又一村幼稚園係咪真係咁差???

auen

又一村差唔差真係見仁見智，由報名到面試到交費，都去過幾次，我就覺得又一村幾好，就連門口"噴消毒搓手液"的男職員都好nice！仲有，我個女面試完後已"愛上"這校，仲周圍話俾人聽："我返又一村學校"添 ！見佢IN完咁開心已經足夠！

之後IN過聖羅撒就好唔OK(校舍相連小學部都比又一村細3倍)，d先生真係唔笑架！(搞到我仲驚過阿女！  )又唔知邊個係校長？！(可能佢地IN到好攰啩！但幾假都應該歡迎下個小朋友啦！)前後唔夠15分鐘就IN完請我地返去等消息！仲要我個女面試完本來已離座，但就突然返轉頭將玩過的玩具放番落個籃度，我自己都忍唔住讚佢"乖"，但個老師就望了一眼，只係講咗一聲"唔"加一下點頭(注意：仍然無笑！:-x )之後問返阿女，佢都好似唔知做過咩咁！結果佢地唔收我個女......我仲開心，因為可以叠埋心水入又一村！唔洗煩！又唔洗俾多次留位費！ (因為一開始我同我老公已定了2間較喜歡的兩間去IN，費事到時間間都收而頭痕！)

其實老師都係人一個，做家長的成日事無大小都"反映意見"的話，我估個老師唔多唔少都會發洩在小朋友身上，咪對佢衰D或者無咁注意佢囉！RIGHT？加上我自己湊一個已經覺得唔容易 ，一個老師要湊起碼10個仲要"唔鬧得"，都咪話唔辛苦！

仲有，小朋友犯錯係人生必經階段，俾人教訓下都唔係咩大問題，起碼俾佢知道唔係人人都會贊成自己的做法，唔係個個都會錫哂自己！若果太保護佢地，只會令小朋友越來越自大，睇唔起人！近幾年成日新聞話小學教師打學生，其實可以想像到d學生有幾衰而以令老師"出手"？！唔通d老師無端端會鬧人打人咩？你估佢地唔怕無得撈咩？！

當然，若因老師失職而令小朋友身心受損另計！

希望黎緊响又一村會遇到"知書識禮"的家長！:loveliness: 路係我地揀既，仔女係我地自己生既，教導子女係我地做家長既本份同責任，而唔係交哂俾老師囉！

auen

很贊同你的意見！"和平和諧"對任何人任何事都很重要！希望所有所為父母的要知道世事無絕對的好壞，好與壞只在乎大人的己見，小朋友天真無邪，他們的世界只有開心與不開心，根本不會在乎誰較"叻"！我們可以做的就盡量讓他們得到快樂，但當然也要經歷一下小挫折讓他們學會成長！

以我3年的教小朋友經驗，只可以對家長們說句：RELAX！不要抱"人有我有"的心態！

很期待開學啊！希望阿女可以享受人生第一段學校生活！

原帖由 Sailo 於 09-6-23 12:15 發表
非常有同感!!!

又一村, 我地真喺好喜歡. 因為. 小朋友喜歡. 呢點已經好重要! 每天見到他們笑著上學, 笑著放學, 這學校適合我的小朋友嗎? 已經有答案!

相信所有學校都好,只不過是合唔合適. 合唔合自己心水, 每間學 ...

auen

係呀！你大可方心考這間學校！老師真係好好同好細心！我阿女返咗學個多禮拜，佢已經好開心！最開心係佢突然有禮貌咗好多，叫親我攞野都會加句"唔該"，之前係教極都唔講呀！我諗一定係老師o既功勞！

佢鐘意返學鐘意到由朝到晚攬住個書包仔，超搞笑！加上佢係大B，學校o既事全部都識講番出黎(就連洗手間個廁所板係咩色都講呀！)所以我依家好放心！

原帖由 chingyeeyee 於 09-9-5 00:15 發表
原本對又一村學校的教學，師資、理念只是一知半解，只是諗住學校近屆企，但當睇完各位家長對又一村學校的評價，好放心幫囝囝考入這間學校。

做父母無非都是想小朋友返學開心，從各家長發表的內容中了解到到學校的實際情況，同埋 ...

auen

teacherkg真係講得好！我覺得班麻煩家長不如自己去開一間學校啦！佢咁樣"裝"人上堂，當學校係動物園咩？睇怕佢地遲下會响小朋友身上裝偷聽器或者針孔攝錄機添呀！

我覺得自己湊自己的小朋友已經唔容易，老師要湊幾十個人地d仔女更加係難上加難，依家d細路又唔鬧得又唔打得都好惡教，所以我好佩服d老師既愛心！

我諗校長都係唔想得失d家長先變相將d投訴入咗老師數(亦估唔到d無理家長咁鐘意搞大件事，做野唔諗後果)，所以老師們一定要加油，唔好俾一少撮煩人打沉你地教學既熱誠，好既家長仲有好多好多架！見d小朋友日日開開心心返學就知，媽咪永遠都代替唔到老師呢個角色！:loveliness:

原帖由 teacherkg 於 09-9-12 00:07 發表
真的很感謝家長的認同和體諒!

對呀,我知道有些本應今年升k3的麻煩家長已退學,可惜只是其中之一部份,麻煩中之麻煩家長還在此校呢!

說真的,家長和學校的關係弄得不好,受苦的必然是小朋友吧?難道學校會因他們的投訴而 ...

auen

贊成！
呢度之所以變咗"鬧事區"皆因個標題囉！"又一村幼稚園係咪真係咁差？"我諗係人見到都會入黎睇下！俾我見到第二間學校名後有個"差"字都會入去睇啦！睇黎都係要開個新標題先得！

我相信每間學校都有好同唔好既地方，報校最緊要係睇下小朋友既能力同小朋友喜好(面試前帶小朋友去唔同學校行下就知佢地鐘唔鐘意！)，若果家長係都要按自己意思去揀，跟風揀咗間名校但又得唔到預期既效果咪就嘥氣囉！

點解呢度咁多支持又一村既聲音？因為我地為既都係小朋友開心！我成日都話讀書唔係靠哂老師，家長既配合都好緊要！正如屋企裏阿媽教訓個仔但阿爸就攬住佢黎氹得唔得？

等我諗吓個新標題先...

原帖由 hcshiu 於 09-9-15 02:25 發表
恕我多事，過門都係客。唔係話唔係自己學校既家長就無偈傾既。唔同學校既家長交流下意見都係好既，第時話唔埋可能仔女同小學呢。