想問下香島中學⋯⋯

SlowMotion

香島係直資, 一般直資一早收生, 香島放完榜先收生, 所以與其話叩門, 我覺得佢係到時先正式收生

舊文有人提過佢"傳聞"中三四會換走成績唔好嘅學生, 引入成績好嘅國內生, 有家長話資訊日副校長已澄清咗冇其事, 當時小弟未聽 Q&A 就走咗, 唔肯定, 不過當日同過幾個同學傾偈, 不約而同佢地都自稱插班入嚟 (又會咁啱撞親都係?), 而且的確頗多同學講普通話... 所以果個傳聞... 如果有現在用家分享下就好了

SlowMotion

呢度同另一個討論區都有人講香島換入國內生推高 DSE 成縝, 果度仲話有成兩班咁多, 好嚇人, 不過果度政治偏見濃厚, 唔敢盡信

個人經歷: 去過舊年資訊日, 同過幾個同學傾偈, 無獨有偶都係插班生, 當時無為意 (因為唔知呢點), 依家諗返覺得有啲奇怪, 又會咁易撞到? 除非真係好多...

不過另一方面, 香島 120 個位, 40 人係自行, 60 人係放榜後自已考入, 只有 20 人係大抽獎入, 如果真係為谷成績專收內地生, 大可中一就收了, 唔使中三四先搞咁多野, 所以又覺得個傳聞未必真得晒...

SlowMotion

我記得資訊日副校長講香島正增值分數好高，而且數字係教育局畀，唔係自吹，但如果咁多中一生最後被換走，點様計?

SlowMotion

bbforever 發表於 20-6-15 21:05
你所講嘅多即係幾多？其他B1直資、津校學生，如成績不遞，情況會怎樣？

睇番當時影低啲相, 佢話 1 分最低, 9 分最高, 2017 中英數 9/9/9, 2018 9/8/8, 同 2019 9/8/9, 我當時理解係教育局有中一生入學時成績, 比較佢地六年後 DSE 成績, 不過如果六年後已經唔同咗一半人, 咁教育局點比較?

SlowMotion

hkpapa852 發表於 20-6-16 08:48
增值分數其實好虛幻，不少B2做得好過B1
更曾有B1中學話自己增值分數新高個年，係佢DSE成績最差個年。
...

咁如果 B2 校收多咗 B3 生, 但六年後佢地 DSE 成績唔錯(唔一定 5**), 的確增值好多喎

同理, 如果 B1 有年 DSE 冇以往好, 不過其實班學生六年前成績更麻麻, 咁增值分高亦合理

反而想知教育局係咪真係每個學生 trace 佢地中一同 DSE 成績, 還是只係中一一個大數, 中六一個大數比較?

SlowMotion

bobbob 發表於 20-6-17 15:24
如果係F1就唔多合理，始終大部份係抽入，唔乜理由可以專揀內地生

香島係直資喎

中一 120 個位, 40 人係自行, 60 人係放榜後自已考入, 只有 20 人係大抽獎入, 即係有 100 人由佢揀

SlowMotion

一般諗法, 如果跟唔上被勸退係合理, 否則個小朋友都辛苦, 但照計跟唔上應該只屬個別例子, 不過香島被傳大量港生被換成國內生, 即係唔係最 top 都要走, 相信呢樣係最令心儀家長擔心的地方

不過另一方面睇, 上面提到資訊日學校解釋自己唔要嘅學生人地都唔會要, 呢點亦合理, 就算正校迫到將軍奧同天水圍收, 都要佢地有(好多)位至得架, 難道佢地又勸退自己啲學生?