有沒有救世軍禾輋幼兒園的家長呀,大家傾下計

baldheadcat

見人地其它救世軍家長傾得咁高興,唔知有冇禾輋救世軍

kalailai

hihi
我須然而家唔係救世軍禾輋幼兒園的家長,但我都有唸過同囡囡報k1,
想問你讀完n1-n4,係咪等於讀完k1-k3呢??
依到既老師好嗎...

openleung

hi.hi~~~我係N1 二室嘅~~你好嗎~~~

baldheadcat

唉,晚晚都Hea到半夜三更先有時間上泥

kalailai,
係呀,讀完N4即係等於讀完k3,然后就可以報小學
你問我老師好唔好,我小朋友N1時跟羅老師同陳老師,我覺得佢地兩位老師都是十分有愛心,我個小朋友亦好喜歡親近佢地.
最重要的係,兩位老師好清楚知道小朋友的進展和學習的需要.
由於有好多時間都係我帶小朋友番學放學,自不然會和老師閒話幾句,問下小朋友係學校的情況...老師有無心,有無熱誠,係"握"唔到家長的.

當然,淨係聽我講係唔客觀,覺得唔好D家長都轉左校啦,又點會留低讀N2 ?

以下連結你可以參考下:

禾輋救世軍

有關救世軍

港台吳志森講點解揀救世軍

OpenLeung,

Hello 你好嗎?
我睇過vi vi 個 Blog, 你真係好有心機 ! 個Blog好靚好多相
我兩個小朋友個Blog就慘囉,十年都唔Update 一次,相都無張,等我的起心肝Update 一下遲D獻世

openleung

baldheadcat :

哈哈,多謝你的讚賞,其實我都唔係成日update,因為要返工,所以其實都好忙,你就好啦可以送小朋友返學,我只可以接佢放學咋,~~~我真羨慕全職媽媽~~~   

baldheadcat

Openlenung,

其實呢,我係個在職爸爸泥架
不過呢,因為輪班工作,所以成日都可以湊仔
你睇,都八點幾,翁正大少爺仲姿油淡定食早餐
一陣又趕頭趕命咁返學!

Wunstar

Hello baldheadcat,

Do u know Jat Min or 禾輋救世軍 is better?
Coz Jat Min 救世軍 is more near to my Mom's home.
While 禾輋救世軍 is more better comment.
It is very difficult to choose.
Hope u know it.
Many Thanks!

sunshine0613

我樂瑤同vivi一班架!
樂瑤今日傷风咳，我無俾佢返学，剛才看完医生帶佢返去睇其他小朋友"大肌肉"(10:35-10:55), Vivi 同樂瑤揮手say Hi！

baldheadcat

Dear Wunstar,

我都係人家長,我自然明白大家都想穩間最好的學校比小朋友
我只可以話,我個小朋友係禾輋救世軍讀得好開心,我自已的觀察亦覺得校內由校長到老師到嬏嬏都好有愛心,好錫小朋友, they care. 初為人父母,我們有管教子女問題想向校長請教,她多次和我們長時間傾談(每次都近一小時),亦以自己的親身經驗向我們解釋.我覺得校長係好有教學熱誠,有識見
一句到尾,我覺得禾輋救世軍係一間好適合我小朋友的好學校.

又舉個例子,前幾日放學, 小朋友同我講話食茶點時嬏嬏整D馬豆糕好好食, 仲好食過爸爸整個D..
我隨口同老師講笑,話正正話D馬豆糕仲好食爸爸整,真係咁犀利?
老師隨即請嬏嬏羅左舊糕出泥比我試食! 果然十分好味! 嬏嬏知道我平時都會煮下野比小朋友食,連忙問我有冇菜式可以介紹,等佢可以煮比學生食....

呢D咪叫做有心囉

扯遠左添

我真係唔知乙明救世軍係點,所以唔敢 / 唔可以 coomment.
不過學校的遠近係我選擇學校的重要因素之一
要個幾歲大的小朋友日日倒塔咁早撘車返學,然后放學又坐成個鍾車返泥,你話間學校好到識飛都係咁話!
當然啦,我自己的偏見,唔洗參考

openleung

樂瑤:
hi..hi~~    很開心可以在這裡見到vi vi 的同班同學,我真的很想認識班上的小朋友,因為適應期是爸爸來,我都沒有見過她的同學仔,希望下次有機會見吓面啦~~~
vi vi 上星期五都傷風沒有上學,而家都唔係好清~~~希望大家都快啲好番啦~~~~   

vi vi 竟然識同樂瑤say hi,哈哈,估唔到佢識喎~~~   

oliveoyl

好多謝baldheadcat開這個topic, 可以"撞"到vivi同樂瑤的媽媽。好開心！ 若果你們知道班中最曳最多喊的，那個就是我的女兒。
適應期的第一個星期，我有參與星期一、二、五。vivi上堂好淡定，我記的vivi的爸爸，在茶點時他還對我女兒說話哩:。反而我猜想不到樂瑤是那一個。
我的曳豆還未適應學校生活，第二個星期簡直是惡夢(大家)，時常都話唔返學！扭計多了，令我好頭痛。不過今個星期她的情緒好似好了些。
你們的小朋友一定已經返全日了，是嗎？ 我個還未挑戰午睡哩。   

baldheadcat

oliveoyl,

唔駛客氣,翁正上N1時都係曳到飛街, 試過唔肯換衫番學要著睡衣番學(到學校見到羅老師至肯換),上左三個幾月至慢慢適應學校生活,大家努力吧!

sunshine0613

oliveoyl,
成個男子头果個咪樂瑤囉！
班中有2個女仔style好似(起初幾日老師&其他家長都攪錯洰佢地2個)，女仔的d果個係琳琳，粗線條d果個係我樂瑤豬。

openleung

oliveoyl:

hi hi 你係唔係就係豆豆的媽咪呀,vi vi 上網睇相成日都有提到豆豆同詩詠呀(但vi vi 就指唔出邊個係樂瑤,只是不停說樂瑤呀,樂瑤囉)

慢慢來吧,初初係噤啦,只要你堅持,便會ok啦,好快就可以午睡啦~~~      )

Wunstar

Baldheadcat,

Thanks for your detailed analysis!!

pennyma

樂瑤媽,我係祉澄媽,祉澄很不習慣學校,常常哭,叫唔返學,係學校食飯食很少,唔肯訓,我都唔知帶唔帶佢返學好?有沒有有經驗的媽媽可指導一下?

sunshine0613

祉澄媽,
有無同校長溝通下取意見？應該有幫助。
樂瑤由第8日起每日返学都有哭(一陣)，亦有說"樂瑤鈡意屋企"(very surprised 佢会講)，及說"唔返学"，但我堅持要佢返，校長教我同佢講: 樂瑤掛住媽媽，媽媽都好掛住樂瑤；下午睡醒食完茶點媽媽就会接樂瑤放学。" 及多d抱抱攬攬佢。
我每日接放学都会攬攬佢，然后叫佢攬攬老師同老師拜拜才走，希望幫佢同老師建立close feeling relationship.

食方面要慢慢來，樂瑤向來食嘢都好難攪/教，又慢，佢肯定食唔飽(因

pennyma

樂瑤媽,
我有打電話俾李老師了解,老師話佢係可以控制,唔會哭到訓地,叫我要繼續俾佢返學,但看到他在家的反常表現,如常常要我抱,我返工便不斷叫要找我,半夜訓覺大叫唔返學,唔去李老師道,又經常發脾氣,我都唔知點做好

openleung

祉澄媽:
唔好話你嗰個吖,我個vi vi 雖然佢好鍾意返學,又話好開心,返到學校好似無咩嘢噤,但一放學咪就又要我成日抱又發脾氣,(到而家日日都係噤)晚晚要我陪住訓(以前唔會),但我會抱吓佢等佢有多啲安全感,但仍堅持唔陪佢訓,話俾佢知要自己訓,大個女喇,呢排都可以自己訓番。

我想家長的堅持係好重要,要佢知道返學係佢嘅責任,而且你可以同佢一齊上網睇吓日誌,一齊講吓返學好開心好多嘢玩呀
,做父母有時都要立定心腸,過一排就會好好多,加油呀~~~   

sunshine0613

祉澄媽, vi vi 媽,

樂瑤都係咁:
* 話返學好開心, 但返學会哭及扭計話唔学，鈡意屋企;
* 成日要我抱;
* 經常發開口夢包括大叫(返学前都会，但返学后多了，一晚多次)
* 成日發脾氣/扭計

However, we need to insist : "要立定心腸,過一排就會好好多,加油呀" !