真係忍唔住....其實啲家長知唔知自己係到做緊啲咩架?!

vanifU

我個囡有學劵的都IN左5間,有4間收佢.諗住比佢試下九龍區出名D的名校,不過可能我成日都訓練佢,所以而家佢好抗拒.我都知小孩係唔迫得,但個人好似着左魔咁,好想好想佢讀間更好的KG.最後搞到佢又唔開心,我又唔開心.
其實都有試過放鬆下,不過一臨近要IN果排又開始......

Sheungki0101

睇左ek一段時間，都忍唔住註冊個acc嚟分享下意見（太太已經係會員）
其實小朋友嘅童年應該係喺開心快樂環境下渡過，父母應該喺學習同遊玩替子女定下平衡點，有啲唔係好同意父母將自己在工作嘅處事標準apply喺子女嘅教育觀點上，我相信所有幼稚園、小學中學等等教育機構嘅理念係培育下一代，同大家喺社會上職場面對嘅公司運作原則係完全不同，如果以'為子女好'做口號作為報二、三十間幼稚園藉口，只會做成惡性循環，對學校收生interview造成混亂，因為啲家長冇了解過自己家教理念同學校配唔配合到就報，冇了解過返學交通時間配唔配合到就報，其實喺討論區家長大家分享意見，交流心得，係希望大家吸收多啲資料做選校嘅事前準備，可以分析那些是適合自己小朋友嘅第一選擇，那些是作為後備嘅第二或第三選擇，而唔係任何名校都報，收到幾個offer都唔知讀邊間好，不如hold住哂再等多幾間結果，或者集郵心態等多幾個月先決定.....
其實如果有啲學校嘅負責人，上到ek睇到啲留言，可能都會對我地啲家長好失望，第一就係唔做多啲事前準備先去報學校，第二係冇因應自己家庭教育理念同交通因素去scan過先去報，第三係如果收左你都唔知讀唔讀好(hold住個位先),即係報嘅時候冇諗清楚隨便報，第四係將學校interview當係遊戲或者練習，但係有冇考慮過學校真係想透過面試，揀選一啲適合學校而佢地又真係想讀嘅人選，咁樣令學校冇辨法掌握正確面試生資訊(hold住offer更令學校掌握唔到準確收生進度），對學校同有心讀嘅家長小朋友都唔公平！

Sheungki0101

好同意家長們提及嘅'身教',家長如果唔事事作好事前準備，冇明確嘅目標，處事方式亦冇顧及其他家長同尊重學校嘅收生程序，咁我地嘅下一代點由我地身上學到自理能力，學到喺成長每一個階段定下個人目標，學到顧己及人、同尊重他人呢！

lnp

公平
其實如果kg 要早些交学費
一定會好多offer 會早d 放返出嚟 比waiting 学生
無奈game rule 係咁，又点解要話唔公平?

ronniedad

原帖由 lnp 於 11-12-4 15:03 發表
公平
其實如果kg 要早些交学費
一定會好多offer 會早d 放返出嚟 比waiting 学生
無奈game rule 係咁，又点解要話唔公平?

哈哈, 仲要係一交就最少一年, 咁相信就真係"西"走D集郵人士了.

lnp

如要公平
就應二月交学費

公平?
我都想問父母係小学做小学讀過
個仔女就可以讀?

要改係 game rule
唔係集郵家長

Sheungki0101

其實game rule係好抽象嘅個人主觀意願，社會同學校都冇set過出嚟，學校早啲收學費，同有幾個offer嘅家長決唔決定早啲放返offer出嚟，亦唔應該用來作準則，應該係家長自律早啲決定讀那間適合子女嘅學校，唔應該要學校迫於無奈提早收學費或更多留位費，而家長先決定讀邊間；希望家長不要將似是而非嘅理論，成為損人不利己嘅藉口，不喜勿插！

RAY媽

身教好重要。事先申報:我係百無人仕:

1.  我個係細仔，報好多間都唔收。
2.  我自己不是名牌小學畢業，所以小兒也沒有機會所謂"世襲".....

但我亦認為不應該怪責個GAME RULE。
如果我努力，又或者我嘅小學同學努力成為名人，咁我讀過哪間小學，哪間中學其實就會係"名校"。

點解我地成日話D內地孕婦用我地香港資源?
因為我地嘅上一輩好努力去建設香港，而我地覺得人地來香港坐享其成。香港福利E.G.醫院等應該有PREFERENCE俾番我地香港人。

咁人地名校父母呢?? 人地D校友，朋輩等都好努力成為傑出人仕。我為間學校做過D乜? 我有機會抽，我有機會努力教小朋友令佢可以叩門，我心足。

連做家長都只顧自身利益，個GAME RULE 唔FAVOR 自己就話要取消，點教小朋友??

ronniedad

原帖由 Sheungki0101 於 11-12-4 15:53 發表
其實game rule係好抽象嘅個人主觀意願，社會同學校都冇set過出嚟，學校早啲收學費，同有幾個offer嘅家長決唔決定早啲放返offer出嚟，亦唔應該用來作準則，應該係家長自律早啲決定讀那間適合子女嘅學校，唔應該要學校迫於無奈提早 ...

絕對認同肥爸, 但就係有呢類集郵人士的存在, 對未有OFFER的小朋友存在壓力同不公平. 希望各家長將心比己啦.

wanabe

LIKE x 1000000000000!!!

原帖由 Sheungki0101 於 11-12-4 15:53 發表
其實game rule係好抽象嘅個人主觀意願，社會同學校都冇set過出嚟，學校早啲收學費，同有幾個offer嘅家長決唔決定早啲放返offer出嚟，亦唔應該用來作準則，應該係家長自律早啲決定讀那間適合子女嘅學校，唔應該要學校迫於無奈提早 ...

lnp

身教
教唔公平

Sheungki0101

希望大家唔好誤解＂公平＂呢個旗號，大家都係構成香港社會嘅一份子，但係絕對唔可以利用公平兩個字，冇錢使就去問李家X攞$用，冇飯食就入去惠X超市攞食物返屋企，冇工做就行入HSBX話要做經理，冇書讀就行入皇X書院返學，整個社會嘅制度係冇可能對每一個人都公平，只能夠喺公正嘅原則之下得出一個平衡點，好agree 109#ray媽嘅論點，學校世襲制度好多人覺得唔公平，但係一間成功學校，教職員嘅貢獻，在學學生同埋舊生都有貢獻，有啲舊生畢業十幾年都重有幫母校做義工，我地好多家長同啲名校無任何關係，就批評呢個世襲計分制，會唔會有少少偏見呢，'名校'呢個名詞只不過係功利社會嘅衍生品，家長應該為自己子女"用心"擇選適合自己子女性格、自己家庭環境嘅學校，亦千萬唔好侮辱＂身教＂呢兩個字，因為家庭教育好重要，如果家教配合唔到，就算入到名校，都可能令小朋友成績一流，品德九流，成為社會新一代嘅怪物！

sansquare

100 Like

原帖由 Sheungki0101 於 11-12-4 21:06 發表
希望大家唔好誤解＂公平＂呢個旗號，大家都係構成香港社會嘅一份子，但係絕對唔可以利用公平兩個字，冇錢使就去問李家X攞$用，冇飯食就入去惠X超市攞食物返屋企，冇工做就行入HSBX話要做經理，冇書讀就行入皇X書院返學，整個社會嘅制度 ...

MLKC

I don't know why the schools have to award the contributions to the staff by admission of their kids and the alumni's  son/daughter can have priority. It does not make sense and just a joke !!!

lnp

agree
what utter nonsense .

[ 本帖最後由 lnp 於 11-12-4 22:19 編輯 ]

Ryan_baba

根據政府官員嘅荒謬解釋，係方便在該校工作嘅父母可以照顧到自己嘅子女。難道在其他機構工作父母嘅小朋友係唔需要父母嘅照顧？

[ 本帖最後由 Ryan_baba 於 11-12-4 22:06 編輯 ]

Ryan_baba

如果世襲係冇問題，點解唔推行至中學，甚至大學？舊生一樣可對自己嘅中學及大學有貢獻，佢地子女理應可自動可分配到一個學位。

To_Ma

又唔係咁講，你在學校上班，小朋友在同一學校就讀，確係方便照顧喎。

如父母在其他機構如政府部門，醫院，銀行等又確是半點關係也沒有。

Ryan_baba

唔係話子女係唔需要照顧，而問題係點解要呢班人有呢個特權。