都未必即刻轉得切channel紅柿同蕃茄，何況幾歲小朋友。如果佢問你點解普通話時叫紅柿，廣東話時叫蕃茄，真係未必答得出。真係好混淆，如果母語基礎好都話，基礎唔好真係兩頭唔到岸。就算普教中係趨勢，都等你考好小一先啦，我情願學好粵語準備好小一面試考間好小學先慢慢學普通話都未遲。幼稚園學只會影響小一面試，到時考唔到間好小學就算你對普教中幾有準備又有鬼用咩。我覺得考間好小學仲緊要過提早學普通話。

c50382952

參考專家意見，趙Sir都建議揀英粵。
https://youtu.be/LLfptBNm-NU

ylylylyl

old_viki 發表於 17-12-7 17:44
為什麼普通話同時係“語“亦係“文, 講的是普通話/國語/粵語, 寫的是中文
講普通話的, 不一定有文化, 不一 ...

就幼稚園階段來看：

其實學好普通話，做中文卷時會否做快啲？ 還是會慢左？會答對多啲，還是答錯多啲？

口語方面，其實小朋友只要識ni-cam , 對講廣東話其實都唔會好大影響？畢竟，幼稚園課程只是3小時。普通話其實好難谷得好，要小朋友願意講，先會進步得快。

本人對英普英粵沒有立場，只是奇怪一問。

B7Mimi

c50382952 發表於 17-12-7 18:23
講得好好，就算連大人都未必即刻轉得切channel紅柿同蕃茄，何況幾歲小朋友。如果佢問你點解普通話時叫紅柿 ...

全世界只有香港咁奇怪，用地方方言教語文。在台灣不會用閩南話教，在上海不會用上海話教，近在廣州，深圳，地道方言同樣係粤語，佢地用普通話教，都唔會學到不倫不類。專家話學語言的黄金時間係二至八歲，我地俾小朋友從小知道薯仔=土豆=potato, 總比長大才来學好。全世界用粤語的人口大约千多萬人，相對十億說普通話的人只佔1%。香港只會跟國內走得越来越近，如果有在中環返工的人都知道，在中環街上講普通話的人越來越多，我地孩子，如果能夠從小打好普通話講寫基楚，將來機會會多D。今曰香港在國內人眼中仍有點優勢，佢地有時聽唔明睇唔明我地D粤式普通話，會遷就我地，二十年後，我地孩子出来工作，呢十億人仲會唔會就我地呢？

tammtamm

B7Mimi 發表於 17-12-7 19:35
全世界只有香港咁奇怪，用地方方言教語文。在台灣不會用閩南話教，在上海不會用上海話教，近在廣州，深圳 ...

不能同意更多。馬來西亞星加坡都係普教中，但各自屋企會講潮州話福建話客家話。我屋企講廣東話，幼稚園3歲開試學普通話，我而家廣東話同普通話一樣無問題。
最好笑係而家要教小朋友廣東話讀課本，自己真係讀唔到因為真係好好笑，仲要解釋點解書面同口語唔同，暈。

giojoe9999

對於普教中更能學好中文這說法，我不敢苟同。

舉一個實例，大家看看中國國務院報告吧! 那些中文真的不堪入目，你絕對不希望自己的兒女用這種文章作為學習課文。

2017年的中國國院報告共有63個“性”字。2016年的更多達71個“性”字。

什麼“全面清理规范政府性基金”，“什麼“取消或停征中央涉企行政事业性收费35项”。

“政府性基金”，“事業性收費”，真的貽笑大方。

要知道能在國務院撰寫報告的，都是精英中的精英，也是自小就以普通話學習中文，還不是寫出這種垃圾中文?

中國的精英寫中文也只是這種水平，那麽從內地來港教中文教師呢？

普通話是要學，但不必以普通話來教中文。

十年前推行母語教學，現在就普教中，前後矛盾，那到底想怎樣? 為什麼不用粵語教中文? 根本政府教育政策思覺失調。

別盲從政府口號，自己想想所謂“普教中更能學好中文”之說，是否真的有邏輯根據?

Deutsche

用母語來學習是否一定最好？
如是，香港大部分人非以英語為母語，點解咁多人想小朋友入英文小學？
我對普教中或粵教中冇乜意見，事實上亦係個人的選擇，每個人背景唔同學問知識唔同，對小朋友總有不同期望，香港既然兩種學校也有，就係俾大家選擇適合自己的

blueaqua

同意樓上所講,不論普教中或粵教中都是個人選擇, 每個家長都可以選擇認為最適合你孩子的教學語言。

但見到有人話"普通話至係正式中文", 實在不能認同。 事實上大陸人都有好多用普通話講的口語是不能當作書面語寫出來的。學生所讀的唐詩宋詞, 亦不是用普通話創作的, 難度那些就不是正式中文?

歸根究底, 想提高中文文書能力應靠多讀多寫有質素的讀物 , 增強中文語感, 如果每次下筆前都要先轉頻道用普通話讀一次檢查是否順口才寫出來, 這樣難度才是學習中文的最佳方法嗎?

am621

^GGmami^ 發表於 17-12-7 12:38
我個人覺得係，而且講真依家d所謂作家寫果堆書，真係好口語化，我唔係咁想自己小朋友學
...

同意至極！

講甚麼"語"跟"文"，"國"語"地方"，都是不設實際！

只想問一句，是否有人甘心讓子女成擁有呢啲所謂"作家"的語文能力？

孟母3000

其實用普通話認左中文字，咁上小學用廣教中會否認唔到字？要擺好多時間去追返？始終唔係間間小學/ 每一班都普教中。

孟母3000

sweetbride119 發表於 17-12-8 21:36
真係唔知有咩問題，如果小朋友一開始就接觸不同語言，普通話、廣東話，應該不怕有什麼學習問題，小朋友2-7 ...

我既意思係佢學校用左普通話去認字，咁廣東話認字係咪要父母教返。定係學校會兩樣都教。否則上到一間廣教中小學，要重新學用廣東話再認過D字。某d神校都係廣教中，如dbs, spcc初小, la salle

wcyjessica

孟母3000 發表於 17-12-8 21:16
其實用普通話認左中文字，咁上小學用廣教中會否認唔到字？要擺好多時間去追返？始終唔係間間小學/ 每一班都 ...

唔會認唔到字，因為其實學校教完既野，父母會再在家用廣東話講一次，由於是母語關係，講一次小朋友就會記得廣東話點讀，所以上到小學都無問題。
（利申：我小朋友是上英普班的。我記得我小時候很怕外語，是因為害怕，阻礙了我學習。所以現在給小朋友上英普班，目的不是為了考上什麼小學，也不是想他有很好的中文水平。我只想小朋友大了後，不會害怕接獨英文及普通話。但我回家會跟他用廣東話再重溫學校的書，廣東話依然是他的母語，但他對英文及普通話的掌握也越來越穩定。學習是漫漫長路，兒子今天學的英文及普通話，其實上到小學才學也是一樣，但我選了早些讓他接觸，因為想讓他在不計分數下學習外語，小學學的普通話要計分，太大壓力了。）

要母語教學/英粵/英普，其實沒有對錯，反而要因應小朋友能力，興趣，家庭教育如何配合也很重要。中文水平好不好，我覺得跟閱讀多少書有關，不覺得跟學習那種語言有關。很多外國人也寫不出好英文文章。不要期望說母語或說普通話的可以寫出好文章。讀書都是靠努力吧。

孟母3000

wcyjessica 發表於 17-12-8 22:56
本帖最後由 wcyjessica 於 17-12-8 22:57 編輯

唔會認唔到字，因為其實學校教完既野，父母會再在家用廣 ...

Thanks for sharing

始終學語言都講天份，小朋友有能力handle multilingual係好事，handle唔到咪學好母語先。

個人認為因應小朋友能力而選擇，最初我仔講野慢，所以想學好廣東話，點知佢突然語言大爆發，突然一講就講句子。而鐘意果間學校得英普，咪試下一年，唔得再轉校。但佢又好似適應得好okay，開學後一個月會識swtich語言，英文問佢答英文，廣東話問佢會答廣東話，普通話暫時未得，因為詞彙量未夠多。

孟母3000

多數言語治療師都唔支持普教中，除非家中有人普通話係母語，可以當母語咁教。始終佢地clinical見太多speech delay既cases。

我細佬做呢行，佢話如果兩歲半都仲未有一種語言可以應付生活需要，就唔好揀英普班。2歲半應識問問題（”呢個係咩黎？”，”你/ 爸爸/ 媽媽做緊咩？”之類）、講比較complicated 既句子，有連接詞/ 代名詞/ 量詞等等(但有時會用錯）。