買琴

Soundervolt

純粹路過，當年阿仔學琴，屋企話事人話買就買個好少少，唔使將來學到高級時換琴。最後阿仔學咗兩年後再冇學，之後個琴變成咗屋企其中一件稼私....原本想轉贈俾其他親友，不過佢地屋企又放唔落，最後以震撼價賣出。奉勸各位如果小朋友真係有興趣同資質先至好決定買高階鋼琴。

Soundervolt

其實宜家有啲牌子嘅電子鋼琴已十分唔錯，我有幾個鋼琴高手朋友都話手感同音色已經可以達到真鋼琴水準，仲話可錄音同方便半夜戴耳筒練琴等等方便之處。不過大部份人始終覺得真鋼琴先至夠原汁原味。除咗租琴外其實可以考慮到二手琴店揀啱先至買部二手琴俾初學小朋友，起碼當小朋友唔再學琴時再賣回琴行都冇咁傷，到睇清楚小朋友喺鋼琴方面真係有好發展先至投資買靚琴都未遲。

Soundervolt

原帖由 hangyodon 於 15-09-02 發表
其實小朋友學得琴都成八百蚊-1一個月, 用返萬幾二萬買琴係屋企練都唔係好過份如果小朋友諗住到上到八級+家 ...

如果八百蚊一個月已相當廉宜。萬幾蚊一部鋼琴並不算貴，但老實講只可以屬於初階鋼琴，而且這級數嘅鋼琴並唔能夠用上三十年。如果將來小朋友高階時就需要換琴。