深水直資學校崇真中學留班兩次學生被勸退學

Carrie媽

丘頌云呀! 丘頌云呀! 當初孩子入讀基督教崇真中學時我對學校很有歸熟感, 對你在大埔一英中學校的的評價很高,但現在對你的感覺簡直是大插水, 好心你唔好只懂加學費(每年加二千至二千五)、起泳池、攪掠水遊學團扮名校啦?
如果時光可倒流,孩子正準備升中一的話, 我一定不會選擇你這間沒有愛心, 不跟校訓理念辦學的學校.因為我唔想孩子跟你學講大話.

silviang

100%認同，如果可以時光倒流，我寧願選擇"大抽獎",也不會選這間完全違背教學理念的學校。

每一年，這間學校產生多少個徬徨無助的同學及家長呢???
S1-6班, S2-5班,而S3只有4班，每一級都不見了一班人。之前他們都是經過面試及考試進入這間學校，是學校眼光有問題，還是學校老師無心去幫助程度稍差的同學呢??!!!

奉勸一句，想做名校，並不是單靠Repeat,Repeat,Out,Out,Out便可以做到的。

原文章由 Carrie媽 於 08-7-26 13:47 發表
丘頌云呀! 丘頌云呀! 當初孩子入讀基督教崇真中學時我對學校很有歸熟感, 對你在大埔一英中學校的的評價很高,但現在對你的感覺簡直是大插水, 好心你唔好只懂加學費(每年加二千至二千五)、起泳池、攪掠水遊學團扮名校 ...

黃太112

其實我覺得學校唔合理，但就我所知，已經有幾個家長聯絡陳偉業議員，搵佢幫手。

陳偉業都答應左會幫手，仲已經同左d家長開會，傾下點做。陳偉業話，會約教育局既官員同家長開會，希望可以幫到小朋友。

如果大家有類似情況，又未搵陳偉業求助，可以聯絡陳偉業，希望集結家長力量，討回公道，等小朋友可以開開心心讀書。

Carrie媽

TTCA丘校長話「踢走學生人數寥寥可數，平均每班不足1個」，但全校二十多班,即每年二十多學生要Out,Out,Out 啦, 還未計留班生(今年S-1有32人要留班), 係度讀, 簡直送了自己的孩去墓園. 如果成績是標準邊緣, 真是年年都有可能Out,Out,Out .  恐怖!

Carrie媽

原文章由 Carrie媽 於 08-7-26 19:49 發表
TTCA丘校長話「踢走學生人數寥寥可數，平均每班不足1個」，但全校二十多班,即每年二十多學生要Out,Out,Out 啦, 還未計留班生(今年S-1有32人要留班), 係度讀, 簡直送了自己的孩去墓園. 如果成績是標準邊緣, 真是年年都有 ...

各位TTCA家長,

孩子初入讀基督教崇真中學時我曾經問過學校為甚麼沒有家教會, 副校長的答覆是學校足夠溝通渠道給家長反映意見,所以不會及不打算成立家教會, 但最近學校發生那麼多的不開心事件, 現在我明白不成立家教會的原因是唔想家長團結. 我哋TTCA的家長, 是否有必要集合大家家長的聲音考慮成立家教會呢?以監察學校一些無理的要求(如迫簽退學書等...).

kenlai

坊間吹風頌云退休啦(懶理)，關愛珠上塲更辣！老師們已大部份不滿其冷漠自持見死不救的態度請辭？
是否真有其事？但本人感覺相同！

原文章由 Carrie媽 於 08-7-26 20:00 發表


各位TTCA家長,

孩子初入讀基督教崇真中學時我曾經問過學校為甚麼沒有家教會, 副校長的答覆是學校足夠溝通渠道給家長反映意見,所以不會及不打算成立家教會, 但最近學校發生那麼多的不開心事件, 現在我明白不成立家 ...

KOKOMAN

我去年已提過此校要扮名校，起泳池、加學費、攪掠水遊學團，似足旅行社，最衰格中三果年如唔去叫你返學校自修，校長呀!
你唔好在平時上課日子迫人去。可惜我講出來比那些仲了毒家長罵，我亦提過此校會考成績唔掂，唔夠人升回原校，但那些家長
又話果D學生唔係由中一讀起，所以唔計，現在中二那個學生是
由中一自行考入嚟，唔夠兩年比學校玩死，各位 BAND ONE/
TWO 學生小六生家長 千祈唔好入此校，等學校收 BAND THREE
生比校長慢慢踢吧! 如果比真正名校踢出來冇得好講，但比D
質數咁差嘅學校踢走真唔抵!

原文章由 Carrie媽 於 08-7-26 13:47 發表
丘頌云呀! 丘頌云呀! 當初孩子入讀基督教崇真中學時我對學校很有歸熟感, 對你在大埔一英中學校的的評價很高,但現在對你的感覺簡直是大插水, 好心你唔好只懂加學費(每年加二千至二千五)、起泳池、攪掠水遊學團扮名校 ...

Carrie媽

原文章由 kenlai 於 08-7-26 20:48 發表
坊間吹風頌云退休啦(懶理)，關愛珠上塲更辣！老師們已大部份不滿其冷漠自持見死不救的態度請辭？
是否真有其事？但本人感覺相同！

這個關愛珠, 尖酸刻薄, 沒有教育人員專業操守, 如果祟真的校董決定由她上塲, 簡直是推祟真去死, 祟真遲早完成!! 可憐!

KOKOMAN

間學校已經成日換老師，現在又換校長，唔怪得我親戚不停谷個仔出去補習，佢話學校成日執位信唔過，個仔今年已升中四，學校
唔知可不可以應付公開試!
新校如此急進上位，又封建(家教會都冇，幼稚園都有啦!)，遲早
執笠，真係轉校趁早!

原文章由 Carrie媽 於 08-7-26 21:04 發表


這個關愛珠, 尖酸刻薄, 沒有教育人員專業操守, 如果祟真的校董決定由她上塲, 簡直是推祟真去死, 祟真遲早完成!! 可憐!

mrsliu1991

silviang,

我想問吓你囡囡點情況？同埋佢個班有幾多人要留班？及有幾多人可以試升？

原文章由 silviang 於 08-7-26 17:10 發表
100%認同，如果可以時光倒流，我寧願選擇"大抽獎",也不會選這間完全違背教學理念的學校。

每一年，這間學校產生多少個徬徨無助的同學及家長呢???
S1-6班, S2-5班,而S3只有4班，每一級都不見了一班人。之前他們都是經過面試 ...

silviang

Dear mrsliu1991

因小女屬於中游份子,很擔心以後都會被out, 所以決定幫小女找學校,如果找到就會轉校. 與其日後被人out,不如自己先走.

小女那班有超過10位同學要repeat,亦有超過10位同學要試升，真係好恐怖啊！在這裏繼續讀下去，肯定晚晚訓唔着，所以不如自己先走。

咁妳的囝囝怎樣呢?

原文章由 mrsliu1991 於 08-7-26 23:05 發表
silviang,

我想問吓你囡囡點情況？同埋佢個班有幾多人要留班？及有幾多人可以試升？

Carrie媽

原文章由 silviang 於 08-7-27 00:27 發表
Dear mrsliu1991

因小女屬於中游份子,很擔心以後都會被out, 所以決定幫小女找學校,如果找到就會轉校. 與其日後被人out,不如自己先走.

小女那班有超過10位同學要repeat,亦有超過10位同學要試升，真係好恐怖啊！在這裏 ...

Silviang,

祝你女兒能轉到校.  我個仔是學校升班標準好一點的學生, 但亦每次為他考試後擔心到死而想轉校,現需可升班, 但數天前曾為小兒報考二間中學都不成功, 可能其他學校都想受一些 very good
marks 的學生.

mrsliu1991

Dear silviang & Carrie Ma

我個仔成績都系一般，過到升班標準多ｄ，我到有問過其他英中關於轉校升讀中二（轉校原因絕對唔係因為學校問題，只係家庭問題），但好多英中都話無學位，叫我地唔洗試，如果要我轉中中我又唔甘心，所以我都無問中中學位，有小小煩，但我始終相信學校要求高對細路仔點都好ｄ，起碼唔會點學壞同埋亦都比佢知道要自己更努力，同對自己更有要求，始終將來佢哋要面對更殘酷現實社會。可能而家會比多咗壓力佢哋，但我個人認為壓力唔一定係壞，反而會推動佢哋要更加向前。但點都好，都希望兩位揾到心儀學校。

介唔介意話比我聽你哋兩個小朋友讀邊班？我個仔讀１Ｅ．

原文章由 silviang 於 08-7-27 00:27 發表
Dear mrsliu1991

因小女屬於中游份子,很擔心以後都會被out, 所以決定幫小女找學校,如果找到就會轉校. 與其日後被人out,不如自己先走.

小女那班有超過10位同學要repeat,亦有超過10位同學要試升，真係好恐怖啊！在這裏 ...

kitty331968

我始終相信學校要求高對細路仔點都好ｄ，起碼唔會點學壞同埋亦都比佢知道要自己更努力，同對自己更有要求，始終將來佢哋要面對更殘酷現實社會。可能而家會比多咗壓力佢哋，但我個人認為壓力唔一定係壞，反而會推動佢哋要更加向前。

我認同你的觀點, 小女今年入讀中一

everyma

Minicat


Please check PM

KOKOMAN

我親戚個仔考得唔錯都轉唔到區內英中，人地當此校放不在眼內。
中游份子轉英中仲難!

mamalou

我的孩子也是給學校勸退的，現在正十分煩惱為孩子找一間合適的學校。剛才看過有關的留言，有一些感想。

本來我以為只是自己的孩子不濟事，未能適應學校的要求，所以才有此遭遇，但原來天下間也有不少的淪落人。而我也有一些疑惑，為什麼孩子進入這間學校後會整個人有這樣的改變，是誤交捐友，還是本質如此？作為媽媽的，只有心痛及無奈。

我也同意KOKOMA講，其實崇真這兩年收的學生也是自己挑選的，應該好有信心把他們教育成材，試想想一個中一學生初到一個新環境可以惡到些什麼，學校其實是否可以想想應如何教好自己收回來的學生，如果發現有這麼多學生也出現問題，就應該好好反思，正視問題所在，找出幫學生的方法，而不是只把自己教不好的學生趕走，這根本沒有正視學校出現的問題。但我發現事實好像不是如此！辦教育的目標為何？我期望學校可趁這危機好好想想辦法！

另一個較多會員討論的人物為關副校長，或者我們也想表達一下感受，對於我們接觸到的關副校長，卻不像大家認為的樣子，相信她也有教育理想，也希望給小朋友機會。不過奈何自己的孩子需經努力，但仍未可達到學校的要求而退學，亦沒有給予機會。真有一點失望呢！

bobokoi

kitty319968:我對你的觀念並不完全認同,無疑學校要求高是對家長來說肯定是好事,亦對於讀到書的同學也同樣是獲得極佳的成績或有美好的前途,但我不認同讀到書的同學就一定不會學壞,這是什麼道理呢?難道讀不成書的學生就一定是壞份子嗎?
我本人認為辦學校要有崇高理念,也要有德育,不論學生的成績是好是壞,在學校方面必須要教育他們,並不是容易放棄,而且在這些個案大都是因成績不好而被out,這樣不是厄剎了學生的前途嗎?再者現今有好多人都讀不成書,是否全部都是壞份子呢?相反讀到書必定是好人嗎?

原文章由 kitty331968 於 08-7-27 09:20 發表
我始終相信學校要求高對細路仔點都好ｄ，起碼唔會點學壞同埋亦都比佢知道要自己更努力，同對自己更有要求，始終將來佢哋要面對更殘酷現實社會。可能而家會比多咗壓力佢哋，但我個人認為壓力唔一定係壞，反而會推動佢哋要更加向前 ...

hermit88

兩個星期前在BK提出小女在TTCA repeat的問題，真想不到原來還有這麽多同學有相同的遭遇，有些還更惨。

事情看似愈鬧愈大，但校方有沒有想清楚問題的根源所在，不要老是採取"掩耳盜鈴"的態度去處理事件。好像S1為甚麽6班同學有超過1班要repeat等等問題，校方能否跟各級要repeat或out的同學及家長開一次交流會，看看問題所在，正所謂"教學相長"。這總好比隔空對駡來得積極互動。

作為直資中學，學生是自己精挑細選回來的，學校應要努力栽培，更要做好補底工作。只是一年工夫便要repeat或放棄學生(而要repeat的學生佔了一班, 30多人)，是不是有些過份嗎?!!那些慢熱及中流的學生是否被犧牲掉呢??!!

KOKOMAN

我今天收拾書本時，無意找到一本 ''05/06明報升中選
校全攻略''，封底祟真賣了一版招生廣告，其中一點辦學理念是:
''評估學生學習，儘量減少高壓力考試，....'' 現在卻完全相反!


另校訓是 ''信、望、愛''，學校真的做到了 :
信 - 家長 ''信'' 錯學校!
望 - 家長完全失 ''望'' !
愛 - 學校完全冇 ''愛''心 !


家長們應團結起來，就算今年升到班的不代表下年會冇事，一般
學校就算名校都冇可能咁多人留班，難道校長想學校年年出
10A ?