發現囝囝多次講大話 - 初中教育 - 教育王國

登錄 | 註冊

討論區

教育王國: 教育講場; 使用意見

幼兒教育: 幼校討論; 幼教雜談

小學教育: 小一選校; 小學雜談

中學教育: 升中派位; 中學交流; 初中教育

專上教育: 備戰大學; 選科選校

國際教育: 國際學校; 海外留學

知識增值: 課外活動; 教材閱讀; 公開考試; 深造進修

特殊教育: 特殊教育; 資優教育; 自閉寶寶; 智能評估

徵求專區: 二手市場; 誠徵老師; 組班專區; 徵保母車

聯絡管理員

教育王國 › 討論區 › 初中教育 › 發現囝囝多次講大話

發新帖

查看: 2101\|回覆: 18	go 發現囝囝多次講大話 [複製鏈接]

Rank: 4


	746

1^#

發表於 14-3-15 03:25 |只看該作者 |倒序瀏覽 |打印

個仔舊年自升中後,我地就諗住逐漸開始放手,由他自主,包括零用錢由以往每星期給一次,

轉兩星期給一次,過年後更轉每月給一次。

但最近開始發覺他常以種種籍口遲回家,查究下原來是去周圍睇野,又食下野甘!

事源每天回家後問佢,因怕我們追問去左邊,佢又話遲左放學,又話肚痛去了半個鐘厠所(每天)!

有天在他放學必經之路對面等佢,睇睇佢!

看到他在一家文具店內左睇右睇,之後去了麥記食野(全程自己一個),

便打個電話問佢在做什麽?他竟說搭緊地鐵,我便當面揭穿佢!

現在想問其實應怎做?收緊零用錢每天給予?還有其他可做嗎?

要怎樣教他或對他說什麼好?

點評

MM1155 鬆吓就無傷大雅…若有壓力就要多加留意！發表於 14-3-15 15:07

MM1155 何解要當面揭穿他？有想過後果嗎？不過都揭穿咗就要想辦法解決！歸跟究底是他想放學鬆一鬆；定唔想回家面對其他壓力？查查吧！發表於 14-3-15 15:06

Rank: 13


	88141

2^#

發表於 14-3-15 07:56 |只看該作者

本帖最後由 Yanamami 於 14-3-15 12:30 編輯

都唔喺乜離天大罪既，放學肚餓食下野都好正常。但，要同阿仔講，媽咪知你放學肚餓想食d野，但講大話喺好唔啱，講慣就越講越離譜，越來越乜都講大話，呢個習慣要不得。想睇下文具都OK，不過要講真話，唔好講禁多籍口。再同他講，著住校服周街行，其實唔喺禁好。。。。體諒下他想放學鬆一鬆啦，如果管得太行，怕他因怕你鬧，以後乜都騙你仲唔好。同他講，你可以間中禁禁禁放鬆下，但要話我知，唔好一個人成日周街蕩,大吉利是有乜事我都知你喺邊，唔好要我膽心嘛~~小朋友升左上中學，感覺自己大個仔，想“自把自為"一d都好正常，又有d錢喺袋，覺得可以自己想點就點，幾爽。明既，但要有限度，大前題喺要講聲你知，唔可以接受講大話囉。同仔講而家你唔開心唔喺食M記同行文具鋪，喺講大話。

點評

MM1155 agree 發表於 14-3-15 15:08

Rank: 5 Rank: 5


	2955

3^#

發表於 14-3-15 11:16 |只看該作者

都唔算好大件事，祇係佢剛開始有"自主權"，

嘗試下想做一D自已想做乜就做乜咁姐。

可能樓主小學時對佢太"照顧"，到放手比佢自主時，

心理上未習慣，咪同佢講下，佢肚餓食野或者去文具店
睇下野都無問題，祇要有交帶清楚，但唔可以講大話。

升到上中學，同佢地講野要當佢地係大人咁架啦，雖然佢地
未成熟到真係長大，但佢地已經覺得自已好大個架啦

Rank: 5 Rank: 5


	1340

4^#

發表於 14-3-15 12:18 |只看該作者

其實都可以接受，不要太緊張。最緊要溝通多D，同佢做朋友。

Rank: 5 Rank: 5


	1200

5^#

發表於 14-3-15 23:03 |只看該作者

比d空間佢啦，又不是做什麼不好的事。你平時問得太多就講大話啦。不過都要說說講大話的問題，但就給他空間改啦。

Rank: 4


	746

6^#

發表於 14-3-16 02:00 |只看該作者

多謝甘多位的意見,就係驚佢講開,揭穿佢我覺得無不妥喎!
反而想用D方法教佢以後唔好再講,讀書一定有壓力啦,係要放鬆下....
做父母....唉.....

Rank: 13


	88141

7^#

發表於 14-3-16 09:30 |只看該作者

cc_2012 發表於 14-3-16 02:00
多謝甘多位的意見,就係驚佢講開,揭穿佢我覺得無不妥喎!
反而想用D方法教佢以後唔好再講,讀書一定有壓力啦, ...

唔記得喺邊度睇到~話父母幾有理由，幾有道理都好，教導時敦起個款，喺到黑口黑面，惡死禁教訓教訓，小朋有喺唔會接收到，而且第一件事會”鋼“起曬，抗拒，乜都唔入耳。其實最終都喺想教好細路者，可能轉個soft d既方法仲事半功倍呢？何必硬碰？道理全喺你果邊又點，都要他接收到先有效呀~

Rank: 9 Rank: 9 Rank: 9


	23048

8^#

發表於 14-3-16 09:35 |只看該作者

回覆 Yanamami 的帖子

真的，換個面口，講相同的話，對手反應就完全唔同洒，原來話事權依然可以在妳手的。

對待男孩, soft 和懵懵懂懂的媽媽才可愛嘛。

Rank: 9 Rank: 9 Rank: 9


	23048

9^#

發表於 14-3-16 09:46 |只看該作者

我自己跟女女有衝突，有誤解時，通常最快搶著say sorry的是我。跟手咪由佢say sorry囉，還加送利息，給我擁抱。總之是阿媽的position 高低不是最重要，是否最正確亦不是最重要，重要是讓孩子明白媽媽的心意和焦慮，誰對誰錯，也要包容，孩子想曳曳時，有人教佢曳曳時，先想想，不要令媽媽傷心才好。

點評

cc_2012 多位你的寶貴意見:有朋友說她女子中二、三很反叛,到中四開始明白媽咪苦心,現在兩母女經常一起整cake!很開心!先苦後甜

發表於 14-3-17 00:47

Rank: 5 Rank: 5


	4813

10^#

發表於 14-3-16 10:19 |只看該作者

引用：個仔舊年自升中後,我地就諗住逐漸開始放手,

原帖由 cc_2012 於 14-03-15 發表
個仔舊年自升中後,我地就諗住逐漸開始放手,由他自主,包括零用錢由以往每星期給一次,

轉兩星期給一次,過年 ...

咁佢晚飯時，有冇食返正常分量？如果有，我只會叫佢少食D麥記，講清楚D麥記食物無乜益；行文具店姐，唔係x嘢米無問題囉！重點係佢講大話，會唔會係你問佢問得太多一一你幾時返呀？

點評

cc_2012 晚飯正常,多多都刷晒,有時都知要放下佢。可能要用D兜圈嘅問法先覺得我地無甘煩

發表於 14-3-17 00:56

Rank: 5 Rank: 5


	4813

11^#

發表於 14-3-16 10:27 |只看該作者

回覆：發現囝囝多次講大話

我諗我唔會即塲話佢講大話，我會買杯野飲，好似無野咁走過話:A，點解你係都嘅？又话返緊屋企？(要即刻講)食野米食野羅！做乜x咁講野！(小心，唔可以講“大話“兩個字)

Rank: 5 Rank: 5


	1757

12^#

發表於 14-3-16 10:42 |只看該作者

回覆：發現囝囝多次講大話

講大話人之常情，我果個問題係當大話被識破都死口唔認，先頭疼。

點評

黃巴士我囝大大吓都試過有死口唔應情況。　我跟他說:　唔認唔緊要，　你改咪得囉！！！　

發表於 14-3-22 13:06

Rank: 4


	746

13^#

發表於 14-3-17 00:40 |只看該作者

Yanamami 發表於 14-3-16 09:30
唔記得喺邊度睇到~話父母幾有理由，幾有道理都好，教導時敦起個款，喺到黑口黑面，惡死禁教訓教訓，小朋有 ...

現今做父母竟要先歉卑,但甘做是否所有孩子也明呢?

以小兒黎講,他是知的;但暫時不會因做錯了某件事,去尋求下次不再犯錯的辦法!

就這件事;發生了數天,直至今天才問番佢;問佢重有冇其他大話?因為睇到佢D零用錢用得不正常!

對他說食野並不大問題,但不可說謊!他開頭還口硬,反覆chock佢卒之前言不對後語。

他不願地說出不時幾個同學去麥記又有,去家鄉鷄、7仔蒲一頭半個時也有,用錢冇節制之餘仲冇益!

講一大論道理,罰佢午餐冇得食及零用錢每日發放!

唔知佢收到幾多?

點評

MM1155 無午餐食…萬萬不可，會影響發育！叫佢帶飯可能成效會好d！發表於 14-3-17 14:38

Rank: 4


	746

14^#

發表於 14-3-18 00:56 |只看該作者

MM1155:

放心,只星期日一天,平時在校有供應商送到!
ths~

點評

發表於 14-3-20 13:49


	9300

15^#

發表於 14-3-18 05:12 |只看該作者

提示: 作者被禁止或刪除內容自動屏蔽

簽名被屏蔽


	698

16^#

發表於 14-3-19 21:10 |只看該作者

提示: 作者被禁止或刪除內容自動屏蔽

Rank: 4


	746

17^#

發表於 14-3-19 23:25 |只看該作者

sukifong311 發表於 14-3-19 21:10
是我的話我不會立刻拆穿他，因為暫時來說他的行徑尚算正常，只是想自己行下，可能覺得自己大個仔，我會一直 ...

果一刻其實很難,係對面見到你行街,你竟夠膽話坐緊地鐵

過後睇,拆唔拆穿還是其次,重要是糾正不可說謊,要佢知信譽破產會點!

可能過多兩年佢中三、四真係管浯到! 但希望我也可以學多D同佢溝通嘅說話!

點評

黃巴士何必將小事放大看!! 再是這樣, 演變出只會是孩子對住你一個"乖"樣, 在外面是另一個你唔預計到的"樣"!

發表於 14-3-22 13:12

Rank: 3 Rank: 3


	180

18^#

發表於 14-3-19 23:58 |只看該作者

回覆：發現囝囝多次講大話

通常講大話，都係唔想俾你鬧。
自升中學，我老公都要阿囝寫收支表，開頭仔都懶懶閒，食得好勁，無幾耐佢開始想買一啲佢要既野，便慳啦，有時午飯食個杯面，拮串燒買，開頭佢都支支吾吾，我無話佢，我只話無營養，瘦左唔靚仔，間中好啦。一般我問佢咩都講。我自己中學都係和同學hea 下先番屋企，你同佢傾好要幾點前回家就得啦。
早陣子上左個管教孩子課程，都講溝通最緊要，無溝通咩都唔駛講。唔好哦佢咁多，同佢講擔心佢身體，佢地會知阿媽關心，不過口硬。同佢傾，係要佢同意你提議，唔係你話咁就咁，迫佢答係，久而久之，佢就唔同你傾，因為係命令。
高班家長話中二個個仔都開始反叛期，襯而家佢重聽你講，你真係要好好溝通。

洋蔥頭媽咪

Rank: 10


	25629

19^#

發表於 14-3-22 11:33 |只看該作者

引用：Quote:Yanamami+發表於+14-3-16+09:30+唔記

原帖由 cc_2012 於 14-03-17 發表
現今做父母竟要先歉卑,但甘做是否所有孩子也明呢?

以小兒黎講,他是知的;但暫時不會因做錯了某件事,去尋求 ...

恕我直言，我覺得妳在處理孩子問題時比較家長式、命令式，就算道理响妳度，亦比較難令孩子心服口服。其實孩子已是中學生，放學後與同學一起食吓野、頃吓計亦冇可厚非，孩子漸長，都須要有自己空間，從妳post 可感覺到妳應該都管得孩子頗緊，响孩子講大話背後，妳有否想過原因？好多時孩子係怕父母煩，管束嚴，才會以大話黎逃避，妳提到给孩子零用佢洗得多，又唔同妳講，我想問妳既然係孩子零用，點冼點用何解仲要妳批准？佢講左大話妳就扣佢午餐同每天限制零用，其實並非良好管教孩子方法，妳越專制，佢只會越唔想妳知，大家關係有機會越走越遠。
犯錯、跌倒其實都係孩子人生必經階段，年青人係須要父母多關心、多溝通，多包容佢地，如果唔懂得分配零用錢，到要用時冇得用佢下次就會學精，學分配，如果想佢唔對妳說謊，就要令佢明白比妳知结果會係冇乜大不了，佢就自己願意講妳聽。打壓方法教導有時孩子未必受用，不同處理方法得出结果可以好唔同架！

點評

黃巴士 AGREED!!

發表於 14-3-22 13:07

‹ 上一主題|下一主題 ›

發新帖

熱門主題

最高瀏覽主題

Copyright © 2002 - 2024 Baby-Kingdom.com Limited, All Rights Reserved.
有關我們
使用條款
免責聲明
私穩政策
廣告查詢