香港東區婦女褔利會幼兒園家長傾下計 [筲箕灣]

Linki

小女今年 8 月 8 日入讀 N1, 現在是適應階斷, 妳地呢?  :

小吉媽媽

我個仔都係讀呢間呀, 到今日為止佢都係日日喊, 不過唔理咁多, 當係一個training, 一心軟就死硬.

係啦, 你點解會俾你個女女讀呢間既? 有冇申請社署個資助呀? 大家一齊交流下啦!

小吉媽媽

yauyee

係咪愛東個間

知唔知多呢2年, 小學派邊間多?!

Linki

本來想讀祟真, 但學費貴 5 百幾, 又無乜野學 (淨玩), 路德會要搭車, 麻鬼煩, 所以咪返 lee 度 lor.  妳仔仔又 N1 呀? 返幾放幾呀? 我個女今個星期一已經比佢返 8:45 放 5:30 la.

搵日得閒介紹個仔比我個女識啦, 等佢有個朋友仔易 D 識應.

冇申請社署個資助呀, 點申請的? 要乜條件? 可唔可以話多 D 我知? thx  :

Linki

我都唔知派邊間多, 我仲諗緊 K1 轉唔轉 (想轉"明我")  

小吉媽媽

Dear Linki,

我就貪佢近我屋企(對面)law, 係n1呀, 我隻馬騮仲未適應, 佢日日都喊, 依家跟學校個schedule, 返9放3, 下個星期就返9放4.30, 因為我同奶奶住, 所以佢一定好緊張接佢走...

好呀, 有機會我地相認呀! 咁你個女返唔返星期六架, 我個就唔返law, 佢阿女麻唔捨得.

要打去社署約見, 佢地會安排, 首先會問下簡單問題睇下你符唔符合, 然後再交齊文件, 一定要父母在職, 不過政府d錢真係唔易攞law!

小吉媽媽

Linki

我個女好小返星期六, 或者遲 D 啦. 妳奶奶接返同放呀?

Linki

可能放完星期六,日. 今朝個女去到學校門口就開始喊, 好彩見到蔣老師就 OK.  :

小吉媽媽, 今日開始放 4:30pm lor bor, 比心機呀  

小吉媽媽

係呀, 佢今日又喊law, 又要搵佢阿女麻law, 唉...佢平時係阿女麻湊放&返, 不過我個佬有時都會客串下咁law!

大家努力啦!

小吉媽媽 :wink:

sarahlee

我個囡今年讀N2, 舊年都係跟蔣先生同黃先生, 佢兩個真係好有耐性又好人, 我記得月初有將紙貼係學校門口係統計小一入學派位既, 好似都有10%係基灣, 仲有好多係愛碟灣官小, 其他就唔記得咯.

我多數每朝同老公&工人送佢返學, 放學就工人湊, 以前冇工人就搵個街坊(住樓下)湊佢放學, 依要自己有左, 所以要請返工人等亞囡早些適應.

好野, 得閒可以上來吹下水, 係呢, 我住東旭苑既, 你o地呢??

Linki

Hello Sarah, 唔係好知邊個黃先生, 點樣 ga?

基灣好野黎 bor, 愛碟灣官小得唔得? 筲官我就識.

妳個囡 N2 係咪即係 9 月會轉 K1?

我住東大街近安利個邊.

仲有要多謝妳打比我同比左 d 寶貴意見我, 不過因為趕住接放學, 所以傾唔耐, 真係唔好意思, 得閒再傾過.

and 恭喜妳又有左, 幾時出世呀? 仔定女呀?  

sarahlee

Linki,

其實, overall個個老師都好好, 黃先生係長頭髮既, 或者遲些搞活動你就會知(因為裏面另有一位王先生, 以前短頭髮, 但依家都係長咯), 愛碟灣官小聽聞都ok既.

我諗住唔幫亞囡轉校咯, 費時佢又要適應過, 同埋我聽舊年N4(即今年已畢業)既學生話好唔捨得學校, 所以我諗呢間都係好學校來既.

我唔好意思就真, 阻你咁耐, 下次再傾過啦, 我呢次係囝囝, 預產期係12月頭.

小吉媽媽

Dear Sarahlee,

好開心呀, 又多一個自己人啦, 我住愛蝶灣架, 恭喜你有左呀!

我諗我見個黃老師, 佢白白淨淨架ma, 佢都好好架, 有次我放上午, 咪去"裝"下小吉law, 點知俾佢發現左, 我話走架啦, 費事阻住佢地班老師食飯(d小朋友訓晒覺), 佢就話唔怕啦, 入去望下佢啦, 佢訓左覺架啦, 之後仲同我傾左一陣tim!

其實我都仲諗緊出年同唔同小吉轉去其他幼稚園...

小吉媽媽

Linki

但我太太話愛碟灣官小成日有人打交 bor  

另外我唔係話轉校, 我聽講今年 9 月後 d 幼兒園會 merge 做幼稚園, 所以唔知宜家 N2 會唔會改名做 k1  

sarahlee

Linki 寫道:
但我太太話愛碟灣官小成日有人打交 bor  

係, 咁我得閒再八下先得.

至於幼維園呢個, 我淨係知申請幼兒資助可以選擇社會福利署或者學生資助計劃(教育署), 我都聽聞過好似會合併, 但我見佢地學校都冇改名, 所以詳細就唔知咯.

小吉媽媽,

係呀, 佢地好照顧的新生同埋新生既家長, 我亞囡上半年尾(即約今年五月左右)番學開始有時扭計, 佢地都會打俾我同我傾下最近屋企情況來了解, 不過最終都唔知係咪因為就來有細佬所以特別嗲??

係呢, 點解諗住同小吉轉校既??

小吉媽媽

Dear Sarahlee,

聽你咁講我都放心d, 因為真係好驚佢地d老師冇愛心, 不過我試過見其他幼兒園, 有d老師真係冇愛心架, 我親眼見到個小朋友跌親佢明明睇到都可以當冇事發生咁架, 我俾小吉番呢間就係覺得佢地d老師好親切.

冇呀, 又想轉下d高程度既幼兒園, 心大心細, 不過未定既, 睇下佢呢一年點先lu!

小吉媽媽

Linki

小吉媽媽

如果要轉, 有好多幼稚園 11 月度就 interview ga bor.

小吉媽媽

Dear Linki,

係呀, 我都知, 所以咪心大心細law, 不過如果佢返呢度返得開心既話, 又唔想佢轉, 其實我又要考慮埋我奶奶既問題, 因為佢年紀都唔細, 唔想佢咁辛苦, 而且返全日又可以claim社署d資助, 而另一方面, 又驚呢間d程度淺, 第日上小學追唔到 .....唉, 真係要諗好多野law...

小吉媽媽

sarahlee

小吉媽媽 & Linki,

今朝送亞囡返學時見到有兩個新生返學, 我諗係都係N1, 仲成家人(包括爸,媽,亞哥同佢一齊入埋學校), 即刻諗起舊年亞囡返學既情景, 唔經唔覺, 已經一年咯.  

Linki

我今朝都見到好多人, 希望多 d 小朋友陪個女玩佢會開心 d 啦.  

另外我覺得太多人陪小朋友返學唔係幾好 (成家人 wor), 遲 d 冇得陪就麻煩 la.