睇功課溫書

sylvianyiuchun

其實大家會幫小朋友check功課啱唔啱嗎?定係做齊就俾佢交?
我女小一，我今日同佢睇功課，叫佢改佢就發脾氣，我唔睇佢又發癲又話我唔理佢，我話佢太無禮貌唔幫佢簽名佢就喊仲打人。佢咁嘅態度，其實係咪我縱壞咗? 應該俾佢自己承擔下後果? 我有時想堅決啲，有時又覺得好似無幫助佢咁，好矛盾

Olympian

似attention seeking 多d。你堅持要佢改，佢始終會改。不過佢係要激下你姐。我會鬧下佢，我仔好鐘意我間唔中鬧下佢，都係想我注意佢。佢最嬲我話唔理佢。

CMSmile

原帖由 sylvianyiuchun 於 15-05-23 發表
其實大家會幫小朋友check功課啱唔啱嗎?定係做齊就俾佢交?
我女小一，我今日同佢睇功課，叫佢改佢就發脾氣， ...

我個仔小二，我只會對佢有冇做齊，錯了回來做改正，等佢印象深d，不過小一仲細，可能仲適應中，需要家長陪都正常，反而我覺得要教她的態度。

Yanamami

的確係前因後果，但仲有時间調教，要快，時间無多，上左P3/4就無可能变……

scyauchris

回覆 sylvianyiuchun 的帖子

你囡重惡過我女！你唔介意手冊有red marks， 功課不是全對，基本上可以放手。不過有時要望吓佢功課做左乜，特別小一睇吓有乜correction.  一定要要養成良好的温習態度， 唔係懶開真係可以好懶。
比佢知道功課温書是佢責任，不是阿媽，阿媽唔返工都好忙，不是坐在她隔離陪佢做功課温習。我女以前都出手， 不過大左佢控制情緒好左，我有時丙佢，佢係對住我唱歌，我其實都幾嬲，不過太曳我都會打佢手仔。

其實我最近試過唔比佢做功課，不過佢係立即action係手冊上自己寫red marks.  我女今年小二功課獨立，衰唔温書，曳上來是破壞家裡用品，我其實都唔多識湊佢。

scyauchris

回覆 Yanamami 的帖子

掂算我女下年升小三，佢係學校都好乖，不過回家有少少破壞力。

wan_sosin

scyauchris 發表於 15-5-23 18:04
回覆 sylvianyiuchun 的帖子

你囡重惡過我女！你唔介意手冊有red marks， 功課不是全對，基本上可以放手。 ...

破壞家裡物品後,你有什麼後果比佢?

Yanamami

其实有時我見到有d小朋友大吵大鬧、踢人打人、瞓地、掉野發脾氣……我真係理解唔到点可以發展到呢个地步。

scyauchris

我最近一次就打她，因為不是第一次，之前warn佢同解釋佢聽，今次太嬲把未用過全新shampoo倒左去，係有九百幾ml.   

阿女係有少少怪癖，有毛頭or物件凸出少少，佢會拔。我自己每次剪髮都同佢講聲，因為佢可能會發瘨。

通常小朋友係某方面有d怪癖，如果父母知道就盡量唔好觸發那點，咁就可以減低小朋友發唒瘨的行為！

scyauchris

回覆 Yanamami 的帖子

你要遇見才明白，基本上有時好難去理解個小朋友，因為不是普通發脾氣，只可以由佢等佢冷靜下來。

wister

現在不是是否對功課的問題，係要趁你孩子現在細過要教，否則遲啲大個左佢完全唔聽你講！

洋蔥頭媽咪

原帖由 sylvianyiuchun 於 15-05-23 發表
其實大家會幫小朋友check功課啱唔啱嗎?定係做齊就俾佢交?
我女小一，我今日同佢睇功課，叫佢改佢就發脾氣， ...

樓主，小小分享，我兒小一起我只檢查功課是否做齊，從不對功課，當然佢錯得太多，家長必須申出援手，但不用擔心有錯，老師其實亦建議唔好對，其一，改功課係老師責任，其二，如果改至全對，老師根本唔知道孩子能力，有咩唔識，而改正亦可加深孩子記憶，考試亦可重溫錯處，避免重錯。初小我會著重培養小朋友自律/自理，鼓勵佢上課要留心，自己的事自己負責，功課自己做，唔明主動問，我朝住呢個方向，小三起已經全放手了。
如果你囡肯主動做功課，建議可讚賞佢嘅付出/努力，如果你偶然發現佢做錯，可以婉轉地與囡囡討論，如小朋友堅持，就讓她交回老師改，但要避免人身攻擊說話，例如叫你改又唔聽，錯了抵你等等....說話，若要孩子受教，家長要有技巧，首先要尊重佢，多讚賞/多溝通，要孩子服你，家長亦要訓練下自己eq先得，不能下下與子女硬碰，有時大人可嘗試代入小朋友角色，你就會容易d明白。試想想你用心做完功課，但媽媽就指責你錯(雖然真係錯左)，但你唔想改就鬧你，又話唔同你簽手冊啦！又話你冇禮貌，唔聽話，發脾氣等等，請問你服氣嗎？孩子情緒高漲，點會仲受教？所以從今天起，嘗試收起家長權威(我要你做就做之類), 多與孩子溝通，接納佢嘅要求與不足，待囡囡靜下來時擁抱下佢，同佢頃頃，溫柔地解釋比佢知媽媽可能緊張佢所以惡左對佢，承諾以後會盡量接納佢意見，唔會再鬧佢，問佢如果佢唔想改就由老師改好嗎？叫佢有問題可以同你商討，要佢亦承諾唔再亂發脾氣。記住小朋友其實極喜歡被讚及得到父母認同。試試下次你欲動氣時嘗試讓自己及孩子先行冷靜後，才去處理小朋友問題，可能你會有意想不到效果。

洋蔥頭媽咪

原帖由 scyauchris 於 15-05-23 發表
我最近一次就打她，因為不是第一次，之前warn佢同解釋佢聽，今次太嬲把未用過全新shampoo倒左去，係有九百 ...

我明白你，因為我都有經驗，jm你已經做得好好，無論大人定小朋友，都會有情緒，而當情緒高漲時，無論講咩都唔會入耳，所以一定要待孩子冷靜下來，才能容易處理。你囡年紀仲細，從你描述似乎佢仍未能完全學懂控制，如何宣洩自己不滿，佢破壞家中物品，看得出此等行為似乎能激起你對佢注意，亦能激怒你，建議你嘗試教導佢有不滿可如何發洩，有冇教過佢其他發洩方法？喝冰水，洗臉，畫畫，寫出不滿，撕碎紙....等等？你要表明不接納佢破壞物品作為發洩行為，但如佢暫時再犯你亦不要太大反應，盡量淡化，只係忽視佢就可以，待佢慢慢見你冇反應就會減少再做，不過你亦要多與佢溝通，多關心佢與佢頃談，如問題仍持續可尋求專業人士意見。

tomato100hk

原帖由 sylvianyiuchun 於 15-05-23 發表
其實大家會幫小朋友check功課啱唔啱嗎?定係做齊就俾佢交?
我女小一，我今日同佢睇功課，叫佢改佢就發脾氣， ...

小一下學期已經唔對功課！只會睇有無做齊！

sylvianyiuchun

感謝你意見，我會試試先讚佢，同埋慢慢放手，始於關係最重要

dlee_ca

感覺上媽媽做事太'貼身'會做成依賴。

我只說看看某某地方有沒有問題，他說有就自己改，冇就算了，當然有時候是陰佢。

現在小二開始掌握自己做平日的 routine works  ，有疑難才問，空出時間溫默書和測驗。

在小四評分前由他自己承擔後果。

picture

我女K2 已唔睇，佢做錯，帶漏野，着错校服 我都唔理。佢係學校錯一次，畀老師話，畀同學指指點，刻骨铭心過我日日鵝佢。

非常有効。反正kindergarten 唔計分，冇排名，不用呈分試。冇所謂。

Yanamami

picture 發表於 15-5-24 21:05
我女K2 已唔睇，佢做錯，帶漏野，着错校服 我都唔理。佢係學校錯一次，畀老師話，畀同學指指點，刻骨铭心過 ...

做得好~係細時已習慣，上到小学就唔洗煩。

fc926

原帖由 tomato100hk 於 15-05-24 發表
小一下學期已經唔對功課！只會睇有無做齊！

我們小初期會check有冇做齊功課，正確與否就不理，我講明小一下學期唔check功課只簽手冊通告，通告亦只簽名及填一些決定性答案，如未寫名或日期我不簽，她們都算做得到，只係間中欠帶欠交一次半次，每次欠交我都會嚴重其視，所以她們尚算認真

picture

原帖由 Yanamami 於 15-05-24 發表
做得好~係細時已習慣，上到小学就唔洗煩。

好感激朋友教我這樣做。佢個女好叻！