請教: 讀寫障礙小孩應該要點教?

brother4

先看特殊教育有講，再找學校幫手，如有支援小組最好。

Yanamami

学校有d问題，話明学障，用“逼”佢温多d有用嗎？

kayi0556

回覆 Yanamami 的帖子

我都係咁話， 讀寫障礙唔係要減量架咩？ 重迫？

MrBeast

cp report 有suggest 調適嗎？ 其實重複操練亦是一個可行的方法，當然有合適方法就事半功倍， 最好都是去協康或基督教服務處這類機構查詢一下課程（大人和細路）

happy_lavender

可參考呢個帖。
http://www.edu-kingdom.com/forum ... page%3D1&page=3

anixon

已經評估係輕微讀障，學校重迫你同佢多溫習
你去上吓堂, 學一d協助佢嘅技巧好過，否則孩子心理成長會有影響~

irenelwl

我女小三先CONFIRM係讀障, 除左數學OK, 語文科都係差。老師一直沒有察覺他是讀障, 最後都係我自己帶佢出去評估先知, 因為雖然佢成績差, 但學校表現唔太差。鐘意番學, 唔會欠交功課, 上堂都會主動回答問題, 但在家會依賴話唔識, 成日想人教。
學校係叫你迫個小孩多D溫習, 還是迫你多D陪佢溫習?
我覺得佢地自己一個讀書好辛苦, 吸收文字比較差, 無 人伴讀事倍功半。記字方面要盡量幫佢拆字記, 無論中英都要,。有 些社區中心有課程比讀障的小朋友, 我女剛上緊個默字課程, 佢同我講好開心, 我知導師會用遊戲方式教同可以存分換禮物。D類中心都有家長上的講座, 如果你未聽過建議你去聽, 另外小童群益會都有。同埋你問下你女間學校會否係新學期安排讀寫課程比你女, 如果無, 你最好去小童群益會申請定, D類課程無論學校同中心多數係開學時一併開始。
你要記住佢地讀書係比我地吃力, 但佢地唔想的, 所以鼓勵係好重要, 我明教極唔識個種痛苦係幾苦, 我都典左3年, 而家知佢係天生的, 都無奈要接受, 同繼續幫佢, 但記住唔係迫佢, 一齊努力啦~

38692005

回覆 irenelwl 的帖子

我都想同亞囡到出面評估是否讀寫障礙, 可否告知你亞囡去邊間做呢.

irenelwl

回覆 38692005 的帖子

PM 你

haihaimom

專注力不足，發呆佢都唔想，佢哋控制唔到，家長要不時提佢要專注功課。會唔會係學校功課太多，又或者佢覺得難，抗拒做功課？噤唔係辦法，有沒有跟學生社工商量功課調適？

wwsugar

1. 首先，要分清楚是咩問題，專注力不足？定係認字上的問題？串字？optilexic? 視力上色差反應過度的問題？追視力不足？
2. 外國已有不少網上教材，可以訓練並幫助讀寫障礙小朋友，如家長英文不錯，可以去找找，很容易找到。每日做十幾分鐘練習，三四個月就可以大大改善。
3. 中文方面，用拆字法，也開始有地方開班。
4. 讀寫困難和智力無關，是大腦運作模式的問題，可以用訓練來克服。很多讀寫困難的孩子是非常叻，視覺空間感太強，所以才會平衡不到二維的讀寫。

evacalbee

原帖由 wwsugar 於 15-03-25 發表
本帖最後由 wwsugar 於 15-3-25 09:22 編輯

1. 首先，要分清楚是咩問題，專注力不足？定係認字上的問題 ...

「視覺空間感太強，所以才會平衡不到二維的讀寫」，好專業！亦道出我心中的疑惑，有無多d資料？我小朋友都見過心理醫生但佢無提及呢點。拆字我自己都有咁教佢，但覺得總係差少少，我個方法應可以再好d。中文拆字係公營定私營機構?

wwsugar

回覆 evacalbee 的帖子

過獎，我不專業，只係為了小朋友看過些資料。讀寫困難其實包含了很多方面，只是一個統稱，所以家長要小心觀察孩子幫他們分析。拆字班我知青田教育基金有，btw他們的高效識字法書本是很好的教材。
英文方面可以看看easy read 的網頁，有很多資料。

evacalbee

原帖由 wwsugar 於 15-03-26 發表
回覆 evacalbee 的帖子

過獎，我不專業，只係為了小朋友看過些資料。讀寫困難其實包含了很多方面，只是一 ...

謝謝你，一般讀寫弱有太多原因，而女兒正是visual强的一人。有你呢句我明白多了，亦能從這方向去找，感謝！