已付報名費，但冇得interview?!

sese

想請教大家，會唔會出現呢個可能性？已經經agent交了報名費，但過了面試日期，冇收到任何通知有關interview? 即是錢照袋，但冇得in？

謝謝。

bbeasy25

你問佐agent未?

3b

sese 發表於 20-10-9 17:47
想請教大家，會唔會出現呢個可能性？已經經agent交了報名費，但過了面試日期，冇收到任何通知有關interview ...

邊間學校／agent要收報名費才可以面試? 一般是面試完， 學校認為適合才叫家長交registration fee準備考入學試

beastiebistro

回覆 sese 的帖子

點解你要靠晒agent？佢真係唔記得幫你追你又可以點？

其實最實際係自己email或者打電話比學校問清楚。如果個agent有幫你報，實有你小朋友名嘅file，咁你咪知究竟係無報，定係唔合格，定係未到你interview囉。

個小朋友係你嘅，其實個agent真係無必要同你認真跟，入唔到佢完全無損失（最多佢公司賺少單commission，而家咁嘅事勢，佢可能都唔憂做），損失嘅係你個小朋友。

emmaek

sese 發表於 20-10-9 17:47
想請教大家，會唔會出現呢個可能性？已經經agent交了報名費，但過了面試日期，冇收到任何通知有關interview ...

係咪B agent？

trendy007

sese 發表於 20-10-9 17:47
想請教大家，會唔會出現呢個可能性？已經經agent交了報名費，但過了面試日期，冇收到任何通知有關interview ...

會架，特別是一些一綫的學校，太多人報名，未必個個都有得in.

mousegirl

我報嗰幾間都睇過school report或UKiset result之後先叫我俾報名費

mousegirl

呢幾間都有安排考入學試，至於有無得interview要睇入學試考成點

mousegirl

你考咗入學試未？

sese

mousegirl 發表於 20-10-9 19:45
我報嗰幾間都睇過school report或UKiset result之後先叫我俾報名費

已經睇過School report同已考Ukiset，之後交咗application fee。

mousegirl

咁有無考入學試？
我agent講明某些學校要paper達標先有interview

beastiebistro

我都係嗰句，點解你仲係要等你agent呢？自己直接打電話去學校問啦？經agent報唔代表你唔可以自己去問㗎喎，結果係你小朋友讀吖嘛...

mousegirl

beastiebistro 發表於 20-10-9 20:24
我都係嗰句，點解你仲係要等你agent呢？自己直接打電話去學校問啦？經agent報唔代表你唔可以自己去問㗎喎， ...

同意

emmaek

sese 發表於 20-10-9 20:10
已經睇過School report同已考Ukiset，之後交咗application fee。

本帖最後由 emmaek 於 20-10-9 22:08 編輯

Agent睇定學校睇？我自己有兩個經驗可以分享下：

第一個係A agent 嘅top school event, 另一個係B agent嘅搵笨經驗。

A agent嘅event參與學校都係排名相對高，agent會先要學生考試，分數夠高先畀學生參加。agent會將合資格學生資料同成績畀學校，學校有興趣就會安排先面試，過咗關再正式叫你畀錢交申請表同安排考試。過程比較客觀，係睇成績去揀學生，亦可以幫家長慳錢。感覺整體唔錯。

我搵咗A agent報咗啲排名高嘅學校，但都想搵啲排名低少少嘅做backup。我原先已經睇定咗一間，諗住自己申請就算，但咁啱見到B agent又話有得登記可以安排同學校面試，我就問咗個agent，佢哋嘅形式係咪同A agent一樣，學校見咗，啱先畀錢報名？佢話「係」。咁我就將小朋友資料、學校同UKiset成績佢安排。

但之後一路都冇收到B agent 嘅 time slot ，咁就再追佢。個agent就改口話要我畀錢報名先可以安排到。咁我就報啦，反正我點都諗住報，都唔爭在。

到差唔多到佢哋話面試嘅日子，都未收到update，再追佢問，佢就話原來面試位只得單位數，所以安排唔到咁多學生面試。我心諗，你得嗰幾個面試名額咁大把，就唔好咁大肆宣傳，又要人哋畀晒錢報名先。我唔知佢呢幾個學生係點揀出來，睇成績？定睇有冇報佢雞精班？

事實上，我自己聯絡返學校，佢哋根本就唔係用呢個面試來篩選學生，冇得面試嘅一樣可以繼續申請同考試。個agent之後話其實冇獲安排面試，照樣可以搵佢哋繼續報名。

老實講，你啲安排同跟進學生方面咁差，我使鬼搵你幫手？整個過程，我覺得佢哋係想催學生報名交表，將自己公司個名放係agent 嗰欄等日後有機會收commission ,多過係從學生同家長角度出發，整體感覺非常之差。

所以，我覺得你應該先搞清楚，究竟係學校覺得你唔啱所以唔揀你面試，定只係agent自己冇安排。

wwtsy

sese 發表於 20-10-9 17:47
想請教大家，會唔會出現呢個可能性？已經經agent交了報名費，但過了面試日期，冇收到任何通知有關interview ...

有啊，等咗好耐，催了幾次，完全沒有回音。最後，我自己寫E-mail 備校長攞番200鎊

TTEE1819

emmaek 發表於 20-10-9 21:58
本帖最後由 emmaek 於 20-10-9 22:09 編輯

本帖最後由 emmaek 於 20-10-9 22:08 編輯

謝謝你的分享，好詳細。我唔需要再用agent幫手搵學校，但相信會讓新的家長明白agent有好與差。

Btw, 搵學校，家長自己要做多點資料搜集，唔好靠哂agent，自己孩子的升學自己出力。

Yeahp

sese 發表於 20-10-9 17:47
想請教大家，會唔會出現呢個可能性？已經經agent交了報名費，但過了面試日期，冇收到任何通知有關interview ...

1. 學校報名費應該係自己直接online registered 後交的，不應經agent ?
2. 學校一般唔會set 死overseas applications的interview 日期，用zoom, Skype 都要同學生, 或through agent 夾時間的呀.
3.我之前報Lancing College year 9, 真係學校睇完school reports,通知agent 話可去報，我就online registered and paid, 兩日後學校話只有waiting list ! 當時好唔高興，唔係咁大間學校明知冇位都騙你£200...
一個多月後，學校又話可以開始interview 了。
所以如果學校同意你報名，應該係最終會有安排的。

LWTLI

其實好似其他家長係其他post分享過，agent好睇跟你個case果位consultant 夠唔夠細心，同邊間agent冇乜太大關係。我係用英識，我女亦已今年去讀Y8, 最初嘅顧問非常好，俾我好多選校嘅意見，可惜後來離職，接手嘅顧問冇咁好，但都稱職，係有時要追下，不過有問必答，同埋後期亦冇太多需要佢跟進嘅問題。老闆Samuel 係有心嘅，半夜WhatsApp 佢都會覆，不過可能呢年新人多學生多，部分人服務可能未如理想。我女有考UKiset,我亦覺得有用所以唔使sell我，佢哋亦冇sell我UKiset補習。總括我對佢哋嘅服務係滿意嘅，反而我覺得要由AA經佢哋嘅assessment 去「批准」我可唔可以報名邊間學校（唔係由學校批准）我就唔係咁鍾意。

Yeahp

LWTLI 發表於 20-10-10 10:44
其實好似其他家長係其他post分享過，agent好睇跟你個case果位consultant 夠唔夠細心，同邊間agent冇乜太大 ...

同意，邊個consultant 跟係好有大分別。
但如果公司的政策，有壓力比consultant 去sell 課程，去跑數，去sell commission 高嘅學校，去跟太多嘅學生，咁就算本身consultant 有幾好幾勤力幾上心，最後都可能力有不逮。。
at the end, agency 都係生意，真係真心只係為學生好？
我在B agent 的經驗好差，冇心冇睇學生資料冇跟冇覆。。。最積極係sell 課程& ukiset mock test ..
AA 就正路些，從來電話不能溝通但email 都會一日後覆，不能全部倚靠佢但算有幫到手。
有個好好的家長beastiebistro 講得好好，靠自己唔好全靠agent , registered 後同學校溝通都好方便。

emmaek

Yeahp 發表於 20-10-10 11:23
本帖最後由 Yeahp 於 20-10-10 11:25 編輯

同意，邊個consultant 跟係好有大分別。

搵agent幫手可以方便啲同慳返啲監考費，但真係唔好信晒佢哋嘅意見同資料，家長真係要自己做功課。

其實我接觸過幾個B嘅 consultant，可惜全部經驗都唔好，有一個仲亂噏話我想報嗰間學校已經收夠學生冇位，介紹其他畀我。因為我自己都心儀呢間，有同學校接觸，問返佢哋話根本冇咁嘅事，由嗰一刻開始我已決定免得過都唔會搵B。

A agent唔好處係冇得同consultant 真人對話，亦唔會有詳細比較同分析你參考，呢方面其他細agent畀到嘅資料仲多。但我要求都唔高，只係希望有交帶，唔好收咗我份報名表就消失於人間。

其實今年間間agent都多人搵佢哋報名，你做唔晒做、做唔好就咪收咁多人登記，否則盞做臭自己個名。