幼師天地~~

Rank: 2


	34

1^#

發表於 04-10-11 17:38 |只看該作者

幼稚園老師聚在一起討論、分享心得及喜怒哀樂的地方很少。希望老師們可以再此發表一些意見。當然不需要透露你在哪校任教等資料呢!
希望大家進來說幾句吧!

QQyan

民房

Rank: 1


	9

2^#

發表於 04-10-11 20:53 |只看該作者

Re: 幼師天地~~

To koie,
我也是幼稚園老師，希望可以交流一下~~
我今年第三年教，所以經驗不太多，你呢?? ^o^

koie

Rank: 2


	34

3^#

發表於 04-10-11 21:02 |只看該作者

Re: 幼師天地~~

我跟你差不多呀!我教了三年有多。你是在教院畢業嗎?

法子

Rank: 5 Rank: 5


	2675

4^#

發表於 04-10-12 00:23 |只看該作者

Re: 幼師天地~~

報到~~~

hinhinandy

Rank: 3 Rank: 3


	499

5^#

發表於 04-10-12 00:24 |只看該作者

Re: 幼師天地~~

我又黍報到先 ^^

以笑臉迎接每一天 , 以信心去對抗逆境 ^0^
一個人的快樂 , 不是因為他/她擁有得多 , 而是因為他/她計較得少 ^0^
因為愛，學會珍惜．因為愛，學會不捨．因為愛，你要學會放下．
每個人都有一顆慈悲心,視乎你有沒有好好運用它. 慈=施予別人快樂, 悲=拔走別人痛苦.

pigpig

Rank: 5 Rank: 5

冬日勳章


	1089

6^#

發表於 04-10-12 12:27 |只看該作者

Re: 幼師天地~~

我教左7年幼稚園，有左囡囡後就無再教囉~~~
我係教院畢業~~
囡囡依家2歲半~~

肥寶寶

Rank: 2


	70

7^#

發表於 04-10-12 13:37 |只看該作者

Re: 幼師天地~~

等我都報到先。

斷斷續續咁都教左六年。

puddingsharon

Rank: 3 Rank: 3


	106

8^#

發表於 04-10-12 14:50 |只看該作者

Re: 幼師天地~~

HI~ 你地好呀!~~ 我叫做布丁呀~ 我今年做左幼師第4年啦......我係讀poly架, 我想問......你地覺得呢行o既前景如何呢!?!? 有無人之前諗過會轉行呀!?
因為我識得好多同事都已經轉行或者想轉行, 係唔係真係做得耐就覺得心灰意冷呢!?!?
唔........有時工作上一家面對一d唔開心o既事啦~ 不如你地又講下遇過d咩事係開心/唔開心架啦~ ^_^

:-|

想生番個囡囡呀!!~ :-P

koie

Rank: 2


	34

9^#

發表於 04-10-12 16:40 |只看該作者

Re: 幼師天地~~

真係好開心呀!甘多人支持，希望可以再多d老師入黎分享下!我覺得幼稚園呢個圈唔算大，不過麻麻地團結!要增取權益同其他野都好難。雖然我地冇咩力量，但起埋希望可以係到chat下傾下，大家了解多d...
puddingsharon,其實我絕對有唸過要轉行架!尤其係視導完之後，並唔係因為成績差，只係覺得自己脾氣都幾重，唔係好適合教幼稚園，我驚自己對d學生唔住呀!當然你講既前景我都有d擔心架!不過轉行可以轉邊行?其實行行都唔一定包你有工做...唔會包唔炒你!我覺得我認定左呢個目標.，我就會係到做好d同努力d...始終教小朋友係我既理想!!
我以前做過電腦既工，搵既錢都算幾可觀!!不過最後我都係轉左去教小朋友，因為呢份工真係幾得意!
我反而唔會因為前景差而想放棄!我自己做過三間有資助有私校的幼稚園，係呢幾年令我絕望既....係呢行既尊重問題!相信好多幼師都有呢個感覺就係話好多人以為我地做幼兒既唱下歌教下書，好少野做...基本上你成績麻麻地你都做到幼師!所以外間的人唔會認為我地能幹，甚至乎自己既上司有時都唔太識尊重人!
教統局既人更加好少理幼師........其實做幼師真的比起外間所想辛苦得多了!!
幼師們!唔好再比人以為我地咩都唔識!我地都要轉型啦!愛心兼智慧並重呀!
係呀...希望其他幼師朋友仔可以將呢個bk forward比同行既人睇下呀!多d人 share呀嘛!有咩問題可以係到一齊傾呀!遲d希望可以整一個真正的幼師天地website!!內容多元化d既!!!!!!

MISS

Rank: 2


	63

10^#

發表於 04-10-12 19:28 |只看該作者

Re: 幼師天地~~

我都唔經唔覺教左幾年lu~~~

暫時都仲幾開心~~

都係果句啦,要轉都唔知轉邊行.....搵到間ookk既, 教識小朋友, 令佢地開開心心學習就好滿足架喇

puddingsharon

Rank: 3 Rank: 3


	106

11^#

發表於 04-10-12 19:34 |只看該作者

Re: 幼師天地~~

koie~
你會唔會同我年紀差不多呢!? 我中五畢業就做, 做左4年囉~ 嘻~ 你估下我幾多歲!?
而家做幼師真係好似十項全能鐵人咁, 唔單止係琴, 舞, 唱歌, 美術, 運動樣樣要好之外, 仲要不停去進修, 有時真係好累......返到屋企仲仍然要寫教案, 做評估.......對上師要大方, 對家長更要得體, 初初畢業出黎做, 真係好唔習慣架....
你知工作全部都係女人堆....女人係小器架啦~ 所以好驚得罪人架......唉.......
好累架~~~~ :cry:

想生番個囡囡呀!!~ :-P

QQyan

民房

Rank: 1


	9

12^#

發表於 04-10-12 20:16 |只看該作者

Re: 幼師天地~~

我是在IVE畢業o既~~~
其實宜家做幼師真係好難!! 好似我o係之前o個間幼稚園做
o左兩年，我可以用地獄o黎形容這兩年!!
我覺得如果我做o野係為小朋友付出都覺得係應該，但老細要求做好多o野都係多餘....用盡我地o既時間!!!
我仲要係半日老師，放工應該係2點半，但實際成日都攪到7、8點都未收工，夜就10點幾11點....天呀!!
個個唔係行內人都會問有咩做，但...我都唔識點答...唔係行內人係好難明白o架!! 唉~~ 但其實我仍然鍾意做幼師，因為我確實好鍾意小朋友!! 不過轉o左新o既學校，又有第二樣煩，雖然工作量少了很多，但這裡的家長又很....唉!!
所以呢，做幼師真係唔易做...又要十項全能、又要大方、又要得體，仲要乜都忍得.....
不過，雖然困難重重，但我仍希望繼續教幼稚園，因為我愛我d小朋友囉~~ 所以大家繼續努力呀!

koie

Rank: 2


	34

13^#

發表於 04-10-12 20:18 |只看該作者

Re: 幼師天地~~

我廿幾囉...hehe..都好後生既姐!係呀!大家知唔知有咩方法可以係hk讀到childcare degree? i mean係partime個隻!知唔知d遙距報唔報得呀?因為我唔想讀完ce先讀degree呀...到時人老珠黃啦~~有咩介紹呀大家?

Pansy21

Rank: 3 Rank: 3


	309

14^#

發表於 04-10-13 00:50 |只看該作者

Re: 幼師天地~~

Hi! Koie,

I'm not a kindergarten's teacher, but I would like to ask you a question. Is it difficult to be a famous kindergarten's teacher?
(e.g. St.Catherine/Kentville/York/Stafford...)

Pansy21

法子

Rank: 5 Rank: 5


	2675

15^#

發表於 04-10-13 01:09 |只看該作者

Re: 幼師天地~~

degree??....真係想下就得,依家邊來時間讀degree.
我都好中意小朋友!有個囡囡4歲.放左工都冇乜時間陪佢..
我做半職架,但你地都知....話"半職"law......人工就"半職"

唔做依行既,係唔會知"行內事"..
希望人地會明白我地,只係個遙遠的幻想吧....

其實依度唔係咁方便講野,有冇其他地方可以傾呀

肥寶寶

Rank: 2


	70

16^#

發表於 04-10-13 10:33 |只看該作者

Re: 幼師天地~~

法子寫道:
degree??....真係想下就得,依家邊來時間讀degree.
我都好中意小朋友!有個囡囡4歲.放左工都冇乜時間陪佢..
我做半職架,但你地都知....話"半職"law......人工就"半職"
唔做依行既,係唔會知"行內事"..
希望人地會明白我地,只係個遙遠的幻想吧....

其實依度唔係咁方便講野,有冇其他地方可以傾呀

我依家讀緊ce，剛開始左一年，仲有排先讀完。我都想讀degree，不過讀完個ce先再算，因為時間太耐了。
讚成！其實依度唔係咁方便講野,有冇其他地方可以傾呀 <--

koie

Rank: 2


	34

17^#

發表於 04-10-13 16:43 |只看該作者

Re: 幼師天地~~

其實我都明白係到講野係有d唔方便....我盡量整個留言板啦!!不過大家要細心等等先~~
其實我都係半日老師呀...當然人工又係一半啦...唉~~錢又少左...又唔想駛甘多錢...但係想學下野唔好晒時間...不過學野又要用錢wo..都唔知點好呀!你地知啦...做得半日幼師既, 好多時都無錢甘ot...分分鐘天黑先走呀...想搵partime做都唔得...

pansy, 其實入名校做老師相信不太難....最困難的一關是自己!!!如果你唔介意人工低既...你未去apply下囉...hehe
因為所謂既名校幼稚園都係外強中乾架咋!!加上我自己既經驗同埋朋友既講法!!我依家都係做緊d所謂名校....家長以為比好多錢出黎....不過有幾多係袋落老師既袋呀!!做一個名校既助教...人工分分鐘低過清潔呀嬸..唔係分分鐘!係直頭有可能!!某d名校既人工係幾好既..不過真係唔多囉!我有朋友係x思幼稚園做...全日先得6000幾....有d遠d既tuen mum果甘既"牟利"國際幼稚園，簡單當d老師唔係人....半日做6個鐘(仲可能要ot)都只係比個3-4000蚊...雖然拎下經驗就都話算數啦!!不過佢地希望請d能琴呀..擅舞呀...識電腦呀..有普通話証書呀...又要英文叻呀!美勞又very good, 最好ce同大學畢業甘先請wo..不過緊有人去做既...如果係我...我拎願做mcdonald呀...教小朋友係偉大...但偉大唔可以當飯食囉!!
pansy, 你有留意名校幼稚園多數係九龍塘同半山?佢地既家長都係有錢...而果d所謂既名校根本擺明係"牟利"架..佢地會用盡佢地既方法計盡算盡...為求唔會溜多一蚊係d老師到!所以依家個d學校..最鐘意請你做半日..然後比d同全日老師甘多野做既野你....你做唔做呀?做唔晒咪你既事囉!!好多時我夜晚都仲要做野架..
不過甘講....我做過幾間學校...依家係半山d傳統名校到做...確實比起以前既學校少野做好多!!佢地要求d老師唔駛好smart..總之你夠傳統夠老土就得架啦!我以前做機構呀...嘩d野多到呀..活動教學係多野做好多架....不過我又覺得對於老師黎講係好事...甘先可以學多d...如果pansy你係唸著入行既..最好唔好去名校做...因為真係無咩野學..佢地都唔改進自己去配合依家既需要既(如真想入行，可以pm我再傾)....我識得朋友要揀幼稚園比d小朋友讀都千叮萬囑唔好揀d傳統名校...自己做得呢d學校知佢有幾黑暗囉...
不如我又講下唔同學校學生既分別:我以前教過d屋村學校..小朋友都係低收入的家庭，現在那間的是貴族子弟，屋村個d小朋友情緒起伏大d...會又較多語言同埋情緒問題。名校個d呢就自我d..硬頸d...而且比起屋村小朋友竟然係更野蠻更爆力(我之前完全估唔到)，名校既打人打得陰濕d..hehe屋村係打就打你...連老師都打...!學術方面，好多人認為名校叻d..我自己覺得係學校入面既表現黎講..差唔多!數學同科學既屋村勝!中文科屋村勝!美藝氣質...屋村勝!!大肌肉能力屋村勝!hehe除左英文囉...名校勝!不過家庭教育都好緊要...冇錢既家庭好難keep住呢d優點!!名校小朋友日操夜操..唔好都變好!
唔好意思呀各位...講得太多..同埋有d燥!我相信唔係間間名校係甘衰(只係大部份姐..hehe)不過以上絕對係我既心聲...唔知你地對傳統名校又有咩感覺?分享下!

puddingsharon

Rank: 3 Rank: 3


	106

18^#

發表於 04-10-13 17:29 |只看該作者

Re: 幼師天地~~

KOIE~
嘩~ 我真係好鬼中意你, 敢言!!講晒而家呢一行o既境況出黎, 等其他人唔好以為呢行真係好似好得閒呃飯食咁!!!
講真有時自己d fd都會覺得我份工好似玩下就有錢, 有時真係好嬲架, 覺得佢地睇唔起幼師同埋唔明白自己咁囉~
我做左4年, 都睇化晒啦......以前好有理想, 好有雄心壯志, 但有時都會諗下可能要向現實低頭啦, 錢真係一個main point!! 無錢點進修, 無進步又無得升或者俾人炒添, 真係好似有日過日咁, 吊住你條命唔死咁, 但係又食唔飽咁囉........唉...........
koie~ 可唔可以交換icq傾下呢~ 我覺得我同你性格應該幾似, 你係唔係做屯門架!? 我本人都係住屯門架~~~~
呵~~

想生番個囡囡呀!!~ :-P

hinhinandy

Rank: 3 Rank: 3


	499

19^#

發表於 04-10-13 19:27 |只看該作者

Re: 幼師天地~~

hi all :
我都係半日老師黎架 , 好開心呀 , 但尼度講野真係唔方便 ^^

法子

Rank: 5 Rank: 5


	2675

20^#

發表於 04-10-13 19:58 |只看該作者

Re: 幼師天地~~

koie,
我等待你的留言版呢!

我一講起都好易燥架,同埋我份人講野好直,係度得罪人就唔好la...始終依度唔太適合講野麻....所以都係等你個留言版出左至暢所欲言吧!