jenny
不如我講返軒軒的情況你聽, but如果你一年多前入過黎, 都知, 其他members希望吾好怪的長氣, 講完又講
當軒軒2歲多的時侯, 我發現佢吾講野, 身邊的朋友都同我講, 男仔甘late, 吾緊要, 一返學就一輪咀, 你想佢收聲都吾得, 甘我一路等, 等到佢28個月, 同醫生講(普通兒科), 吾係, 我真係覺得佢有問題, 甘佢先寫紙比我去大口環做評估
而去當日, 我從來無諗過係做評估, 亦無諗過, 原來軒軒有自閉症, 我以為, 係比醫生看下, 點解吾講野only(諗返都好c蠢)
我自己本身有耳水不衡, 好不幸, 軒軒都應該接受左呢個遺傳, 我由銅鑼灣搭小巴去到大口環, 吾記得係吾係要半個鐘, 但果d彎彎的山路, 係小巴上邊, 軒軒已經嘔到七彩(亦比小巴司機鬧到7彩), 好幸苦(我同軒軒都係)去到大口環, 又嘔一次, 我成身成頭都係佢d嘔吐物
你可以想像, 當時軒軒同我的狀態會係點
做評估, 當然乜都吾識, 醫生問我問題, 我亦無用腦去諗, 好多時都係話吾知/吾記得去答
結果 = 自閉症, 還要係typical自閉症
當時好想跳樓c左去, 返到home, 好吾忿氣, 同你諗法一樣, 當時佢的狀態吾好, 先做吾到姑娘要求的野, 佢吾係甘差, 雖然有時叫佢吾應, 但起碼我同佢唱歌都會有eye contact
結果, 我用左差吾多一萬元去養和再做評估(後悔到依家), 呢一萬元呢, 換黎的係一個輕d的學名(pdd - 其實都吾係好知係乜, 只係知都係自閉症的一種), 結果都係suggest軒軒讀s位
本來果年, 軒軒係要讀k1, 但後尾我聽d專家(dr/st)的意見, 無比軒軒去讀, 幫佢搵左一間有i位的幼兒中心讀n1, 果一年, 我覺得好浪費時間, d老師形容, 軒軒好乖, 都幾好, 同埋佢可以吾駛讀s位, 可以係佢地學校讀i位, 又話s位吾好, 等d小朋友無左社交, i位好
但後尾我都係決家比軒軒讀s位, 因為我知道, s位師生比例係1:6, 照顧全面, 有齊st/ot/pt/幼兒訓練, intensive training點都好過i位, 一個月得一次半個鐘的st training(好似), 同埋ot/pt吾知隔幾個月先黎一次????
我知道, 當做完評估之後, 好多家長好難面對小朋友要入讀特殊學校的事實, 身邊有d同齡的小朋友讀某某名校, 相反自己個小朋友甘, 好難面對
但, 如果為左自己接受吾到, 面子問題, 而吾比小朋友讀s位, 我覺得係害左個小朋友
一個s位, 政府每個月比左好多$落去, 依家聽聞(社工講), d醫生多數都吾批小朋友讀s位, 因為政府想慳$
如果小朋友讀緊s位, 而有進步, 學校都會suggest佢轉返出黎, 我會寧願, 先苦後甜, 即係入左s位先, 到時有進步, 先比人趕出校, 好過讀緊i位, 讀讀下先發現佢吾得, 要轉返去s位
要知道, 排s位, 最快都要半年, 慢的要一年, 到時讀左一年, 再排一年, 小朋友已經4歲, 起步就遲
同埋, 最近同個媽咪傾計, 佢先講, 原來當初佢見軒軒時(第一次見面時岩岩做完評估), 佢覺得果時的軒軒係好typical, 但講真, 我果時真係吾覺軒軒係typical, 呢d咪叫當局者迷, 有邊個媽咪會諗過自己個仔/女會有問題? 甘果個媽咪都話軒軒呢一年都進步左好多, 佢先同我講
自己認真考慮一下再作決定
|