大個囝!大個囡!升班喇~~九龍禮賢幼稚園k2

Woon-Woon

penpen,

原來你都有去食早餐, 我都係去惠康對面果間, 我唸你係坐

Woon-Woon

係啦, 今日唔知有無功課做呢, 尋日在學校門口, 朱主任同楚媛講叫佢回家刨定鉛筆, 因為明天要做功課, 唔知講真定講笑呢

禧媽媽 寫道:
祖安
放學喇~彤彤有冇功課做呀??
我都唔記得幾時開始要做?? 我仲以為月中  

glory
禧禧打比我, 話今日返學好開心!!
但講完之後, 就立刻"開電視", 可能仲有暑假心情喇  
如果今日有功課的話, 我唸我心情會好緊張呀  

Woon-Woon

glory,

樂樂在返學前一日先做完暑期作業都唔算好差, 我仲差, 以為唔駛交所以無理, 點知第一日楚媛話陳老師話要交暑期作業, 如果唔記得帶果

Woon-Woon

glory,

樂樂真係好好笑呀   

Allie,

第一日的小禮物係一個哈哈笑的心口針, 第二日係一個手指般大的公仔, 個公仔個頭係木, 條裙係織出來的, 我媽話好似原本係類似心口針的東西, 但後面個扣不小心弄失了, 所以我淨係見到個公仔

Woon-Woon

祖安,
係呀, 家長會時林園長話朱主任以前係在禮賢教過的, 後來另有高就便離開了, 現時又回來, 並說靚靚李主任都係另有高就所以離開

瀅瀅媽咪,
聽你講完即刻睇下楚媛個書包, 因為昨天她都有一個寫住蝴蝶組的牌, 點知真係換咗一個組長的牌, 唔怪得昨天同佢講野唔記得講到邊度個陣, 佢話係咪好似做班長咁啦, 我都無教過佢咩叫班長

penpen,
其實你個貼紙奬勵法都幾好, 我有個朋友都提議我用呢個方法, 她用此方法對兩個仔女已經一段時間, 她說成效不錯, 她是每天如果小朋友做了一些值得奬勵的事情時, 如功課做得好, 自己收拾玩具等, 便可獲貼紙一個, 習齊某一個數量的貼紙便可換價值$100的禮物(當然平時便不能隨意買東西給她們了), 我朋友發現實行這計劃後, 小朋友開始懂得錢的價值, 即如$100和$50的分別等, 並且懂得如果想賣某些物件時, 便會自行計算並努力儲錢(即貼紙), 我覺得都唔錯, 所以等遲些楚媛適應了學校生活後便實行, 以免一時間太多新野, 各位姊妹可以考慮此方法, 並按自己的意見加以修改

另外, penpen, 祝你囡囡生日快樂, 快高長大, 肥肥白白, 越大越靚

Woon-Woon

禧媽媽,

楚媛小時是讀基督教服務處的(石硤尾), 其實呢個暑假我都有帶佢返去上課, 不過只是返上午, 因為唔想佢瞓得太晏, 同埋玩到個心散晒, 而且返去又有得玩, 畫畫, 講故事等, 仲唔駛等燈幫佢唸暑期班添, 我七月中返到八月尾, 都只是一千多元, 仲包埋早餐、水菓餐同午飯, 好低   

安祖,
係呀, 以前果個黃園長好好嫁, 電視仲有一個特輯係講佢嫁添, 唔知你地有無睇過呢

glory,
星期六體操班? 如果有具體一些的資料請提供來考慮下, 因為上年李老師說楚媛可能是細女, 所以大肌肉比較差, 叫我給她多點做大肌肉運動, 其實我爸已經經常帶她到公園踏單車, 但李老師說不夠, 體操班都是一個不錯的選擇, 但現在楚媛星期六一般都會去學瑜伽, 佢好好好鐘意, 所以都要睇下時間

唉, 我真是給楚媛攪到唔知好嬲定好笑, 事源星期二第一天要帶茶點返學, 我給她6粒獅子狗魚旦, 不小心一粒趺了落地, 剩下5粒, 給她看見了, 到放學時我媽說楚媛吃茶點時問陳老師攞了一包餅吃, 我問她為何, 她說因為不夠飽, 昨天我給她一個芝士波包及數粒魚仔餅, 放學後她說吃完了所有茶點, 今朝8點3陳老師打電話給我, 說楚媛這兩天也沒有帶點 我話無理由, 她兩天也有帶呢, 陳老師也覺得奇怪, 她說這兩天楚媛也說沒有茶點, 並向她攞餅, 她也看到楚媛的茶點盒是空的, 原來是楚媛很喜歡吃餅(卜卜脆), 但一般我都不會給她帶餅做茶點, 因為熱氣, 於是一到茶點時間她便趕快把自己的茶點吃完, 然後問老師攞餅, 陳老師又以為我沒有給她茶點, 所以便給她吃餅, 宜家的小朋友真係古惑  :wink:

Woon-Woon

祖安,
其實我同你都係一樣呀!

係呢, 想請教下各位公民數係讀啲咩嫁? 而家去數會唔會太早?

袓安 寫道:
Woon-Woon
我有睇過呀~就係因為呢個原因選擇了禮賢

Woon-Woon

車厘子,
啱啱楚媛見到我上網, 佢見到源源張相即刻話"汗錦源", 我話係唔係韓錦源呀, 佢話唔係, 係流汗果個汗, 佢聽到老師咁叫, 真係俾佢激c.

瀅瀅媽咪,
可能這兩天天氣涼了很多, 所以瀅瀅冷親了, 希望佢快啲好翻啦, 不過今天咁大雨, 唔返好過啦, 今朝要婆婆和楚媛daddy一起送楚媛返學, daddy話行左一陣已濕晒, 放學時婆婆怕多人, 11點半便到學校, 林園長話可以走得, 所以咪早啲走囉, 不過都好大雨, 要同bun bun 一齊去先得, 祖安講得啱, 應該一早掛紅兩雨啦, 又唔係唔駛返工, 無經濟損失既, 我老公話今日返到學校果陣一架校車都未到呀, 又話2號車水浸, 總之就混亂啦

yykid,
多謝你既好書提供, 我聽日就去買, 本來我都想聽呢個講座, 但係因為要返工所以唔去得, 除左本書外, 仲有無野值得分享下嫁   

Allie,
如果記錯, 軒軒係咪讀低愛班嫁, 楚媛話今日既分享因為不夠時間, 所以改左下星期先做, 唔知係咪呢

katieman,
可能你囡囡因為剛去完旅行仲未能夠收拾心情返學, 我唸好快會好啲既

Woon-Woon

Allie,
個土字比十字多左一劃之後真係難好多, 楚媛都係好難寫得個字"四正", 但係我又無要求咁高, 只係有一個十字果棟掂唔到下面果劃, 我就問你估都老會唔會圈起出黎呢, 仲扮到好煩惱咁話你又寫得咁靚, 但係又掂唔到果劃, 都唔知擦唔擦好, 跟住佢即刻話:擦啦!擦啦!

yykid,
我尋日買左本書喇, 唔知係咪多得你宣傳, 只係剩番最後一本咋 尋日我係蛇王去書局的, 點知一去就打左兩個鐘書釘, 買左幾本書, 如果好睇再同大家分享;至於你介紹果本書, 今日會開始睇, 不過唔知要睇幾耐

Woon-Woon

各位,
請問知唔知要做量繩果條繩係自備定學校派嫁? 我唸住係學校派但亞囡個書包又無

Woon-Woon

祖安/瀅瀅媽咪:

收到喇, 而家咁夜都未做同仲未返屋企, 今晚要開夜車添

yykid 介紹果本書叫"牛津狀元的培育", 我買左幾日, 不過都係睇左幾頁咋

Woon-Woon

尋日寫個口字好難寫呀 楚緩寫到大小不一, 一些正方形, 一些長方形, 一時跟筆順, 一時好似劃圓圈咁寫, 我又唔想擦佢, 所以唔知會唔會比老師圏到七彩 上次寫個土字老師寫佢有進步同加了一張貼紙, 楚媛開心到不得了

係呢,

Woon-Woon

我都報左體操班, 到時可以見到大家啦   

Woon-Woon

嘩, 我因為要出外工幹所以成兩個星期無上嚟, 我都無莽想可以睇返晒我呢兩個星期miss左既野, 不過真係無唸過多得咁緊要, 似乎上bk已經成為你們生活不可缺少的一部份
過去果兩個星期, 有無啲特別野我miss左嫁? 麻煩提下我啦, 我淨係發覺囡囡寫啲生字越來越深, 今日重要寫個早字, 見到佢响學校寫個兩行好似飲醉咁

Woon-Woon

嘩, 你地好勁呀, 一日講左10頁, 個個父母都係一講到關於小朋友既野就好多野講, 今日你地有無人上體操班呀? 我有去呀, 不過尋日唔記得問定你地, 所以無得同你地相認, 楚媛話好好玩, 佢好以好開心咁, 不過今日都有幾個小朋友喊呀

今日聽隻phonics cd, 我覺得好似麻麻地, 因為佢讀果段英文字時我覺得太快, 而且都唔淺, 我覺得小朋友都應該唔係好明, 唔學校的課程有無配合既呢? 不過楚媛又聽得好興奮 :wink:

講到小學, 超級頭痛, 我有3個校網可以選擇, 石硤尾, 深水po到九龍塘41, 心義既梗係maryknoll, 我有20分, 可以搏吓嫁, 不過一唸到啲功課同自己未必可以抽出太多的時間去幫楚媛時, 個心又15/16., 你地話點好呢! 係呢, 瀅瀅媽咪, 聽完小一講座, 有無什麼特別可以提下嫁?

Woon-Woon

瀅瀅媽咪,
係呀, 楚媛同詩詠都玩得好開心呀, 你知啦, 楚媛班啲同學仔我真係唔認得多, 楚媛有叫住佢地個名既有5-6個啦!
好呀, 如果下次有講座既話我地一齊去la, 其實我有個同學個仔都係讀禮賢, 佢今年讀小一了, 但係在考私小時全部都唔收, 我同學話因為啲學校都嫌禮賢的英文程度不夠, 最慘係禮小都係收佢個仔做後備咋, 你都咪話唔擔心, 好彩最後抽到間唔錯既小學咋
講開英文, 楚媛而家學緊果間英文都唔錯, 我好似同你提過, 不過當時初學, 我唔知點, 而家覺得唔錯, 最好的是楚媛學果個時間只係得佢一個學生, 一個鬼佬對一個學生梗係好啲, 而且每當有錄音可以返嚟聽翻, 如果你有興趣, 我可以send其中一天上堂的錄音給你(我save左在電腦內), 不過學費都幾貴,二百幾一堂, 好肉痛   

Woon-Woon

祖安,

講得好

Woon-Woon

禧媽媽,
禧禧學跳彈床? 都好特別

Woon-Woon

禧媽媽,
麥理浩夫人中心响邊嫁, 我都有啲興趣, 因為楚媛在班中由矮至高排列, 佢都數一數二嫁    星期六學體操時, 我見佢矮佢同班既同學成個頭, 而家就黎4歲, 都係得95cm咋

Woon-Woon

Allie,
楚媛都無講要帶報紙回校分享喎, 不過今朝佢就攞住daddy份報紙揭來揭去, 好似揾野咁, 攪到份報紙散晒, 仲比daddy鬧添