大圍聖心幼稚園家長∼請進

kena

hi baby111,
你唔係第一個話學校接電話果個人無禮貌架啦, 佢地真係要再培訓下先得, 今時今日咁嘅接待態度真係唔得, 比人對間學校感覺都會扣分架麻.

書薄雜費唔記得,  茶點費$350, 生日會$500, 學費$14XX, 詳細我要返去睇返張單先知, 到時再話你知.

kena

baby111,

我搵返張單, k1上學期書簿文具等雜費是$1195呀.

kena

IanIan 寫道:
kena

最唔專心同最百厭係孖辮女, 成日走黎走去, 日本仔就成日報串比老師聽(佢又走左去), 孖辮女係一個唔怕羞, 同幾主動的女仔, 可能似佢啊媽, 孖辮女放學時仲主動要拖住日本仔隻手, 但日本仔唔比佢拖

你教下日本仔啦, 咁好機會都放過, 唔怪得d女仔比電眼王拖哂架喎.  

kena

wing1206 寫道:
今日派咗正式學生証啦,若要開家長會,記得帶呀,唔好唔呀,用3年呀.

我都收到入數紙呀,每年都係做唔到自動轉賬的,今年都唔例外.   

今日蛋撻頭無返學, 發燒. 所以未見到張証, MUG唔係年年換架咩?   星期六掛住望住蛋撻頭走黎走去, 都唔得閑同你傾. 你就好啦, 唔駛keep都咁fit.  羨慕c我.

kena

IanIan 寫道:
[quote]
Kruson 寫道:
我估日本仔係似daddy 咁怕醜多d   [quote]
你話日本仔似我老公咁怕醜, 咁你個c野即係話我唔知醜啦  

     我睇都似囉.

kena

我今日開始下午先返工, 今早送左蛋撻頭返學, 捉我囡倍我去跑步, 跑左大約1個鐘.  好快我就可以好似呀Wing 咁fit 架喇

我見到蛋撻頭佢地每朝原來上堂前都要做體操, k1/k2/k3一齊係操場到做. 今日比我見到孖辮女.

kena

日本仔話放學時小學姐姐幫佢著外套, mug幼稚園&小學係一齊放學&同一校車. [/quote]

小學放12:30架喎.

kena

Kruson,
係呀, 雖然少一半人工, 但係多左時間, 好好用.  你有無比d CD 故事, 兒歌比電眼王聽呀, 我個人認為聽比睇TV好, 因為可以訓練佢地嘅想像力, 同聽覺集中, 我有好多呢D故事&兒歌碟, 有興趣可以話我知.

kena

冇呀, 咁你可唔可以兒歌同故事每樣burn 一隻比我呀, 我比返碟你呀, 唔該晒    [/quote]

ok! 我整左先call你.

kena

好慘呀, 蛋撻頭今日又燒返, 仲燒到103度, 食退燒藥都唔退, 要出到塞肛先出汗, 退燒.  而家d感冒菌真係好勁, 斷斷續續燒左5日喇. 希望唔好再燒返, 好彩今朝有我服侍佢.  

我果兩個都打左水豆針, 醫生話打左99%唔會出, 如果出都係出幾粒.  我驚有"la" 唔靓, 所以一早幫佢地打左. 兩個打針後都無發燒喎.

kena

Kruson 寫道:
我打去曹貴子度問佢話醫生打就530, 姑娘打就500, 我先前仲諗會唔會係醫生打因為我想姑娘打, 我以前去佢度打針都係姑娘打佢地d 手勢好好。

我呀囝歲半支針就係曹貴子幫佢打, 都ok, 呀左一聲, 都無喊, 不過可能果時細個, 開學前同佢打水豆針, 係大圍打, 喊到收唔到聲.  

kena

Kruson,
我諗學校實唔會有呢個服務啫.

IanIan,
點解下個月又要打第2針嘅, 流感針總共要打幾多枝架? 我諗打左會好過唔打少少. 但d菌成日都變種, 咁係咪成日都要打d新野先得囉?

kena

Kruson,
你都幾準時收工噃

IanIan,
咁日本仔咪要喊多次.

我都收工啦! byebye.

有無人知洗手歌d歌詞呀? 呀囝成日唱唱下問我跟住呢? 我又唔曉喎.

kena

啱啱同蛋撻頭睇完醫生返來啦.  今朝燒到發冷, 腳都震哂, 拿拿林同佢去睇醫生, 睇醫生又話佢無mug野, 話可能感冒未清. 途中仲比架綠van撞埋黎, 好彩有驚無險, 只係撞"粒"左隻車門.  真係黑仔.  

kena

IanIan,

唔好咁揚喎.

kena

IanIan,
係撞到我老公架車, 攪到我同蛋撻頭要自己搭的士上仁安. 好彩唔係好大沖力咋. 最後係我老公要賠$500比個van佬. 因為係迴旋處, 我地係內, 佢係外彎, 老公話上court多數都輸, 差人都係咁意思啦. 所以唔落薄囉. 真係貴, 連埋睇醫生, $700幾喇. 未計撞架車去整.

kena

Kruson 寫道:
尋日電眼王個書包又有包糖仔, 我問佢邊個比佢話係同學比, 但係佢唔知人地個名剩係話著裙同紮辮, 仲話係同佢一齊撘車喎, 我諗極都諗唔到邊個, 可能平時佢剩係放學先一齊撘返學係撘另1架或者自己揍, 上次仲以為係老師比添, 估唔到咁細個已經有女仔睇中佢喎

都話架啦, 電眼王喎, 你估浪得虛名嘅咩!

kena

Hi, micmicpig,
唔會太深, 開學都現在都未駛做功課, 我問過佢老師, 唔會咁快要寫字, 而家主要係教d主題書, 唱下歌咁, 見佢返學都好開心. 面試都好輕鬆, 比d公仔佢地玩下, 問下佢地叫咩名. 報左先啦.

kena

洗手歌, 左摔摔, 右摔摔, 跟住下一句係咩呀, 同埋最後一句係咩呀? 呀囝成日唱度果度就問我, 跟住呢? 有無人知呀?

我覺得佢發完燒後多野講左, 同埋唱多好多歌, 唔通發燒係開腦嘅?

kena

micmicpig,
咁我個仔大你個小小咋喎, 我個02年10月架, 咁你無比佢返幼兒, 咁平時咪好悶. 歡迎, 得閑咪入黎傾下囉.