點解band 1 會派到去band3中學?

donomother

朋友一對孖仔，大孖成績無咁好，派到第一志願，陳瑞琪喇沙，而細孖成績較好是band1生，居然派到第18志願，賽馬會官立中學，我問是否過於進取，將全部band1放前面，佢亞媽話已經由第五間起已經填band2中學，佢話都唔知發生咩嘢事，今日不停扣門，未知結果，好慘！

donomother

回復 YLE 的帖子

我都叫佢搵老師、校長寫推薦信去扣門，及去福建睇下仲有冇位，如果佢個仔係band one應該ok,佢有2個家姐，4姐弟都謮農圃道官立小學，兩家姐當年都填QE為第一志願，但都只派到第二志願，分別係迦密及華英，所以佢媽咪諗都無諗過最細個仔今次搞成咁。

donomother

回復 wendyw 的帖子

是同學嗎？你小朋友派得滿意嗎？我放榜後第二天再打比佢媽媽，關心她叩門有沒有好消息並安慰她，最慘係很多學校都同時於第二天截止申請，但同一時間所有band1中學都有幾百人爭幾個位，所以排隊，填表交表，一天內不能去多丶間學校，最慘就是很多學校也同一時間進行筆試，最後她只夠時間選了銀禧及另一間我忘記了校名的學校考筆試，她說心刀交碎，最可憐是她那兒子，她説由小教導他勤學苦練就有好成績，讀到好中學，他一直期待入讀二家姐間中學(華英),怎料平時讀書較差的大孖及其他同學都派得比自己好，所以受很大打擊，我唯有安慰他稍後可能有好消息及積極面對現實，鼓勵佢個仔繼續努力，當然唔放棄叩門，但萬一讀賽官，這校也有一班精英班，只要努力全級考第一，中二再叩或band3中學都可出band1學生入大學，但她當然說針唔咭到肉唔知痛（我自己2個小朋友當年都是派到第一志願，沙田band1英中）但後來同佢講咗成個小時，她說個心舒服d唯有祝願她最後叩門成功。

PS: 其實人生咁漫長，幾十年後想番轉頭可能只是小事而矣！由出生至工作，要經歷不同的試鍊，過程中除努力外不可否認很多幸運成份，但那一部分我們掌握不到，改變不了只可調節自己看事情的心態，所謂積極樂觀面對^^

donomother

回復 ohnono 的帖子

的確沙田係好區，當年升中講座我記得沙祟校長在台上叫sure自己子女係band1生的話，記得把頭十幾間英中填晒前面，因為沙田區band1英中學額多過學生，反而小學的老師比較保守到第四志願就要我小朋友放間band2頭中中落去，所以當年份選校draft擦到爛哂，所以派四志願派到沙官一點也不出奇，當人人以為入唔到，唔敢膽揀的學校反而易入。

donomother

回復 wendyw 的帖子

對呀！我都叫佢求穩去大孖派到間中學陳瑞祺叩門先，雖然只是band2頭都比現在程況好，但她都失晒信心話交咗表校長話仲揀緊，好慘...因叩門階段選擇權在學校手上，很多學校都會吊高嚟賣，最可憐是小朋友，我反而很久沒有見她那對孖仔，其實她四姊弟也長得男才女貌，我大仔係佢囡囡的幼稚園同學，所以認識了她們十幾年了

donomother

前幾天跟他媽媽見面，知道小朋友最終也能叩門到大孖間中學，陳瑞棋喇沙雖然只是band 1 尾 band 2頭英中，但總比賽官強。