個人分享: 升中選擇如何決策

little_yolky

王家爸爸 發表於 18-8-27 00:34
見過唔少睇高一線之後讀唔掂，所以我當年都係冇睇高一線，自行填咗兩間程度啱，又唔會失望既就算。

...

其實讀高一線既情況响B1直屬學校會普遍出現, 一定有一批B2生可以順利抽入。

little_yolky

BBKDWLAM 發表於 18-8-27 09:30
自行： 除了睇搏唔搏得過，亦應考慮輸唔輸得起。有人有backup, 有人有叩門本錢。
大抽獎： 睇自己係咪邊緣 ...

我覺得自行搏既人, 只限於有本錢叩門既人, 即係級前果幾個。其他同學都應該慎重, 揀同level既學校, 不應搏高一線。因為同level學校都未必實收, 仲要搏, 見人搏你又搏, 最後就只能靠運氣了。運氣又不濟, 叩門能力又唔高, 最後就得個桔。

好似樓主又太灰。其實間間學校都想收B1生, 但做得B2中尾學校, 可能只開一班英文班, 甚至係全中文班, 佢哋唔會响自行諗住有B1生, 但佢哋都會想儘量收D乖/有心讀書既學生。自己根本學校無學生既banding, 只有睇報讀學生既先後順序, 始終B2中尾既學校, 同B1/B2A既學校, 收生目標好唔一樣。反而B2A學校壓力最大, 因為4班要開2-3班英文班, 明知大抽奬B1好少揀佢, 收既好多時都係B2生, 好彩既就可以數到B2A, 唔好彩B2C都有機會入, 咁就一定要响自行儘地一舖收最多頭40%既學生, 否則好難保住D英文班數。

little_yolky

hkpapa852 發表於 18-8-27 10:49
仲要係有超強信念: 今日唔得只因未開竅

但恐怕開竅後, 最終亦只會攪到七竅生煙

你唔好咁嚇我啦..........

little_yolky

joeyxlma 發表於 18-8-29 19:02
睇完之後真係有D擔心自己個女.. 新中學又多科個個都勁, 最大問題是唔知佢几時先識自己努力讀書... ...

吓? 女仔都唔識主動自覺讀書? 係有D麻煩喎。咁你諗住點呀? 繼續跟?

little_yolky

Jasmine-4711 發表於 18-8-28 15:16
我自己知自己兒子有幾多料。呈分年俾佢去補習社，過一排都話太難唔肯去（用小六卷練習，不是中一）。轉過 ...

男仔女仔真係好唔同, 我女女知自己數學會拖累成績, P4暑假主動叫我幫佢搵個數學恒常班補數.................. 真係男仔生既時候開心, 女仔教既時候開心。

little_yolky

IloveJJ 發表於 18-8-30 09:55
咁我仔都話要補數  
點解男仔會生既時候開心呢？

四大長老會開心囉。

little_yolky

joeyxlma 發表於 18-8-30 22:58
唔想跟啦~~

小學同中學係兩個世界, 要睇定D先算

你.........覺得女女會唔會聽.................

little_yolky

IloveJJ 發表於 18-8-30 13:38
係呀！所以我同佢都無避，仍然解決緊。

數學呢樣嘢真係死証嚟, 阿大補咗一年數, 心算快咗好多了, 不過佢話都係鐘意唔落。

little_yolky

Yanamami 發表於 18-8-31 10:56
你貪心！应付到同鍾意唔係必然共存吧~

其實我好理解, 正如我當年最憎體育一樣。

little_yolky

HMFCGC 發表於 18-8-31 15:29
有家長說小朋友如果是B2的入讀B1學校, 將會十分辛苦, 但很老實說句, 假如機會在面前, 你會為子女選擇一間較 ...

如果你問我, 我會答不會選越級學校, 因為我兩個女唔係進取型, 而且有其他嗜好, 如果讀間越級的, 將會犧牲其他學習, 不是很合適。

我想你小朋友如果是有心進取型, 不一定有問題, 因為大抽奬你小朋友入到, 其他都會有同類型小朋友入到, 始終大抽奬只靠運氣, 起碼你小朋友一定是B1生, 一般津校, 大家都是B1生英文程度唔會差很遠吧, 太差如果做到B1, X9喎, 所以只要努力無話追唔上, 只怕小朋友無心追啫。之但係, 如果你話B2尾入B1校, 咁就真係唔太好, 响B1位足既區, 無話無可能, 但B2尾即係相對主科都薄弱, 唔好話B1頭, B1尾學校都真係追餐死。


祝你小朋友中學生活愉快。

little_yolky

HMFCGC 發表於 18-9-3 16:43
回覆 IloveJJ 的帖子

為了孩子升中問題，多次母子之間存不同意見有爭執，到了最後我尊重他的決定，說真的 ...

同我阿女一樣(點解個個小學生都係咁), 我揀間B1B, 佢自己揀間B1A。佢依家P6而已, 其實佢成績一向都唔係咁亮麗, 係一年一年咁慢慢進步。佢P4時參觀完學校, 就話要考B1A果間(其實當時根本無諗過參觀添, 因為路過, 佢話想睇下, 所以先入去), 我同佢講呢間好難考, 要級15內至有少少可能(其實係級10內至有可能, 不過無謂一開始打沉佢), 佢P4下學期最後居然考到級14, 開心到佢跳起。小朋友咁有動力, 咪由得佢囉, 反正B1B同B1A都差唔多啫, 入到都應該跟得上掛。我同佢又唔會有乜爭執, 我份人從善如流, 自一佢揀, 自二我揀就得。