怎樣知道教琴老師是否有料 ?

BABY.QQ

原文章由 3b 於 07-5-16 13:31 發表
自己對鋼琴完全唔識, 想幫囝囝搵教琴老師, 怎樣知道老師是否有料 ? 可否要求佢出示証書 ?   

HELLO~其實你絕對可以要求老師出示任何證書，但本人覺得這是一個令各位家長心理上比較安心的事，但並不代表他係唔係一個可以教得好你小朋友的老師...因為我自己覺得你睇佢學生成績更為實際！我從來沒有學生媽咪要求睇我證書，或者可能我大部份學生都係家長一個介紹一個，仲有最重要係你小朋友同老師夾唔夾，做家長的你就自己跟緊少少，其實妳地一定可以感覺到老師O唔OK，一個老師好唔好有冇料，真係冇定律！就算比一個好有料的老師你，她有好多證書，但她經驗唔多，或者夾唔倒你小朋友，咁你又覺得會係點呢？其實老師有心去教好你小朋友經已OK，呢D你做家長係一定可以用時間去感受倒！！

BABY.QQ

原文章由 ming2 於 07-7-9 18:04 發表


mandyfung

你可以下次用另一個方式去問下琴行老板有關你宜家老師0既資料...例如你話,你有朋友都想黎跟你小朋友個老師學琴,不過對方想問一下老師0既資歷...等等,但你又唔多清楚,所以幫朋友問下,咁咪得lor ...

其實小朋友係一張白紙，佢地其實冇野係做唔倒，只不過要用咩方法去教導佢去做，手指曲起，指尖彈，係我一定要我學生做倒的事，另外拍子準確，學睇音就會係接住落黎的要求，唔可以話小朋友太細，佢大大下就會OK，或佢手指未夠力等種種理由去縱容，小朋友其實好聰明，只要老師教導後，做家長再加以耐性去陪伴他們，他們一定可以做到的！！仲有，我覺得做家長要多D去同老師溝通，因為你地係接觸小朋友最長時間的，不過有時我都明，去琴行學，都好難可以同老師傾多句，因為你地可能返工，跟本連接觸老師機會都冇！你地有咩疑問，可以隨時同我傾下，我解答倒你地，我都會盡我能力去解答你！！

BABY.QQ

我見倒都有位鋼琴MISS回應大家，我自己都係教琴，不過我私人教的，但我都有相同感覺，簡單D講…做家長真係可以跟下個小朋友上堂，其實有好多野就會知道，你地係大人，雖然你地可能呢方面認識唔多，但你地有一樣野一定可以知道，係個MISS有冇心機去教你小朋友，而你地亦可以憑以下事項可以知老師係點...
純粹個人意見...
1>重姿勢，坐姿、手指一定要曲起
2>教小朋友數音符，緊記係<數>，唔係死記
3>一定要小朋友數拍子
如果個MISS好堅持以上幾點的話，我覺得個老師唔會太差！
做家長亦要合作去幫助你的子女去做好，大家都有責任的，老師一星期只見你小朋友一日，但你地對住佢係七日，所以你地可以陪伴小朋友上堂或練琴，一定事半功倍！

BABY.QQ

原文章由 好姨 於 07-5-16 15:02 發表
我都想知
我今日係supermarket 搵果d
嚇親我
講廣東話未正...
有d學得8級又出黎教
問佢著重教乜手勢點
佢又話唔重要

我想搵何文田教琴老師

點解我回應的文章好似睇唔倒的？

BABY.QQ

原文章由 Ivy124 於 07-5-18 14:45 發表
我想請問...教我囝個琴行老師佢話自己去到演奏級...可以教到8級琴...如果私人教佢收同tom lee一樣價錢...即$520 -4 堂/30 mins...我諗算平啦...但點知佢係咪真係掂呀?

上堂最好一齊上，妳自己多多少少都有感受的！指法，拍子.，數音…呢D一定要嚴謹，你睇睇啦！