跟自己的孩子疏遠了？不明白他們的想法？進來分享一下吧！

momodog1990

本來不想再post
但很需要澄清
不是我不肯踏出第一步
不是我不接納我媽媽
只是她不接受
我正因為接納我媽媽
所以我一直都容忍她不肯認輸的性格
由我踏出第一步

如果彼此關係不好
就把責任全賴到子女身上
這又是什麼道理
而且我從來沒有把男朋友放在第一位
父母永遠是我的第一位

請不要歪曲我的立場和態度

momodog1990

wunma

唔係因為不合意，所以我想放棄
而係有人開宗明義話我唔應該在此
「我是跟家長討論. momodog 就好像被邀請的被訪者.」
「momodog,你是在成人的討論區」

我唔可以阻止有人入錯topic
我不想再講多10頁都只係
講拍拖應唔應該
我係咪不孝女
而不是正真幫有問題的家長
咁只會係浪費時間

最後，我好多謝你的提點，我唔會放棄呢個topic
因為我只係想幫D有煩惱的家長
好多謝咁多位支持我同覺得我意見有用的家長

momodog1990

Eviepa

多謝你，可能是我初來的關係
不知道原來這裡的討論像辯論般激烈
甚至比CE考中文討論更激烈
也許是我對某些字詞太敏感（青年人還是有點衝動和不成熟）
好多謝你在此支持
社會還是要不同年齡的人存在
才算是真正的社會
在這裡我又成長了

momodog1990

好多謝各位
係你地話比我聽我的存在價值

「求大同存小異」講得妙極
也許全世界的父母同仔女都好努力做緊呢件事

你地講得對
「不能輕言放棄」
這就是青年人的本色，屢敗屢戰
沒有什麼擋得住我們

Eviepa，好多謝你向你女兒的學校的討論區推介我的言論
我只係希望大家唔好好似我咁
親子關係弄得咁糟（不過我相信我們的關係終有一天變好）

這裡的挫折讓我成長了，成熟了一點
【人不需要憤憤不平，只要努力向上，總會衝破一切難關】

momodog1990

我只要放自己幾日假，呢度已經多了5、6頁，呢度的討論真係越都越熱烈，真係好好！

「答:暫時未覺得有家長讚成早拍拖...只抱開放態度有幾個...」

拍拖有好有壞，唔應該禁止，但亦不需鼓勵
抱開放態度是我的立場
我唔會要我媽咪贊成我拍拖
但唔好禁止
這是我認為的平衡點

「學校禁止最好不過....唔關我事麻....」

呢句其實講出一個好多家庭都有的問題
其實孩子是受得了學校、外人等的反對、禁止
只是每個孩子回家都希望父母當自己是孩子
無孩子期望自這己的父母像女王真矢咁對自己
（當老師是可以的，嚴師出高徒）
但父母是這樣就不行了
其實好多道理，要讀書，唔好亂有性行為
學校都有教
其實孩子回家並不期望你像老師咁教佢
係期望父母關心自己，分享，聆聽
如果父母錯做角色
再唔係父母
孩子就再唔願意留在家
甚至覺得父母唔再錫佢

家裡比唔到呵護、關心、溫暖
孩子會去找一個關心自己的人
家裡只有責難的聲音
佢地寧可去夜街，唔返屋企
家裡充滿吵鬧，被貶低存在價值
佢會入黑社會跟大佬


很多時，父母真的不太明白孩子
因為父母都假定了孩子做事的理由
所以當你們不能認同佢地的同時
你要想想你係咪真係同佢諗緊同一個理由

不需要把孩子拍拖想得太認真
初中生的拍拖和真正拍拖是有點出入的
佢地將行行街、講心事、拖拖手、傾電話假定成拍拖
如果家長咁就擔心到不得了，幾時擔心得完
只是要牽到性的問題
當然要穩守底線，但不是父母，是子女
因為佢地先係當時人，所以父母在抓狂都是無用
父母要做的是的自己成為子女最重要的人
當佢地將要做錯事時，腦海都會閃過你的影像、說話

正所謂「台上三分鐘，台下十年功」
很多時教的東西都不是咁快見效
希望各位父母十多年的眼淚、汗水
可以換來孩子做錯事之前的三分鐘

最後，如果我講的說話衝撞了任何人
就容我現在道歉吧

momodog1990

「而很多時，孩子亦真的不太明白父母」

可能這就是親子關係難搞的地方
有別於考試、電腦遊戲、拍拖
我們永遠都是親子關係中的當局者

momodog1990

所以我成日都話
唔好要一個青年人去明白D佢地呢個階段唔會明的事
所以凡事都唔駛佢地明白
只要讓佢地知
讓佢地心甘命抵去做

momodog1990

隨住時代的巨輪
小朋友沒辦法地會更快變成大人
做大人的事，講大人的話
雖然有時的確一知半解
但小朋友一定會比上一代更快摸索大人的天空
這是我們停不了的

唯一不變的，就是小朋友的純真
佢地仍然鍾意玩，享受快樂時光
不想讀書，不想受束縛
鍾意做咩就做咩（其實我都係）
返到屋企只有一招
撒嬌
就算比人話，都係
撒嬌
就算天要跌落黎，都係
撒嬌

這就是小朋友的專利
我相信你們當了成人也都一樣嚮往這種生活
只是現實所迫，知道世途險惡，生活艱難
所以成人和小朋友大概都是一樣
只是小朋友無知，咩都唔知就一日

各位大人，不訪從小朋友身上找回那份久違了的孩子氣
（我每次見到D幼稚園生都好開心，無哂煩惱咁，因為在我記憶中讀幼稚園時係狂玩嫁）

momodog1990

這是我一篇非常喜歡的網誌，我總覺得《愛•回家》這套電影好好，描寫的兩婆孫其實就是父母與孩子之間的關係。父母付出時，孩子永遠不明白；到孩子明白的時候，父母就要離開了。這個循環是我們都改變不了的。



「情不是來自特寫鏡頭中的一行眼淚，是來自生活化情節的自然流露。」

《愛•回家》是我一直以來都認為值得向大家推介的電影之一，每一次看我都不禁流下一行行的眼淚。導演李廷香摒棄了那種「韓式」的煽情催淚手法，卻把兩婆孫相處之間的純樸和簡單真實地呈現在我們眼前。今時今日的觀眾再不願看一些煽情催淚、濫用特技的電影，反而希望尋回近在眼前卻又難以觸摸的真實。在充斥著謊言、虛偽的現實，我們希望得到一點點的真實。這齣電影利用兩婆孫的故事，不但把「情」一絲不苟地展現出來，還把真實的我們放上了大銀幕。

我們每個人都是成佑，我們習慣了自己的生活方式，跟別人溝通不來，怪別人蠢，怪別人沒有用，說出難聽的說話，就跟成佑怪責婆婆不明白什麼是「家鄉雞」一樣。

但當身邊的人失意、孤單時，我們都會好像成佑替婆婆蓋被、敷毛巾般去關心他們，正所謂「患難見真情」，其實我們都和成佑一樣，本質都是心地善良的。

我們對身邊的人的關愛和容忍感到理所當然，但越是理所當然，就越會因為別人為我們默默的付出和包容而感到痛苦。雖然成佑這個小霸王處處捉弄婆婆，但婆婆仍舊包容他，愛護他，處處希望滿足成佑的要求。最後，在臨別的一晚，成佑敵不過自己的良心，希望為婆婆作出一點點付出，他希望教婆婆寫字，好讓他回到城市後能知道婆婆的近況。當然，婆婆學不成，他半夜把自己珍藏的公仔明信片寫上各種字句，如「我生病了」和「我很掛念你」，讓婆婆寄給自己。而在明信片當中佔絕大部份都是「我很掛念你」，表面上是要婆婆表示掛念他並一切安好，但卻道出事實上最捨不得對方的是成佑。

為了彌補自己的過錯，並向婆婆表示一點點的心意，成佑在婆婆睡覺後替她把所有的針穿好線，這不就是婆婆的耐心和包容得到的甜美果實嗎？

情，有很多種：親情、友情、愛情、師徒之情、手足之情，還有很多很多。但無論是什麼情，都不在乎大家在特寫鏡頭下流過的眼淚，而在乎你能夠默默為對方付出多少。

momodog1990

我諗好多人以為我消失左
我只係要準備英文口試
所以成個星期無上來
終於考完lu   哈哈

看來拍拖的話題好似講得差唔多
不如大家講下會唔會比小朋友自由選擇未來的路
好似選科、讀咩大學
會唔會比佢地做警察、消防、入演藝等等

momodog1990

我就覺得無咩所謂
只係各人意願
都只係大家之間的稱呼姐
最重要係兩個人之間意見一致
反而我覺得有時D大人都幾搞笑
點解有左小朋友就要叫大家做daddy同mummy
明明係兩公婆
偏偏搞到咁生外

momodog1990

這大概讓我明白了一點
小朋友當然會唔知
你點叫，佢點叫
其實都幾搞笑

只係宜家我都大，我會知道大家的稱呼
所以比較喜歡爸爸媽媽叫返大家做「老公老婆」
雖然只係小小的一句
在孩子角度就會覺得父母親密一點
屋企的關係又好似好D
始終叫「爸爸媽媽」都好似係因為有我在
搞到我好似電燈膽咁
身份好尷尬

順帶一提，從我懂事開始
我都唔鍾意同父母過情人節
事關我唔想因為我
佢地手又唔敢拖（在我眼中都幾搞笑）
而我的感覺又好似好怪咁
我寧願留在家中
比佢地二人世界一下

momodog1990

edithedith

我相信由今年暑假開始補習算是個適合的時間
中三是個重要的時期
關係到選科
我諗你要同佢傾下先
比D時間佢接受呢個轉變
同佢講補習唔係因為佢唔勤力
係想找個有經驗的人來幫下佢
等佢做數時有點方法
你要強調佢本身已經好勤力
只係找個人幫下佢，等佢無咁辛苦
因為中三的課程會比中一二深好多
如果中三考得唔好
可能會影響選科的機會

momodog1990

momodog1990

我覺得只是jackie 1986的用詞不是太合適吧
與其說
「小朋友係有權利向父母撒嬌,接受父母既愛 」
不如咁講
「作為父母，應該享受子女對自己撒嬌，樂於付出無盡的愛」

畢竟父母跟只女的關係不是等價交換
不應牽涉到「權利與義務」
也就是我一直堅持的
【家就是我們可以最不計較，不用找天秤事事秤的地方】