yyht 發表於 12-7-23 00:31
各位升中的家長,想問下你哋的意見,小兒今年升小一,因為佢都係坐唔定,同為人較固執衝動,但學業成績ok,咁我應 ...
經驗分享:
我仔係adhd小孩, 佢唔係有心攪事, 但硬係怪事一籮籮專注力又差
k3時我問過老師同一個問題: 究竟我應該搵間傳統夾佢, 定搵間活動既等佢開開心心
好彩的是, 我大女本身已經識緊一間活動既一條龍學校, 我100%知道係咩料, 都好有信心佢地會肯教好我個仔
當時幼稚園老師答: 我覺得佢唔係要高壓, 佢係叻仔, 佢地guidance同耐心, 佢會做得到, 於是, 家姐果間活動一條龍, 自然係我不二之選
好多人話活動教學, 學生會曳, 品德會差, 呢樣我唔讚同, 當然小朋友同"知規守禮"有一段距離, 但唔代表佢地品德唔好, 例如傳統學校, 排隊唔可以出聲, 我地學校, d學生見到我(一個39唔識7既auntie義工), 跳下跳下行埋黎同我傾計, 8下我係邊個, 一輪咀介紹埋自己, 老師唔會阻止的, 上堂學生見到老師錯左, 真係夠膽兜口兜面講, 試過我女p4時, 有個代課老師好惡, 佢地成班竟然寫信俾校長"申冤", (佢地乖乖地上堂架, 不過落左堂就去投訴之嘛, 校長好認真處理架), 長遠影響, 學生同大人之間會有份信任, o係親子溝通既角求黎講, 其實係件好事, 我地學校, 一樣講生命教育, 唔係好似我地以前傳統咁"呢樣唔得, 果樣唔應該", 而家教導學生咩係愛, 點去關心社會, 自己有幾幸福點去服務一d比我地弱勢既人, 我女今年升中, 早2個月學校open day, 我女只係擔任一個小角色, 2 日open day後佢話我好開心, 我問佢點解開心, 佢話"因為我賣晒d耆康面幫公公婆婆籌左好多錢", 我好安慰架, 因為我女識唸
講返我仔, 佢都係衝動, 多手多腳, 數理非常勁但文字就差差地, 我都成日收班主任電話架, 講佢d曳野, 攪笑野, 失暈野, 但老師態度係良好的, 因為佢知我有付出心機去教個仔, 知我個仔唔係心地壞, 反而班入面有d同學仔, 真係p2人仔識報復, 識玩野, 老師對佢地睇得仲緊! 我好驚喜既一件事, 係老師竟然有考慮過十週年活動搵我個仔做mc (一個細個有speech delay+adhd+非典型自閉既仔!), 雖然最後因為我仔好事多為, 俾老師罰晒d小息, 攪到無機會訓練而作罷, 但聽到老師咁講, 我心裡真係好開心, 我無揀錯學校因為老師唔止睇到佢曳既一面, 仲會識欣賞同俾機會佢
我2個小朋友入讀時, 學校未有公開試成績睇, 作為家長的我, 都硬食左好多年"小學開心姐, 考公開試就知死"呢個惡名, 今年終於有DSE成績了, 當然唔可以同一流名校比, 但算非常見得人(3322有60幾%, 英文40幾%5分以上), 我個心都定晒了, 有間咁唔錯既英中, mei埋眼就直升, 我仲駛唸?
|