大家相信緣份嗎？我信：我仔同協幼無緣份。

castle100

我報咗8間幼稚園：德貞，崇真，宣美，基真，㓎信會，協和，白田崇真，和未in的(又一村幼稚園)其中宣美後備，崇真等緊信因24號in，其他都收咗，我仔活潑開朗主動，但in協和果曰唔舒服但又冇得改期，我仔平時病都會同人傾計，但in協和好似啞咗咁，但同日下午in浸信會又似開龍雀喎當然收咗我仔啦，雖然我鐘意協和但同佢冇緣份，最後揀咗德貞。

alicelki

如果佢唔舒服, 我寧願唔 in, 因為唔想家長一廂情願的抱負, 變成小朋友的壓力.

其實我11月2日早上 8:45見一間, 9:00去排聖羅撒, 10:30去要in 第二間, 下午兩點半去in 第三間.
早一日見到阿流鼻水, 都問老公同唔同佢去 in 好, 但第二朝見到扭計起身玩, 一齊去食早餐時又好開心, 就帶佢去 in 第一間, 再去聖羅撒排隊拎表, 拎完表, 準備去見第二間時見阿仔啲鼻涕吊吊 fing, 就忍痛唔去見第二間, 其實第二間係我最心儀的學校, 如果尼間收, 我會轉做全職媽媽湊仔... 但因為見到佢病, 真係唔想比壓力小朋友, 唯有唔 in, 帶左佢去睇醫生, 上左的士去睇醫生的同時, 我帶電話去心儀學校同老師講我地去唔到面試, 老師都好出奇咁問點解黎唔到, 我只好失望咁答佢我兒子病了, 老師都好關心咁問候了幾句, 由此可見該校的老師係幾咁有愛心同關心小朋友, 是我兒子同尼間學校無緣.

睇完醫生食完藥, 我就比我個仔睏覺, 睇下2點阿仔願唔願意醒, 如果佢唔願去, 我都會取消埋第三間, 點知阿仔只係扭計一陣, 見我同我老公換左衫知道可以出街玩, 佢唔再扭, 去到第三間幼稚園表現好好, 昨天(星期二)仲收到第三間的 AM offer.

其實打完電話去第二間取消面試後, 我都已經無再諗唔去第二間有幾慘, 我只係關心我仔仔幾時好返. 點知11月4日我老公收到第二間要in 的學校電話, 話可以另外安排面試比我個仔, 我聽到真係開心到喊左出黎. 我一定會去見, 因為我從未聽過如此好的學校, 我知阿仔真係考到入去, 佢O既 幼稚園生活一定好開心, 有童年.

xoshan1025

原帖由 alicelki 於 13-11-07 發表
本帖最後由 alicelki 於 13-11-7 01:24 編輯

如果佢唔舒服, 我寧願唔 in, 因為唔想家長一廂情願的抱負,  ...

難得！！

alicelki

原帖由 xoshan1025 於 13-11-07 發表
難得！！

係呀！真係好難得學校會另外安排時間。我都係第一次遇到。

cherrybeepbeep

信, 一路都相信呢個係緣份遊戲, 亞囡上星期in兩間, 第一間出門口時嘔, 嘔到我成身都係, 唯有回家, 比佢休息, 比我沖身, 到中午, 佢訓完精神好咗, 我問佢去唔去學校玩一陣, 佢話好, 面試時仲有唱歌, 面完後又無力, 返去訓教, 所以呢個遊戲佢己經表現好好, 平常心面對

minirat

我信
所以遇到面試時間不理想，同其他重要約會撞時間，等
我就不會勉強，或唸計去面試
學校同人與人之間一樣，都好講緣份
我相信上天自有安排
雖然我無宗教

yuensammi

原帖由 alicelki 於 13-11-07 發表
係呀！真係好難得學校會另外安排時間。我都係第一次遇到。

好感動， 仔仔同媽媽都加油

lammay1210

Alice:我想問你第二間有愛心既幼稚園係邊間呀???

lammay1210

回復 alicelki 的帖子

我想問你第二間係遞間...我想知邊間學校咁有愛心。

castle100

回復 alicelki 的帖子

我就冇你咁好釆：因in協幼果日老師就喺見我仔喺咁流鼻涕又燒，所以安排我們快Din

castle100

回復 minirat 的帖子

德貞都寄信來話如果病的話可以改期，我見咁多間冇一間會咁寄信來話可以改期in所以好感動，昨天去交$感受到老師好有愛心，高班D學生個個痴埋校長度

annayu

原帖由 alicelki 於 13-11-07 發表
本帖最後由 alicelki 於 13-11-7 01:24 編輯

如果佢唔舒服, 我寧願唔 in, 因為唔想家長一廂情願的抱負,  ...

如小朋友病，我都吾會去interview。
Btw, 第二間學校好好，係咩名呀！

minirat

castle100 發表於 13-11-7 13:37
回復 minirat 的帖子

德貞都寄信來話如果病的話可以改期，我見咁多間冇一間會咁寄信來話可以改期in所以好 ...

學校好有誠意！
小小動作已經睇得出學校有愛心的風格

alicelki

原帖由 cherrybeepbeep 於 13-11-07 發表
信, 一路都相信呢個係緣份遊戲, 亞囡上星期in兩間, 第一間出門口時嘔, 嘔到我成身都係, 唯有回家, 比佢休息 ...

對，所以真係唔可以怪家長係咪都報，事關真係要撞下小朋友係咩狀態。

alicelki

原帖由 alicelki 於 13-11-07 發表
對，所以真係唔可以怪家長係咪都報，事關真係要撞下小朋友係咩狀態。



  ...

我暫時唔講住，等我in完再同大家分享，唔想節外生支

dokanty

其實都係隨緣啦, 就算你果日個仔無病, 都未必100%一定收,
而且咁樣都會比到壓力小朋友, 令佢覺得點解自己要病呀... 怪自己..
其實佢表現好, 已經好叻仔, 面試都睇好多方面,
除左臨場表現, 都會考慮埋出生月份, 家長背景, 禮貌, 等等.....
所以唯有隨遇而安啦, 德貞都係一間好學校呀, 你個仔咁叻,
佢一定會讀得叻又開心架 !

唔好咁唔開心啦 ~

alicelki

lammay1210 發表於 13-11-7 10:40
Alice:我想問你第二間有愛心既幼稚園係邊間呀???

第二間係跑馬地寶血

alicelki

annayu 發表於 13-11-7 13:58
如小朋友病，我都吾會去interview。
Btw, 第二間學校好好，係咩名呀！

第二間係跑馬地寶血

alicelki

castle100 發表於 13-11-7 11:00
回復 alicelki 的帖子

我就冇你咁好釆：因in協幼果日老師就喺見我仔喺咁流鼻涕又燒，所以安排我們快Din ...

心情好啲未? 咁又一村 in 成點? 仲有無其他 offer?平常心就得架喇, 相信你已經安排最好給你的小朋友, 其他因素就由上天安排, 讀唔到O既未必係最適合你小朋友, 在有offer的中再選吧!
或者我地兩個 O既 小朋友有機會做同學仔. 因為我同你所選 O既 幼稚園都幾接近.

alicelki

第二間係跑馬地寶血

因為老師主動打電話來叫我地去 in, 為表誠意, 我同我老公都請假去.

入到面試房, 四個老師係四隻角, 小朋友坐係中間的膠地毯上玩積木.

到我同我個仔, 面試老師都有關心小朋友病好未, 咩病之類, 真係好感動. 而且全程都好有耐性, 我個仔見到玩具就失控 (好似前世同今世都未見過玩具咁) 又去掃跌人地玩 O既 積木, 仲要衰到去踢人地玩緊 O既, 又唔肯埋位 interview, 倒亂後仲要對住人地面前大笑. 果一刻我都唔知點好, 叫佢又唔聽...

老師用另一個玩具引佢, 佢一見個玩具就跑埋黎, 老師叫佢乖乖地坐底, 佢都立即做. (老師真係有方法)
咁開始 interview 阿仔都有比其他小朋友吸引住, 但每次老師都有方法叫返佢返黎. 仲好有耐性咁問佢問題, 我個仔都有答老師問題, 咁到老師問我問題時, 阿仔因為悶, 又走左去倒亂...

老師第一句都唔係問野, 只係話比我聽阿仔點解鐘意倒亂, 佢話因為我個仔想同其他小朋友玩, 所以先做出掃跌人啲野 或者去踢人地啲野去引人注意, 之後大笑係表示友好, 解釋完比我聽之後就關心下我個仔病成點, 好返未, 又話依家天氣開始變, 要留意下小朋友體溫之類, 佢話小朋友仲細, 未係咁識表達自己, 加上我果個係男仔, 表達會稍遲... 再之後先問我問題...

老師真係好好... 好細心, 愛心同耐性, 連家長都體貼到, 超感動.