又一村幼稚園係咪真係咁差???

bb媽0米

下唔係卦?老師會係學校大門口抽住個小朋友勁鬧?講真我真係唔信呀,好似上面咁多位所講要鬧都唔會係正大門口啦!放學時間wo,人來人往,加埋好多時校長都會係附近睇住,除非個老師博炒lor,否則都唔會咁做啦!

得罪講句,係真0既話都唔會得1個人見到啦,一定有人同校長投訴左tim啦!個老師仲可以繼續響到做咩?hcshiu可以問下校長有冇咁0既事wo!!

講開又講我自己唔會介意老師惡,如果小朋友曳唔聽話冇禮貌老師絕對應該嚴厲地指出佢地0既錯誤,老師唔夠惡小朋友又唔識驚,當然老師鬧梗係唔可以好似d街市婆潑婦罵街咁鬧啦,總之唔係人生攻擊,傷害到小朋友的自尊就冇問題!

我地做人家長0既都會鬧自己個仔女啦,小朋友曳之時老師嚴肅d教下佢地都岩架,邊個叫佢曳呀?不過通常老師教完我個仔都會打電話同我講返咩事,等我同亞仔溝通下,我覺得好好呀!

邊會有老師係d家長面前狂鬧小朋友架?我見0既老師都好斯文溫柔細心架wo!等我都問下有冇其他家長見到先!我自己就唔信啦!

bb媽0米

岩呀冇錯呀,我要求都好簡單,只要小朋友讀得開心,老師照顧得好就可以了,其他事真係唔需要理呀!

講真如果真係有拍到片段,應該係交俾校長去處理,響到講咁多都冇用,你又話老師有做過,佢又話冇,拗黎都冇用啦!有證據0既就羅出黎,老師如果真係有做錯,就應該要負責!不過件事係上年發生架wo,有事0既話個老師一早炒左啦,仲有得撈咩?

我覺得呢到有好多陰謀論咁,人地攪家長會又話人地想趕走校長,人地響到講幾句就話人地想返去做校長,咩裡應外合,嘩好黑暗wo!

乜呢個討論區有咁大影響力架咩?喂我唔想做校長,我想做校監wo,咁要係到講d乜,出幾多個post先可以做到呀?

總之,有拍片有證據就俾校長睇啦,唔駛拗啦!!

bb媽0米

原帖由 Burberry 於 09-9-14 12:22 發表
都唔明點解呢間幼稚園的是是非非永遠都沒完沒了 , 由我上年幫亞仔報 K1 已開始講 , 到今年仍然是舊樣子 , 亞仔本來今年入讀又一村K1 , 但有另一間心儀的學校收了小兒 , 所以放棄入讀又一村了 o 其實呢到 d 言論都有  ...

其實是非間間學校都有,我諗唔係又一村特別多0既,我小朋友今年k2啦,我見0既老師都好好,好有耐性,對家長都好有禮貌好斯文,所以我唔信佢地會勁鬧小朋友lor!

我冇後悔俾我個小朋友入黎呢到讀,我見佢每日返學放學都好開心!

我明白teacherkg係想幫依家學校0既老師出返啖氣,等校長睇到家長睇到會對老師好d,而waiyeemum又唔認同有麻煩家長呢回事,又想幫佢地講說話,其實大家0既立場唔同,不過我睇到大家都係支持學校,想學校,校長,老師,家長同小朋友好jei!

是非呢d野家長唔需要理,因為唔關自己事,你覺得依家學校好就放心俾自己小朋友入黎讀,我覺得呢到唔會令大家失望lor!

不過我覺得大家講還講,forum都有準則,我地身為家長0既都要識尊重別人,冇謂0既猜測同攻擊的說話就收埋唔好講,免傷和氣呀!始終大家都係想學校好jei係0米?

bb媽0米

原帖由 Burberry 於 09-9-14 13:58 發表
佢地兩個各持已見 , 我睇見都覺得煩

大家立場唔同呀麻,覺得煩0米唔好睇lor,你都話唔讀呢間咯,仲駛乜理呢到發生乜事呢?

bb媽0米

原帖由 Burberry 於 09-9-14 14:27 發表
我上來唔係想鬧交的 , 又一村有你這位家長真幸運 !

嘩做咩事呀?講事實之wo,你又唔係呢到讀你駛乜理呢到d是非呢?全香港咁多幼稚園,間間都有是非架啦,咁唔通間間都要走去睇走去理呀?

我都唔想同人嗌交架wo,學校多d明事理唔理d8卦野0既家長就間間都咁幸運架啦!

呢到d人真係奇怪.....