將軍澳比華利幼稚園(康盛)既家長入嚟傾下 - 幼校討論 - 教育王國

登錄 | 註冊

討論區

教育王國: 教育講場; 使用意見

幼兒教育: 幼校討論; 幼教雜談

小學教育: 小一選校; 小學雜談

中學教育: 升中派位; 中學交流; 初中教育

專上教育: 備戰大學; 選科選校

國際教育: 國際學校; 海外留學

知識增值: 課外活動; 教材閱讀; 公開考試; 深造進修

特殊教育: 特殊教育; 資優教育; 自閉寶寶; 智能評估

徵求專區: 二手市場; 誠徵老師; 組班專區; 徵保母車

聯絡管理員

教育王國 › 討論區 › 幼校討論 › 將軍澳比華利幼稚園(康盛)既家長入嚟傾下 ...

1 2 3 4 567 8 下一頁

發新帖

樓主: WinkyLee	go 將軍澳比華利幼稚園(康盛)既家長入嚟傾下 [複製鏈接]

Rank: 4


	637

101^#

發表於 08-5-16 15:10 |只看該作者

原文章由 alalma 於 08-5-15 17:54 發表
我囝囝以前都好驚出去剪頭髮架，於是我喺屋企同佢沖涼時候開盆水放d玩具俾佢玩distract吓佢，一邊同佢剪一邊同佢玩，d頭髮碎又可以dilute吓喺盆水到，又okay wor!

你問吓孝文跳舞d steps 呀!好生鬼架!佢哋好似排成一直線跳 ...

我地已經試過響浴缸同佢剪髮，都係唔成功，因為啲頭髮碎跌落水，佢會覺得好污曹，即刻企起身~~~

上年畢業禮佢扮熊貓上台表演，著哂熊貓衫同戴頂熊貓帽，到佢地出場果陣，我地坐得遠，睇唔到邊個係佢，因為一大班PGS小朋友一齊表演，到最後先知原來佢出場前眼訓得滯訓左

，無出場表演，等我地仲用左百幾蚊

買左隻DVD，原來無佢份~~~

我有時問佢學校啲野，佢會不耐煩咁話：「唔好成日問學校啲野啦！」

Rank: 4


	637

102^#

發表於 08-5-16 15:23 |只看該作者

原文章由 ChengSir 於 08-5-15 18:58 發表
hi, how is this school? do they still have space for K3 (coming september)? how much is the tution? thank you

Hi ChengSir,

我個仔響比華利讀左年半，不過因為年齡問題，佢一路都係讀學前班，佢先後有兩個班主任，上年Miss Lau，今年Miss Ho，感覺上兩個都幾好，經常都會有電話同家長溝通，請病假亦會有電話問候，Miss Ho就比較親切同多笑容，另外何主任都幾好，以我所知，比華利響將軍澳都算唔錯，有區外朋友都曾經同我提起比華利~~~

現時2歲學前班學費$2300x12，K3學費就唔清楚，應該都係二千幾~~~

Rank: 5 Rank: 5


	1281

103^#

發表於 08-5-19 21:40 |只看該作者

孝文咁搞笑，竟然臨出場前瞓咗，哎吔好funny呀！我想像緊當時你哋努力地在台上揾囝囝嘅踪跡，點知原來佢冇上台喎！好搞笑呀！請問佢哋係咪喺番學校表演架？會幾時表演架？聽囡囡講今年個theme好似係做運動!佢哋好似會用普通話嗌一、二、三、四；二、二、三、四；.....八、二、三、四。

原文章由 bobbbby 於 08-5-16 15:10 發表

我地已經試過響浴缸同佢剪髮，都係唔成功，因為啲頭髮碎跌落水，佢會覺得好污曹，即刻企起身~~~

上年畢業禮佢扮熊貓上台表演，著哂熊貓衫同戴頂熊貓帽，到佢地出場果陣，我地坐得遠，睇唔到邊個係佢，因為一大班PGS小朋友一齊表演，到 ...

Photos of Alvin & Nicole

Rank: 4


	637

104^#

發表於 08-5-21 14:20 |只看該作者

原文章由 alalma 於 08-5-19 21:40 發表
孝文咁搞笑，竟然臨出場前瞓咗，哎吔好funny呀！我想像緊當時你哋努力地在台上揾囝囝嘅踪跡，點知原來佢冇上台喎！好搞笑呀！請問佢哋係咪喺番學校表演架？會幾時表演架？聽囡囡講今年個theme好似係做運動!佢哋好似會用普通話嗌一、 ...

個場面真係幾攪笑架，表演開始果陣，有個小朋友響台上面企響度喊，其他小朋友繼續跳舞，我地即刻諗：「死啦，係唔係考文呢？

」望多兩眼，我太太話：「好彩，唔係佢！」跟住又再周圍搵~~~

上年畢業禮大約六七月響土瓜灣高山劇場舉行，事前學校會派通告問家長同唔同意學生上台表演，如果同意要比五十蚊買表演服，學校會代買，表演之後可以保留，表演當日，學校會中午開始用校車載小朋友到現場作踩排，大約下午四點正式開始，家長自行到高山劇場，完成後家長接小朋友走~~~

Rank: 5 Rank: 5


	1281

105^#

發表於 08-5-23 12:59 |只看該作者

唔該晒你!資料好詳盡!原來佢哋會出去搞畢業典禮嘅!希望今年佢哋個個都上到台表演啦!

原文章由 bobbbby 於 08-5-21 14:20 發表

個場面真係幾攪笑架，表演開始果陣，有個小朋友響台上面企響度喊，其他小朋友繼續跳舞，我地即刻諗：「死啦，係唔係考文呢？」望多兩眼，我太太話：「好彩，唔係佢！」跟住又再周圍搵~~~

上年畢業禮大約六七月響土瓜灣高山劇 ...

Photos of Alvin & Nicole

Rank: 3 Rank: 3


	190

106^#

發表於 08-5-23 13:59 |只看該作者

bobbbby

請問2,300/月, 包唔包學卷1,000 = 1,300.00

原文章由 bobbbby 於 08-5-16 15:23 發表

Hi ChengSir,

我個仔響比華利讀左年半，不過因為年齡問題，佢一路都係讀學前班，佢先後有兩個班主任，上年Miss Lau，今年Miss Ho，感覺上兩個都幾好，經常都會有電話同家長溝通，請病假亦會有電話問候，Miss Ho就比較親切同多笑容，另 ...

Rank: 4


	637

107^#

發表於 08-5-23 14:42 |只看該作者

原文章由 alalma 於 08-5-23 12:59 發表
唔該晒你!資料好詳盡!原來佢哋會出去搞畢業典禮嘅!希望今年佢哋個個都上到台表演啦!

我記得舊年PGS大約有二十人表演，我都唔清楚係學校有揀人表演定係有啲家長唔願意比小朋友表演，每級都會有獨立表演項目，每個項目都唔同~~~

我問孝文Miss Ho有冇同佢地踩排跳舞，佢唔係好明白乜野係踩排

，都係詩頴清楚啲~~~

終於收到樂基o既信，信中好似暗示會加學費，要等教統局批准，仲有校車可能唔經我個屋苑~~~

Rank: 4


	637

108^#

發表於 08-5-23 14:47 |只看該作者

原文章由 yiuyiu0728 於 08-5-23 13:59 發表
bobbbby

請問2,300/月, 包唔包學卷1,000 = 1,300.00

Hi yiuyiu0728,

比華利係唔可以用學卷，而且我個仔只係讀學前班，K1先可以用學卷，所以去邊間讀都用唔到~~~

Rank: 5 Rank: 5


	1281

109^#

發表於 08-5-26 14:10 |只看該作者

哎吔!樂基要加學費呀!不過我相信應該唔會多過5%啩!而家kinders如果兑現唔到學劵其實收生上有一定程度嘅壓力!幸好SPK係可以用學劵咋，不過車費就大概要$1500- $1600，如果校車唔停你屋苑，要到其他屋苑上校車沿途有瓦遮頭嗎?我聽囡囡講全班都要綵排畢業典禮架，噚日係我囝囝畢業典禮，囡囡都有去，佢好似好期待快啲到自己嘅畢業典禮!

原文章由 bobbbby 於 08-5-23 14:42 發表

我記得舊年PGS大約有二十人表演，我都唔清楚係學校有揀人表演定係有啲家長唔願意比小朋友表演，每級都會有獨立表演項目，每個項目都唔同~~~

我問孝文Miss Ho有冇同佢地踩排跳舞，佢唔係好明白乜野係踩排，都係詩 ...

Photos of Alvin & Nicole

Rank: 4


	637

110^#

發表於 08-5-27 15:02 |只看該作者

原文章由 alalma 於 08-5-26 14:10 發表
哎吔!樂基要加學費呀!不過我相信應該唔會多過5%啩!而家kinders如果兑現唔到學劵其實收生上有一定程度嘅壓力!幸好SPK係可以用學劵咋，不過車費就大概要$1500- $1600，如果校車唔停你屋苑，要到其他屋苑上校車沿途有瓦遮頭嗎 ...

我見到有家長留言話樂基可能由$3300加到$3900，我估校車費都要一千蚊，校車公司話如果行程真係安排唔到去我個屋苑，佢地會介紹其他私人校巴比我地~~~

我諗你要解釋番比詩頴聽，比華利畢業禮只有K3學生先有頒授畢業證書，其他同學只係參與表演，禽日比華利派左通告問家長比唔比小朋友參加表演，今年加左要$90買表演服，仲改埋上午舉行畢業禮，我問孝文表演唱乜野歌，佢話唱My Beverly，著住黑色袍唱喎，唔知真唔真？7月5日樂基果邊要開家長會，唔知可唔可以安排到兩日都出席添~~~

Rank: 3 Rank: 3


	219

111^#

發表於 08-5-29 12:41 |只看該作者

我無得去畢業典禮,個日請唔到假

Rank: 4


	637

112^#

發表於 08-5-29 14:31 |只看該作者

原文章由 fionapp 於 08-5-29 12:41 發表
我無得去畢業典禮,個日請唔到假

咁昕昕係咪無得上台表演？好似話表演o既小朋友家長一定要出席畢業禮喎~~~

Rank: 3 Rank: 3


	219

113^#

發表於 08-5-29 16:57 |只看該作者

我老公同老爺奶奶就得閒去, 係我唔得咋!

Rank: 5 Rank: 5


	1281

114^#

發表於 08-5-29 22:05 |只看該作者

嘩！學費加成20%!!好誇張呀!照我所知教統局好似未必會允許咁drastic嘅加幅喎!會唔會只係proposal咋?不過教改實在分分秒秒都在變，希望唔會係真啦！我囝囝而家喺KLT番學，由TKO出發車費好似係$850!

原來PGS畢業禮係同K3一齊嘅!詩穎其實最渴望係好似哥哥咁喺台上跳para para，佢似乎唔係太明白著袍仔攞證書係咩一回事！至於My Beverly囡囡最近都成日唱，可能到時全校小朋友要一齊唱啦！至於佢哋練果隻以做運動做theme嘅舞阿囡每晚都要跳幾次，又要我哋做觀眾！佢有一段係同小朋友拖住手踢住腳嗌住"doh doh sa wah, doh doh sa wah"唔知咩土人話!一陣又扭pat pat，好有趣！縱有呀，我哋套畢業表演服要交$100唔係$90，可能女孩子條裙仔貴啲啦！我同老公應該都會請假去嘅!

SPK今個星期六註冊，等咗好耐終於到喇！

原文章由 bobbbby 於 08-5-27 15:02 發表

我見到有家長留言話樂基可能由$3300加到$3900，我估校車費都要一千蚊，校車公司話如果行程真係安排唔到去我個屋苑，佢地會介紹其他私人校巴比我地~~~

我諗你要解釋番比詩頴聽，比華利畢業禮只有K3學生先有頒授畢業證書，其 ...

Photos of Alvin & Nicole

Rank: 4


	637

115^#

發表於 08-5-30 11:46 |只看該作者

原文章由 fionapp 於 08-5-29 16:57 發表
我老公同老爺奶奶就得閒去, 係我唔得咋!

咁唯有買隻DVD返去睇啦，上年好以係百二蚊，唔知今年有冇加價，應該遲啲學校會出通告問你買VCD定DVD~~~

Rank: 4


	637

116^#

發表於 08-5-30 12:52 |只看該作者

原文章由 alalma 於 08-5-29 22:05 發表
嘩！學費加成20%!!好誇張呀!照我所知教統局好似未必會允許咁drastic嘅加幅喎!會唔會只係proposal咋?不過教改實在分分秒秒都在變，希望唔會係真啦！我囝囝而家喺KLT番學，由TKO出發車費好似係$850!

原來PGS畢業禮係同K3一齊 ...

加到$3900只係傳聞，樂基都係等緊教統局批核，無提到底會加幾多，我見校車收費表都係八百幾至九百幾蚊~~~

哦，原來男仔同女仔表演服係唔同價錢架，我都唔知添，我其實希望佢下午先表演，因為上午我比較忙~~~

早兩日孝文話詩頴無返學，又話張栢圖食茶點無抹咀好污曹

Rank: 5 Rank: 5


	1281

117^#

發表於 08-5-31 17:51 |只看該作者

孝文真叻仔！詩穎上星期二冇番學呀，因為果日我囝囝off，咁我咪同詩穎請咗日假去咗Disneyland囉!囡囡噚日唱咗首新歌，音樂係Ten Little Indians歌詞係"Hurry hurry drive the engine, hurry hurry drive the engine, hurry hurry drive the engine, put the fire out!"你睇吓孝文有冇印象？

原文章由 bobbbby 於 08-5-30 12:52 發表

加到$3900只係傳聞，樂基都係等緊教統局批核，無提到底會加幾多，我見校車收費表都係八百幾至九百幾蚊~~~

哦，原來男仔同女仔表演服係唔同價錢架，我都唔知添，我其實希望佢下午先表演，因為上午我比較忙~~~

早兩日孝文話詩頴 ...

Photos of Alvin & Nicole

Rank: 4


	637

118^#

發表於 08-6-2 18:08 |只看該作者

原文章由 alalma 於 08-5-31 17:51 發表
孝文真叻仔！詩穎上星期二冇番學呀，因為果日我囝囝off，咁我咪同詩穎請咗日假去咗Disneyland囉!囡囡噚日唱咗首新歌，音樂係Ten Little Indians歌詞係"Hurry hurry drive the engine, hurry hurry drive the engine, hurry h ...

尼首歌我又無聽孝文唱過喎，佢最近好鍾意唱"It's a small world"（世界真細小），我地上年買左狄士尼樂園年票，可能去得太多，有一次佢乜野都唔想玩，除左巴斯光年遊戲，因為佢好鍾意巴斯光年，連影相都經常扮巴斯光年動作，屋企有一個巴斯光年公仔，係前年聖誕禮物，好難得仲間唔中可以陪佢

，其他玩具大部份玩一兩日佢已經唔再玩~~~

Rank: 5 Rank: 5


	1281

119^#

發表於 08-6-4 12:56 |只看該作者

其實我哋都係買咗Disneyland平日年票嘅!阿囝就鍾意馳車天地，阿囡就鍾意同公主&Minnie影相，至於It's a Small World阿囡都好鍾意唱，原來係學校教架?我仲以為囡囡跟哥哥唱添!

奧運t-shirt design你哋搞成點呀?我差唔多完工喇!不過依個task都幾攞命!

原文章由 bobbbby 於 08-6-2 18:08 發表

尼首歌我又無聽孝文唱過喎，佢最近好鍾意唱"It's a small world"（世界真細小），我地上年買左狄士尼樂園年票，可能去得太多，有一次佢乜野都唔想玩，除左巴斯光年遊戲，因為佢好鍾意巴斯光年，連影相都經常扮巴斯光年動作，屋企有一個 ...

Photos of Alvin & Nicole

Rank: 4


	637

120^#

發表於 08-6-4 14:41 |只看該作者

原文章由 alalma 於 08-6-4 12:56 發表
其實我哋都係買咗Disneyland平日年票嘅!阿囝就鍾意馳車天地，阿囡就鍾意同公主&Minnie影相，至於It's a Small World阿囡都好鍾意唱，原來係學校教架?我仲以為囡囡跟哥哥唱添!

奧運t-shirt design你哋搞成點呀?我差唔多完 ...

孝文出世無幾耐，我地就買左海洋公園年票，跟住就買狄士尼樂園，宜家又到番海洋公園啦，隔住隔住咁去，無咁悶~~~

原來詩頴都有唱呀，我都唔知係學校教，禽日派番水果日啲相，我見到有張係同詩頴一齊影~~~

件T-shirt係我太太負責

，我見佢禽晚仲趕緊工，佢都攪左好耐，唔知完成未呢~~~

‹ 上一主題|下一主題 ›

1 2 3 4 567 8 下一頁

發新帖

熱門主題

最高瀏覽主題

Copyright © 2002 - 2024 Baby-Kingdom.com Limited, All Rights Reserved.
有關我們
使用條款
免責聲明
私穩政策
廣告查詢