面試時如果小朋友爆喊會點做?

muimui2

小朋友唻緊要開始面試, 佢性格好慢熱, 雖然講出唻有啲唔好意思，但我哋目標係希望佢肯自己入去面試。我哋有心理準備佢有機會會喊住唔肯入去, 想問下有冇媽媽可以分享下如果遇到呢個情況會點做? 明白小朋友無得迫, 但唔想佢覺得一有困難就可以放棄, 但當時當刻夾硬迫佢入去又驚嚇怕佢, 究竟點做可以好啲?

muimui2

其實佢慢熱怕醜嘅性格都唔係一朝一夕, 我哋都已經成日同佢去唔同地方玩, 盡量放手俾佢試, 但始終性格嘅嘢唔係話改就改。

認同樓上話只要佢肯入就算喊住都要叫佢入, 我就係唔想佢逃避, 小一無o覺得可以小一無offer 唔緊要, 但如果態度唔正確就麻煩。

muimui2

回覆 fishchow 的帖子

我哋都有諗過上面試班, 但係佢最大問題係面對陌生環境同人會好不安, 所以就算佢喺面試班做得幾好都無用, 因為出到去又係另一回事。
想知道有冇媽媽遇過呢啲情況，你哋當時又點處理呢?

muimui2

多謝咁多位嘅經驗分享同鼓勵, 其實我哋對結果抱平常心, 因為學樓上咁講, 仲有津小嘛，實有書讀。

對我哋唻講, 堅持要佢考直私除左係怕抽得唔好之外, 最主要係唔想佢逃避, 只要佢肯自己入去, 做返自己, 有禮貌就夠了。 雖然喺好多家長睇唻, 呢啲係最基本嘅事, 但講真小女真係“數一數二”咁怕生, 本身又係驚青底, 佢做到咁我哋已經覺得足夠喇。

大家提到嘅去開放日已經做緊, 同埋都有講過唻緊會發生咩事俾佢知。我最初無講過“面試”呢兩個字, 只係話遲啲同佢去參觀小學, 但原來我唔提都無用, 因為學校會提, 所佢都會知。

muimui2

回覆 noellechu 的帖子

我哋一向都係用正面態度對待佢呢種行為, 好少因為咁樣鬧佢。
雖然好多人話佢咁喊法入到去都唔會收, 但坦白講我得收唔收唔係重點, 重點係如果小朋友收拾到心情, 肯入去面對, 做父母嘅已經覺得安慰，最起碼我係咁諗。

muimui2

回覆 evacalbee 的帖子

多謝你嘅意見, 女女痴我多啲，所以唻緊都會由爸爸做主力帶佢去見。
你講嘅俾笑容做鼓勵我一向都有做, 但對小女好似唔係成日有效, 佢有時會變得更依賴....

請問你當時係點平伏小朋友情緒? 點先鼓勵到佢入去?