小學升中，跟小學校網，灣仔區/東區 中學較好？

meloeskie2

想請教灣仔區中學 / 東區中學， 邊區比較好？較多選擇？機會較高？

好多朋友都話灣仔區好d，我有少少唔係好明，如果男仔，如band 1生，灣仔區有QC, 聖公會鄧肇堅，華仁，(鄧肇堅維多利band 2A？我不知道，有錯請提點)，但QC有聯繫小學，如果唔係讀軒小，入到QC機會又再少咗d，華仁又有小學... 如果是男仔band 2中至尾生，是否只有鄧鏡波、黃鳳翎可揀？

東區，男仔band 1頭生可揀聖馬可、筲官、中國婦女會、張祝山，band 1尾可揀民生、中華基金、金文泰
這不是東區入到band 1中學既機會大d嗎？
東區的band 2學校是否不及灣仔區的band 2學校呢？

(今年我要幫小朋友揀小學，所以想plan 吓揀灣仔區/東區小學。我唔知佢將會係band 幾生，如果是band 1生，當然邊區都冇所謂啦，我唸緊如果他只是band2頭/中，咁揀灣仔區/東區會較好呢？雖然可以轉網，但升band跌band風險好難估計)

請提點，唔該哂！

Obiepapa

Wan chai is a lot better in my view

cccbaby

Marymount 中學是否灣仔區？

cmir

yes as far as i know

meloeskie2

原帖由 Obiepapa 於 13-11-20 發表
Wan chai is a lot better in my view

can you tell me the reason?  because my friend also said wan chair is better, but I don't understand

sumchanma

我娘家住灣仔區，現在自己住東區。我都有同你一樣問題，我一路聽灣仔區好些，但住落東區再研究，覺得東區band 1選擇唔少，band2仲好過灣仔區，因為灣仔區一跌出band 1就好差，不過我諗灣仔區出名學校多，東區名校好似名氣冇咁大，所以有咁的錯覺，而且灣仔區band 1學校好多全男或全女，呢個都會影響我的選擇！

hha

湾仔區學校出名之餘有中學直升，東區就冇乜咁top又有中學

meloeskie2

sumchanma 發表於 13-11-20 22:55
我娘家住灣仔區，現在自己住東區。我都有同你一樣問題，我一路聽灣仔區好些，但住落東區再研究，覺得東區ba ...

係呀，所以我先唔係好明白
但我都覺得東區band 1中學唔錯，婦女會、張祝珊、聖馬可...

meloeskie2

hha 發表於 13-11-21 04:05
湾仔區學校出名之餘有中學直升，東區就冇乜咁top又有中學

我唸緊如果個仔入唔到灣仔區有直升/聯繫中學既小學(如軒小、華仁、St Jo)，咁升中時如果佢只係band 2生，是否揀東區小學好d呢？