家長自己訓練小朋友？

Lingyau1221

有沒有家長看了書和聽一些講座便能自己訓練自己小朋友不用付貴學費做「個別訓練」？

gbmama

我都想知... 而家冇咩方向教佢.  

又未排到任何訓練, 咩都要等幾個月....

kiki217

好難，因為妳唔係專業，我都覺得貴，有d家長上密集仲貴，所以我而家幫囡囡上個別訓練，每星期上兩堂，如果妳自己可以教，我覺得可以上一堂，而且老師會教工人姐經做家居訓練，我地叫工人姐姐每人都做家居訓練，囡囡有明顯進步。

Lingyau1221

原帖由 kiki217 於 15-06-23 發表
好難，因為妳唔係專業，我都覺得貴，有d家長上密集仲貴，所以我而家幫囡囡上個別訓練，每星期上兩堂，如果 ...

妳工人咁好？我冇諗過工人可以學訓練⋯以為一定要家長出席

Lingyau1221

原帖由 Lingyau1221 於 15-06-23 發表
妳工人咁好？我冇諗過工人可以學訓練⋯以為一定要家長出席

密集又可以工人代家長？

vincelo29

原帖由 Lingyau1221 於 15-06-22 發表
有沒有家長看了書和聽一些講座便能自己訓練自己小朋友不用付貴學費做「個別訓練」？



  ...

其實私人治療會有技巧教家長，回家咪嘗試運用，希望子女快有進步

kiki217

回覆 Lingyau1221 的帖子

我囡囡無上密集只係上單對單，如上埋密集真係好貴，因工人姐姐都好錫囡囡，我地叫姐姐學，每人都要佢囡囡練習，老師都好有耐性教工人姐姐。

daibolam

我都想知。。 買協康會啲書。 (圖書館都有得借) 上左幾堂個別。 但都唔係好識點訓練

kiki217

回覆 daibolam 的帖子

我老師有放低d教材俾工人姐姐，然後再教工人姐姐點做，我覺得囡囡要多d時間先可以做到一個練習，而家老師教佢剪紙，剪泥膠，估唔到佢可以握較剪。😊😊😊

Lingyau1221

原帖由 daibolam 於 15-06-24 發表
我都想知。。 買協康會啲書。 (圖書館都有得借) 上左幾堂個別。 但都唔係好識點訓練



  ...

I think so...dont know do what first and if he reject to do dont know what to do...

Lingyau1221

原帖由 kiki217 於 15-06-24 發表
回覆 Lingyau1221 的帖子

我囡囡無上密集只係上單對單，如上埋密集真係好貴，因工人姐姐都好錫囡囡，我地 ...

唔係入小組最好，可以有多D社交？密集有D只番2-4日非牟利機構平D唔試？

kiki217

回覆 Lingyau1221 的帖子

非牟利個d要等好耐，加上我係私人做評估，政府都非做評估，我老公話無所謂只要囡囡有進步就可以，不過我地眼見佢明白好多野，而且係公園都有走向其他小朋友到玩，不過表達弱的。

王王爸爸

推介LP, 有人話宗教色彩強,
I think it is a good start to learn to train A child!

Lingyau1221

原帖由 王王爸爸 於 15-06-25 發表
推介LP, 有人話宗教色彩強,
I think it is a good start to learn to train A child!

What is LP?

王王爸爸

努X試,

u can search "LP HK" by google, it will appear as 4th-5th result

Lingyau1221

Little people of HK?

Lingyau1221

原帖由 王王爸爸 於 15-06-25 發表
努X試,

u can search "LP HK" by google, it will appear as 4th-5th result

Yes 努力試創辦人係教徒

王王爸爸

Yes, 9月有日間課程, 也可到圖書館借衝破障礙書來看下先!

上堂時感受最深是連孩子的公公婆婆和其他敎會義工(因教會有A仔)都來學!

家長才是孩子最有效的治療師!

monkeidance

我有去聽LP他們的講座，7/7都會有一場，家長可留意。
個人覺得LP的在家訓練適合年紀較小，而能力相對弱的小朋友~ 若果是高功能又年紀稍長的(如小三以上)便可能有難度。不過我認同他們的理念，"家長才是孩子最好的教練/導師"。

其實首要是了解下你個仔對咩最有興趣，用嗰啲吸引佢同你溝通先，有良好關係才可以做訓練(或其實我覺得係一齊玩)~ 如果能力低(未好會講野)，可以先慢慢玩下啲high five,拍手~ 做啲小朋友都做得到ge野先~

同埋"耐性", 呢樣係重點, 你無耐性就真係無法做到在家訓練~ 我記得第一次做義工時, 三個鐘內, 我每隔兩分鐘就答個仔同一個答案...佢會問四至六款問題, 不過我要答的都係一樣"一點落堂先可以"...呢個行為應該有大半年之久...而家三年多後, 佢大個左啲, 就少問左好多(可能一次活動三小時內問十次)~ 我明白家長係好難好抽離同客觀咁用耐性對自己ge小朋友, 所以盡力~

耐性以外加埋"堅持", 啲仔一般能看到進步係三個月以後, 仲可能唔係好明顯, 要好細心先留意到~ 除非你日日同佢做好密集的訓練, 但講真, 係企做到你又攰佢又悶, 不如抽時間同佢玩下, 傾下好過...

我同啲大仔(高小)就會玩住桌遊, 傾心事, 而請各位大人搵番啲童心出黎, 真心認為個遊戲係好玩, 阿仔玩得開心, 佢自然會多野講, 不過呢個case係主流讀緊, 能力中上的A仔~ 家長話佢靜, 所以我主要目標係要佢開口同主動同我分享~

利申: 我不是家長, 也沒有A仔親人, 只是義工或工作會同佢地一齊玩的一粒"小原子"(薯仔都太大啦), 所以以上純個人分享~ 不是專業的~ ^^!

家長您們才是專家, 因為您們實戰時數一定多過啲治療師(特別剛畢業的), 所以加油, 俾啲自信~

CKMUMMY

原帖由 Lingyau1221 於 15-06-22 發表
有沒有家長看了書和聽一些講座便能自己訓練自己小朋友不用付貴學費做「個別訓練」？



  ...

我有