校際朗誦節的時間表出左啦

bobo

昨日陪仔參加完小一,小二英詩朗誦,雖然並沒有名次,不過仔仔的分數比我預期中好, 我己覺很滿意, 有張 cert 已好安慰, 不過對於昨日比賽場地安排, 我對大會非常不滿, 皆因昨日其有62名參賽者, 未到進場前門口已塞滿人, 遲遲未公布入場安排, 到等到可以入場, 才覺場地細到不可接受, 就算一個參賽者跟一位家長進場都唔夠位坐, 何況有 d 仲有老師跟埋入場, 昨日場面混亂, 好好彩我才可有一個位, 但場外仍塞滿家長, 工作人員唯有分批讓參賽者及家長進入, 但場地太細, 嘈音又多, 很多學生都未能刻制自己, 比賽中途又有家長出入, 工作人員又不作制止, 完全唔專業, final 比賽完, 外藉評判不耐煩地匆匆公布結果後便走了, 領分紙時就好似搶咁, 對於昨日大會安排之場地我真係覺得非常失敗, 我之前去過幾次, 無一次好似昨日咁離譜   
另外, 提一提未比賽的小朋友, 昨日那位外藉女評判, 叫 judy, 佢不太受多動作架, 佢注重感情同表情, 仲有咬字一定要清楚, 發音要準, 因她昨日對於有些小朋友動作過多似乎不太接及, 如未比賽o既仔仔女女多多留意啦   

另外, 場內不準影相及錄影, 昨日所見大部份家長都有尊守, 只有一兩個偷雞, 不過作為仔女榜樣, 我都覺得應該守下大會規舉

ballbluehk

Dear bobo,

請問好混亂的是那個試場呢?

ball

bobo

ball, 屯門大會堂演講廳, 勁細!

raccoon_dog

其實塲地大部份都好細.
有個台、家長有得座已經係好'正'.