大埔區選校分享

little_yolky

zngo 發表於 16-4-11 08:22
因為聽到有仔女已經讀緊的家長講，初中很鬆太自由，高中開始谷成績，學校初中開始拍拖風氣相當嚴重，所以我 ...

但係阿仔咁有鬥心, 應該都係自律吧。我兩個親戚仔女都讀緊, 大既好自律, 所以如魚得水, 細既成日打機, 所以中一時成日收到老師電話, 不過依家好D了。入親男女校, 都預咗有拍拖既人, 咁你要同仔仔討論清楚, 睇佢想要乜, 拍唔拍拖都係要睇仔仔型唔型仔, 同埋佢自己夠唔夠定力。如果仔仔自律性唔高, 入王枝緊係好D, 但個人認為自行階段莫記收既學生係比王枝高, 所以對於想爭成績既小朋友, 可能莫記會好D, 因為叻人多D。
我另一位朋友仔响王枝讀緊中一, 話老師樣好惡, 但其實好闗心小朋友。佢最初入中一, 因為好多嘢玩, 所以參加咗好多活動, 搞到成績唔掂, 家長日老師叫媽咪幫佢搵人補下數, 但媽咪話無錢, 咁老師教咗佢D方法响屋企點幫小朋友, 小朋友唔明又主動搵老師教, 老師又好細心教佢, 下學期就好掂了。

rainbow_ho

請問有冇仔女在迦蜜柏雨讀的呢？可否分享下這校是否只讀書，谷得好勁，好有壓力的呢？

rainbow_ho

很多人都話莫記好鬆，但這校成績很好。我兒子是有測驗考試才無奈讀書的，如沒測考，就不會讀，是否應選這校呢？但我又怕迦蜜和王肇枝好谷好辛苦

zngo

雖然阿仔好有鬥心，但眼見小4同佢轉去超輕鬆學校之後，佢真係由好自律好積極變得又曵又懶惰，可能真係因為學校叻人小又曳又唔讀書的人太多，攪到唔使溫習都考得好所以冇晒動力！我怕佢去到莫記太自由變得越來越懶，不過佢話自己情願選擇去勁學校考包尾，自己努力追上去，都唔想去冇咁好既考第一，因為佢覺得呢個第一只係假像唔係真正自己努力的實力!唉！我真係好鬼怕佢初中就拍拖，因為佢都非常受同學歡迎！我相信佢會唔夠定力！

zngo

原帖由 rainbow_ho 於 16-04-11 發表
很多人都話莫記好鬆，但這校成績很好。我兒子是有測驗考試才無奈讀書的，如沒測考，就不會讀，是否應選這校 ...

做家長真係唔容易，我阿仔反而鍾意比較谷，但佢又唔想只讀書，所以佢想去莫記又讀書又有活動，可能真係家長太多顧慮諗多咗！

zngo

我真係好後悔當初冇聽mr.so意見，格梗同阿仔轉去超鬆嘅小學

YmOra

zngo 發表於 16-4-11 09:59
雖然阿仔好有鬥心，但眼見小4同佢轉去超輕鬆學校之後，佢真係由好自律好積極變得又曵又懶惰，可能真係因為 ...

係呀!養兒一百歲,長憂九十九.慢慢學習放手.

你的孩子都好明白自己,知道要點才有動力推自己進步.

zngo

原帖由 YmOra 於 16-04-11 發表
係呀!養兒一百歲,長憂九十九.慢慢學習放手.

你的孩子都好明白自己,知道要點才有動力推自己進步.:go ...

係時候要開始慢慢放手，但我真係要時間學習

mrs.so

回覆 beaglelam 的帖子

沙田英中十幾間
聖心, 沙循, 兩林, 等等...都好好, 當然呂中, 曾記, 培英, 蘇淅, 沙崇...就更加理想

little_yolky

zngo 發表於 16-4-11 10:10
我真係好後悔當初冇聽mr.so意見，格梗同阿仔轉去超鬆嘅小學

咁輕鬆完之後程度仲可以嗎? 我親戚以前讀8舊, 成績唔係最top, 但都係B1, 但又係定力唔夠, 大個仔喇, 就成日靜靜打機, 又唔主動溫書, 咁............今年大個D至好少少。操慣都係咁, 你真係要諗下。

但王肇枝都好多人報, 好似話自行收表最多係佢, 鬆咗咁耐, 佢谷唔谷得架?

little_yolky

mrs.so 發表於 16-4-11 10:47
回覆 beaglelam 的帖子

沙田英中十幾間

沙田D B1仲要成績真係唔錯添。我今年底開放日都想去睇下, 不過驚人哋話女女咁細(到時小四)咁早睇嚟做乜。

mrs.so

回覆 zngo 的帖子

最終都轉左, 不要望回頭了, 向前看...
在我眼中大埔五間英中係好普通既中學, 又唔係突出到好似QE, 林護, 鄧顯, 中婦會, 聖言, 循道呢類穩定成績既中學

如果講莫記鬆既定義係秀琼校長要學生主動學習, 提高讀書興趣

至於拍拖唔好想咁多, 男女中學一定有拍拖, 以前就話沐恩多人拍拖, 呢樣都係社交既一種, 擔心拍拖不如家長做足思想教育, 我相信家長既愛和關心可以讓仔女填補好多好奇同疑慮

每間中學都有質素既老師, 就如睇醫生你夾唔夾到, 全港既老師都係基準試合格有牌, 所以差極都係教學操守問題重要過老師本身知識學問有幾多, 我好明白中學階段老師就係學生既伯樂, 我大既今年升中四, 呢幾年既中學生活, 有起有跌, 外人問讀邊間呀, 嘩...好叻喎, 好多人想入又係爭崩頭, 但我好想講, 唔係所講既咁神咁勁, 好普通一間中學

我同家長講, 如何守著大學入場券, 靠自己讀書, 我唔認同柏雨/莫記會特別多叻學生, 因為首輪最叻都係收30%, 70%只要係BAND ONE都係會同等派位機會, 只係首輪時家長會點揀, 現時好多家長為避開死讀書唔去柏雨, 又避鬆唔去莫記, 但又要聽學校講柏雨/莫記/王記揀兩間, 家長套餐就會柏雨/莫記+王記, 今年傳聞柏雨收表最後個日都係1XX, 而莫記係4XX, 就會想到情況好極端

幾鬆幾嚴都好, 靠自己讀書, 只要有鬥心, 即使BAND ONE入救恩係頭既尖子, 一定會拎到大學入場券, 寧做雞頭莫做鳳尾意思一樣

zngo

原帖由 little_yolky 於 16-04-11 發表
咁輕鬆完之後程度仲可以嗎? 我親戚以前讀8舊, 成績唔係最top, 但都係B1, 但又係定力唔夠, 大個仔喇, 就成日 ...

佢話自己鍾意進取D嘅學校,應該仲谷得！

zngo

原帖由 mrs.so 於 16-04-11 發表
本帖最後由 mrs.so 於 16-4-11 11:06 編輯

回覆 zngo 的帖子

睇怕今次我應該比佢自己決定，都係佢自己最清楚自己，希望沙崇收佢，不過機會都會係零，因為佢操行得B一，老師在成績表評語仲寫佢唔遵守課堂常規，佢成日上堂睇書，成績又不是全級三名內，只有等抽獎睇佢運氣！

little_yolky

mrs.so 發表於 16-4-11 11:04
回覆 zngo 的帖子

最終都轉左, 不要望回頭了, 向前看...

普通又有咩辦法, 我幼稚園讀沙田, 班朋友仔入B2小學都谷到痴線, 我哋大埔都仲係B1叫谷下, 沙田真係差唔多全民皆谷, 我哋又有幾多人真係夠料跨去沙田？咁, 咪普通都要留响大埔囉。

雖然話讀書係靠自己, 但真係老師有料差好遠, 留意下學校DSE成績, 如果公布得詳細既, 會發現某D學校會年年某D科攞4或5以上比例既係較多。柏雨近年俾人唱得勁, 報既人少咗, 但其實我都有朋友仔讀緊, 佢話都OK, 唔係傳聞中咁跨張, 反而莫壽增鬆嗎? 我親戚中一就不斷接老師跟進電話了, 老師都唔會怠慢。但係收表就1XX同4XX既分別, 三成喎, 學生質素無分別？最top既學生又唔跨區既, 有幾多自行一會揀王肇枝唔揀莫壽增, 有就一定有既, 但我諗唔會好多。雖然話七成大抽奬, 唔會全部B1A都黑仔入唔到, 俾B1C入晒掛。所以大抽奬果七成應理解成各校收生質素都平均。

zngo

原帖由 little_yolky 於 16-04-11 發表
普通又有咩辦法, 我幼稚園讀沙田, 班朋友仔入B2小學都谷到痴線, 我哋大埔都仲係B1叫谷下, 沙田真係差唔多全 ...

我覺得班主任嘅質素最影響學生

elbar

dorothy111 發表於 16-4-12 09:09
Yes, totally agree. 班主任可以任講笑任改學生花名，學生冇做d咩錯事就隨意一個B-操行分(小四時)，就係咁 ...

SPCC ?

kin818kin

zngo 發表於 16-4-11 11:29
睇怕今次我應該比佢自己決定，都係佢自己最清楚自己，希望沙崇收佢，不過機會都會係零，因為佢操行得B一， ...

你仔的情況同我仔簡直一模一樣。又係唔係壞學生，唔搞破壞，只係上堂多嘴，又會上堂睇其他書........操行比左B，早排見直資，都要最後一輪先收到通知，睇怕都係操行問題拖左咁耐。

其實好唔明學校，小朋友又唔係做什麼大錯事，明知升中緊張關頭，點解唔可以放寬d 呢？

現在好多中學收生要求起碼要B+，人地學校唔知，會覺得B & B- 的學生係搞破壞唔專重老師的學生。