從高中傾到Dse

chanwendy

報到. 我女都係讀英文通識, 由當初同我呻好後悔選咗英文, 因為佢所有朋友都選中文, 連全級第一都選中文. 到後來聽到話中文班的老師麻麻地, 再加上我不停洗佢腦讀英文的好處, 就開始好啲.  我見佢上次份功課問選特首的資格, 中央權力同特區自治的關係, google一查原來政府曾出過新聞稿, 轉個英文版抄落去.  我都係同女講, 合格就得唔洗高分. 我見佢暫時學的內容都唔係中史讀嗰啲咁遠古. 全部係近代史, 以前冇讀過的. 係多生字, 要查字典, 咪當學多啲生字囉.

反而M2真係花好多時間, 每次做親功課就至少個幾鐘.  其他科暫時都尚算OK, 不過中四同中三又真係另一個境界.  我女平時最好的中史, 之前測驗都唔合格.

chanwendy

瑩希媽媽 發表於 21-11-3 11:47
本帖最後由 瑩希媽媽 於 21-11-3 11:48 編輯

個女話依家果科野叫CSD，成日話果科好煩

我哋就咁叫CS咋. 我女都幾唔鍾意呢科, 不過呢科好似係死讀都應該合格.

chanwendy

我女學校暫時中五中六兩級係返全日的, 校長話我哋中四接踵率係計中一後第二低的, 應該都一段時間返唔到全日. 如果返全日, 亞女可以放學後做陣功課先返屋企, 其實會好過返半日, 返半日返得屋企食埋飯再 hea 一陣, 都要4點先開工. 環境亦唔及學校咁專心.

chanwendy

瑩希媽媽 發表於 21-11-3 15:10
之前開學時女果班得4成咋，後來一直無講了，你地打疫苗打左一針還是兩針？現在好似一針便可以了
...

我未打呀, 我等科興.

chanwendy

請問有冇人讀M2又用中大書? 通常數學書都係比晒 example 後就一堆題目.  但中大套M2書, 我發現好多題目係之前冇example 的, 咁實唔識做喎? 你哋有冇同樣的問題?

chanwendy

YmOra 發表於 21-11-11 10:32
去到高中好少會跟足"教科書"嚟教，多數用教師備用資料學習，教科書反而係"副助書"，應用得最多係書裏頭嘅 ...

就係做書裡面的練習, 有啲題目唔識做, 但係本書係完全無相關題目的例題參考. 我覺得好奇怪, 唔知係咪呢個出版社先係咁, 定係高中多數係咁.

chanwendy

好耐冇入過呢個post, 我又講吓先. 我女中四的成績都退咗好多, 佢中史初中三年都係全級最頭的1/4 人, 點知上到中四, 考試唔合格, 佢都好失望, 佢知自己衰分析, 但分析其實好難教, 亦要時間去慢慢摸, 有時諗唔到就係諗唔到.  如果問啲純背書的, 佢又可以好高分.

M2 又係另一個死位, 花好多時間計一題數, 仲要唔係次次計到, 但好在叫數都仲有得操.  我女都諗過 drop, 我叫佢點都讀埋中五先諗, 氹氹吓佢又暫時OK, 但都係在合格與不合格邊緣徘徊.

呢個暑假都係預咗操 pass paper.  但我女最難搞的反而係通識, 距離合格都仲有好大段路, 我女又死都唔肯轉讀IAL, 所以我都諗定萬一最後係死通識可以點.

chanwendy

losoco 發表於 22-7-4 15:18
如果轉IAL咪冇得讀番中史囉?

係呀, 如果讀IAL, 我女係讀數, 會計同心理學.  冇中史係我女其中一個唔肯轉IAL的原因, 第二原因係老師同佢講IAL 數係深過M2, 佢本身M2都讀得辛苦, 難得合格都唔係好高分, 佢又冇乜信心, 第三原因係未接觸過心理學, 唔知讀唔讀得掂.  IAL 如果唔係AAB, 咁可能仲衰過讀DSE, 我女覺得太冒險.  加上我女有啲想北上讀大學, DSE 就方便啲囉.  但我擔心的係佢通識最後唔合格的話, 佢全部5 都冇用啦. 我暫時只係搵到國內一間中外合作大學係可以唔睇通識咋.

chanwendy

瑩希媽媽 發表於 22-7-4 15:19
我姨生仔都系修中史呀，佢初中考前十既，上到高中后又系好低分，不過合格既，佢話考試模式轉了要時間適應 ...

無錯, 上到高中係完全另一個考法, 係需要時間去適應, 都叫由次次唔合格, 進步到一半一半, 期望來年可以完全脫離肥恅啦.
通識我都唔知重點喺邊, 不過我女係幾乎零吹水能力, 所以咩都寫唔到.  佢第一學期考試係得分低過20%, 而家學緊的中國文化 topic 叫好返少少, 差少少就合格, 我女本身又選咗英文, 而家要睇吓出年可唔可以轉中文.

chanwendy

瑩希媽媽 發表於 22-7-4 15:33
我女話英文D字都深佢睇吾明，又無用心溫，上學期有溫下都考得幾前下，今次無溫呀，成日溫科bio同Chem ，出 ...

我同老師及女都係咁講, 我女通識的問題係個腦轉唔到居多, 英文的因素比較細, 筆記係好多深字, 但肯查字典學, 反而仲可以學到好多生字, 出題的字都不外乎筆記有的嗰堆字.  我問過亞女, 係咪用中文答你就識答, 佢自己都話唔一定, 只可以講, 如果用中文, 可能高幾分咁囉, 但未去到可以合格的地步.  我都係同佢講點都要合格, 而家唔洗鬧高分已經好好喇. 我只期望之後學的 topic 可以簡單啲啦, 我都同女講唔好諗住一定轉得到中文, 轉唔到佢都係要繼續英文的.

chanwendy

losoco 發表於 22-7-4 15:56
你地讀邊個board?

如果侜IAL Maths，應不算難過M2，起碼M2有matrix而IAL要到Further maths先至有

我唔知仲有分 board, 我都唔知. 我識人自己英國讀書, 都話唔會深過M2, 係亞女猛話老師話深過M2, 早兩日又同我講BAFS 老師話IAL 會計又深過BAFS, 佢本身BAFS 都叫中上的, 聽見老師咁講又話唔好.  同埋佢收到風, 多數係精英班的先打算選IAL, 佢又覺得唔夠人爭囉.
其實聽家長講座我唔聽見IAL數深過M2的講法, 如果真係咁, 冇理由唔要求中四提M2先可以讀.  選讀IAL的一定要中四有條phy/chem/bio/BAFS 先可以選, 反而M2唔係必修, 所以我個人都覺得唔會深過M2.  

始終讀的係佢, 我會比佢自己選, 但選定咗就要諗點樣提高返成績先有用囉.