如你仔女遇到這樣什辦...

丸媽媽

其實還唔還手呢個問題,同怕唔怕蝕底既心理似乎都有多少關係 (純粹個人感覺)

如果小朋友明白以暴易暴係唔岩既話,佢地未必會想到還手,反而作為父母,每當有"畀人蝦"事情發生時,應提醒小朋友如何保護自己,始終呢個世界乜人都有(包括小朋友),根本無法教晒佢地點去應付各式各樣唔同"品種",也不作批評別人對與錯,我通常只會同自己小朋友講: 「呢度d小朋友似乎玩得好粗魯,我擔心會傷害到你,不如我地去其他地方玩左先(分散注意力),一陣等佢地離開或玩夠我地先再黎玩...」我給小朋友訊息其實好簡單,"玩"是用來尋歡樂,如果玩得唔開心或有危險,就要暫停或離開冷靜下,並不代表退縮(覺得退縮通常都是大人自己價值觀而已):;pppp:

真係咁唔好彩畀人打,如果唔係太大損傷,我通常都安慰下,講東講西(其實主要都係分散注意力),例如: 「係呀...佢整親你呀(註:唔講打)...痛唔痛...哎呀...原來係呢度...一定好痛喇...媽咪幫你按摩下先...咁佢有冇向你道歉...無呀...整親人地要道歉加嘛~可! (順便教仔)」

總之我習慣,別的孩子對與錯與我及自己仔女無關,教小朋友分辨是非,只需家庭教養已足夠,無需慣性指責別人不是,這樣孩子便不會經常感覺"被蝦"或受委屈,更毋需講到邊個原諒邊個。講真,小朋友一齊玩,總會離唔開吵吵鬧鬧,如果成年人慣性為孩子做判官,必定會阻礙孩子人際關係發展

[ 本帖最後由 丸媽媽 於 08-8-26 01:33 編輯 ]