la sall interview

Kinma

但16個統一非保留學位都是band one 先抽的對嗎？那若138个保留學位已抽盡了喇沙的band one 生而要去抽band two生，那抽不到保留學位的band two 生便不会自動跳去和同区的band 1 生抽那16个非保留學额而要去抽第二志願，不知我的理解對不對。

ohnono

Kinma 發表於 13-3-6 19:33
但16個統一非保留學位都是band one 先抽的對嗎？那若138个保留學位已抽盡了喇沙的band one 生而要去抽band  ...

Band 1先抽的是對。但抽不到直屬位的學生，都會自動跳去抽那16個非保留位。不過係會跟其他同區的學生而又將喇沙作第一志願的一起抽。
個問題關鍵係究竟會有幾多其他學校的家長願意用第一志願去搏！這個很難估計，由家長自己去衡量。

khmama

如果保留位有剩比喇小band2抽，都要等第一輪所有band1生抽完先到band2生抽. Band2會先抽剩低嘅保留位，唔夠就同同區band2爭非保留位(假如非保留位冇比band1搶晒的話).

ohnono

ohnono 發表於 13-3-6 19:42
Band 1先抽的是對。但抽不到直屬位的學生，都會自動跳去抽那16個非保留位。不過係會跟其他同區的學生而又 ...

我想補充一下：
喇沙的band 2同學如果是想抽保留位而又抽不到的話，會跟同區的學生一起抽那16個非保留位。但都要等其餘同區的band 1生把喇沙放第一志願的同學先抽，抽完有位剩才到band 2同學抽。

所以如果有家長話這16個位中都有部份是喇沙同學抽返而又能派回喇中的話，即是跟本出面好少band 1同學會填喇沙做第一志願，而因此喇沙的band 2同學才有機會分享到這些非保留位。

motherotk

Just curious is it possible to get into LS secondary school with band 2 results (I meant for those band 2 students in LS primary school)?

If the answer is yes, approximately what is the %? Are the sports or music talent students should also be band 1 in order to be admitted to LS secondary school?

twcho

喇小有6班，約有216名學生，假設其中Band 1有60%即130名Band 1生，又假設全部都以喇中為第一志願，那麼起碼有8位Band 2同學能循大抽獎入喇中(如Band 1生有循自行入喇中的話則剩餘的保留位會更多)。這令我想起一個問題，喇中會否為了減少Band 2同學的數目而不在自行階段收喇小的學生呢？

ohnono

有說50%，有說60%亦有說70%，連直屬位都唔夠分。但怎麼能求証？學校唔會公佈，斷估已變得沒甚意義，還隨時估到錯晒！

一般直屬小學的老師都只會跟同學說，有幾多直屬位的，就以同學的名次作跟據。例如有50個直屬位的，老師會叫考頭50的就會機會較高，之後機會就微，目的顯然就是希望在50之後的學生不要去選擇，以免有機會令中學收到一些不太適合的同學，反而適合的學生就收唔到。雖則可能有唔同，但學校大都唔會傾向講出同學的真正banding，有些直屬學校甚至刻意用考難去制造錯覺。
咁你話喇小有幾多band 1生。既然直屬位有138個，我估唔會少過138喇，喇中又點會收得到喇小的band 2生呢！。我知道我多數估錯，不過可能會迎合大家的期望！

oscarmama

twcho 發表於 13-3-7 17:23
喇小有6班，約有216名學生，假設其中Band 1有60%即130名Band 1生，又假設全部都以喇中為第一志願，那麼起碼 ...

我聽由喇小上黎嘅家長講，喇小生係吾需要經過自行呢個階段，因為直接收xxx名次之前嘅學生，入吾到呢個名次就要等大抽獎或叩門

MC1128

oscarmama 發表於 13-3-7 21:57
我聽由喇小上黎嘅家長講，喇小生係吾需要經過自行呢個階段，因為直接收xxx名次之前嘅學生，入吾到呢個名次 ...

恐怕有誤會了

ohnono

oscarmama 發表於 13-3-7 21:57
我聽由喇小上黎嘅家長講，喇小生係吾需要經過自行呢個階段，因為直接收xxx名次之前嘅學生，入吾到呢個名次 ...

同意你講的係唔需要經過自行這階段，就算報左，學校都未必會有餘額給喇小，因為收街外生都唔夠。
不過你話直接收xxx名次之前的學生呢，我覺得有少少美麗的誤會。第一不會直接，都係要經大抽獎去抽直屬位。不能越過這個步驟，不過如果老師叫xxx名之前的學生去報，咁裡面一定有band 1學生或會加少少band 2學生，但這些所謂的band 2學生都應該是屬於一些邊緣人仕，直屬位吸納唔到的就自然會去了大抽獎抽非保留位，但其實收生情況就跟直接收好相似。第二，老師都唔會靠害的，沒理由叫晒你地班band 2同學去爭那些直屬位，最多加埋那些非保留位都係多16個額，試諗下，如果那班band 2生真係抽唔到的時候，咁即係連第一志願都冇埋，隨時去晒band 2沒太歡迎、人家只會放第二的中學。

說實話，如果自己知道考138名以外的學生，好大機會和自己估計已經是band 2生的時候，還留在爭那些直屬位已是沒有意思，不如痛快地去出去選一間學位較多，校風還不錯的學校可能還更化算。

twcho

其實唸深一層，如果喇小的Band 1生多於138名，喇中亦須在自行階段先收回最頂級的同學，這樣做首先可避免流失這些同學到他們的自行第二選擇(如有)，其次可避免萬一這些尖子真的需與其他>138名Band 1同學一起進行大抽獎而其抽得的隨機號太差而入不了喇中。所以除非是Band 1生數目遠多於138名,要不最後可能還是有餘數不多的保留學額會留給了Band 2同學去抽。

ohnono

twcho 發表於 13-3-8 00:50
其實唸深一層，如果喇小的Band 1生多於138名，喇中亦須在自行階段先收回最頂級的同學，這樣做首先可避免流 ...

所以喇沙最唔希望我地知道佢究竟有幾多band 1生，有幾多band 2生。所以當老師話考第154之後的學生唔好報的時候，一方面暗示喇小有154個band 1生，另一方面就係想154之後的學生知難而退，提早另尋更加好的出路。這樣除了可有效控制到派入中學的學生水平不致太差。如果老師索性叫只係138名前的同學才好報中學的話，就可以保証埋這138個同學之中，如有band 2生的話，就連這班band 2同學都可一起保送入中學了。
並不是喇沙特別會咁樣做，其實係好多有直屬中學的學校都係唔想比學生太清楚知道自己的banding的。

ohnono

ha8mo 發表於 13-3-8 16:31
假設真係有其他小學的Band 1生填第一志願抽果少少非保留位
咁其實這些喇沙小學Band 2生都係要在其他小學的 ...

理論上是對，但到真實時，又會出現太多變數。
以下是上年九龍城區的band 1可代替的選擇所能提供作大抽獎用的學額：
銀禧-86
迦密-84
旅港-94
丘佐榮-84
黃笏南-102
華英-78


當band 1生遇著這些學校，每一間都提供7、80個位的引誘時，好難抗拒唔揀佢地走去揀一間得16個位的喇沙。


好了，就當有家長搏盡了，去揀喇沙這16個位，有時又會遇著這班家長的小朋友可能會在自行時已成功被取錄了，未必需要參與乙部的大抽獎。所以有時這16個位都係會益返喇小的同學。

CHAN-2

但其他校band 1 生，將喇沙放第二，三或四位，都優先過band 2 生，那會有位剩下給band 2 抽？

CHAN-2

原帖由 ha8mo 於 13-03-08 發表
這些人不被第1志願學校收的機會有多少?

好難講，間間學校嘅比率都唔同，估計一至二成吧！

ohnono

CHAN-2 發表於 13-3-8 19:11
但其他校band 1 生，將喇沙放第二，三或四位，都優先過band 2 生，那會有位剩下給band 2 抽？



  ...

理論上都係正確。但跟住下來的發展可能有好多個情形出現。
有人將喇沙放第一的情形，機會較大，還有希望。但放喇沙放第二、三、四位的，若果被第一志願的收取，那麼這些志願已沒有用、亦沒有意思。若考慮放第二、三、四志願時，家長有否考慮過同時間你要放棄其他學額較多、機會較大的學校。再者，有沒有考慮過這16個位會被其他同區的band 1生取去，即是大家的競爭對手不會是喇沙的同學，而是同區的band 1生。再者，好可能選擇喇沙作為乙部第一志願的同學，早已在自行時已被取錄。

不過如果有九龍城區band 1家長考慮過各樣得失後，仍係有興趣的，最好就係放乙部第一志願啦，得10零個位，放第二志願和第三、四的機會重細好多，有可能會浪費埋這些志願。

TingTing

會否喇小的學生在自行時給別的收了? or go to 直資 ? 那麽就少人點而機會大些呢 ?

ohnono

TingTing 發表於 13-3-8 23:19
會否喇小的學生在自行時給別的收了? or go to 直資 ? 那麽就少人點而機會大些呢 ? :su ...

若果有人走，機會就更會留給別的同學了。問題是喇小的同學中，除了名次在138或之後的有可能走之外，前面會有幾多同學會走。
不過之前又確實試過有喇小的band 1家長有興趣知道還有沒有其他中學比喇中更直得和吸引。但又有家長說喇小的同學對喇中好有歸屬感，夢想就係要過那條馬路來上學，個個都唔想走的。當頭果138學生個個都以為自己是band 1生時，會走的人又真係應該不會太多。