堅道偉思幼兒園好不好

東京mewmew

我個仔上年都讀過偉思幼稚園既pre-nursery, 我覺得都教得幾好, 個仔非常之鍾意學校果個陸老師(我個仔讀下午班, 因為要就家姐返學), 佢地都幾活動教學架, 一返到學校, 就會D小朋友講今日係星期幾, 又叫佢地將自己個張相仔親自放係個broad度, 等D小朋友對返學有歸屬感, 而且會定時同家長會面(都好似有成3次咁多), 等家長多D了解下小朋友係學校既情況。

另外, 我最欣賞既係到學期結束後, 佢地會將我個仔係舊年做過既所有主題活動, 例如萬聖節、中秋等, 影曬相, 做左一本好精美既相簿, 交返比我個仔做留念, 果本相簿真係好精美, 可以見到學校真係有心思。

而且, 學費又唔係太貴, 好似$2200咁上下, 本來, 我係諗住比我個仔係堅道讀迦南個playgroup, 但係佢無開(因為我個仔係大仔 -- 即係1月出世, 大過佢1-2個月果D已經去左番BB班, 所以迦南無得讀, 先唯有讀偉思, 不過偉思D老師真係幾有愛心。

而家, 因為某D原因, 我個仔已經轉讀左聖心, 但係初初開學既時候, 佢重係好掛住偉思既老師, 重成日話要返去偉思添。

雖然佢呢排就無話要返偉思, 但係我問佢鍾意讀聖心定係讀聖心, 佢都會話兩間都咁鍾意。