【短片】補習天王扮IS斬頭玩出禍 英皇教育遭鬧爆

elbar

【短片】英皇補習天王扮IS斬人質　玩大了

■英皇教育CEO甄敬堂（前左）扮人質被Wilson Liu（後左）脅持，仲影相放上fb。

英國匯豐銀行近日有6個員工貪得意拍片，模仿「伊斯蘭國」（Islamic State，IS）聖戰分子斬殺人質，佢哋被炒魷之餘，仲累到匯豐要公開道歉。點知話口未完，呢頭香港嘅英皇教育行政總裁（CEO）甄敬堂（Thomas）竟然有樣學樣，喺參加內地青海籌款之旅時，同同事拍低同類相片。網民鬧爆佢哋非常唔尊重俾恐怖分子殺害嘅死者，好心佢哋為人師表就以身作則啦。



■英國匯豐銀行啱啱先炒咗6個拍片模仿IS斬殺人質嘅員工。

去青海步行籌款出事

今次青海籌款之旅係一次徒步籌款活動，仲標榜係「非一般的共融之旅」。行程由本月4日至12日，噚日係第4日，甄敬堂率領旗下多位補習「天王」及「天后」，由循化步行到西寧。當佢哋行經黃河時，就模仿IS處決人質拍照，仲上載到facebook及Instagram，寫明：「在黃河遇上IS。」仲加上3個笑臉emoji。

只見4個戴太陽帽同「黑超」嘅疑似IS劊子手，分別扮手勢攞住利刀同手槍，對住3個人質嘅條頸同後腦。有網民就認出其中一個人質係甄敬堂，而劊子手就包括「數學天王」Wilson Liu。之後張相被刪除咗，但唔知今次事件有冇人要「人頭落地」呢？八方就事件問過英皇教育，佢哋至截稿前都未有回覆。

識睇睇留言

Hoey Tse：誤人子弟，攞啲咁凝重嘅事嚟玩，戇x。
民陳：呢啲所謂教育機構，其實是學店，在受害者家人的傷口撒鹽。
Perry Leung：為人師表，玩都唔好玩啲咁嘅嘢啦！
Reiji Akiyama：佢地確實係劊子手，係香港教育制度嘅劊子手。
Pauline Chan：太過份……呢啲嘢都好玩。
Wong Cloud：其實為人師表玩呢啲，真係講唔過去……英皇唔回應，係咪連解釋都費事？


李八方

sonkhl

回覆 elbar 的帖子

Artie

好玩唔玩，低B。

sukitelfold

有！但生滿草！