其實小朋友面試唔會攰架

FerreDeng

前排就頻頻報名13年K1，乜都報；依家就個個星期六面試。到e家in左四間，有兩間收左，兩間等通知。11月3號顛到要in六間，朝八晚四，好似返工梗。我驚仔仔頂唔順。
不過，今日仔仔問我，＂媽咪，下個星期六我又想面試啊，有好多小朋友，可以玩好多玩具。不過老師問好多一樣嘅問題。＂我問佢有無答曬老師D問題，佢話有，老師仲贊叻仔添。
原來in多D，等佢warm up下都幾好。11月1號同3號係主力，SC，KV，lHMK. 希望仔仔可以正常發揮。
其實爸爸媽媽們唔使梗緊張同擔心，小朋友識自己調節，如果我們俾壓力佢哋，又或者俾小朋友感覺到父母嘅緊張，反而影響小朋友嘅正常發揮。
各位加油啊!

KTP

其實大人都有點頂唔順, 你仔仔好叻, 樂在其中.

pisontam

嘩,樓主你仔仔識講咁多野??好叻叻! 同埋你總共報幾多間?好似IN.咁多....

我都覺得係呀,家長唔好太大壓力,當同佢地去玩咁,佢地見到咁多玩具OR小朋友,有時咪當返PLAYGROUP LAW~~

FerreDeng

原帖由 De1020 於 12-10-30 發表
你仔仔好叻呀，識講咁多嘢
幾月仔呀?

一月仔。

FerreDeng

原帖由 KTP 於 12-10-30 發表
其實大人都有點頂唔順, 你仔仔好叻, 樂在其中.

其實係我哋太緊張了，小朋友就係知道好唔好玩。中意唔中意個環境。就好似有一間，交表同面試果陣，仔仔都話，＂媽咪，我唔中意哩度。＂in果陣，自己羅玩具玩，好快就玩曬。老師同佢傾偈，都唔係好想答。（不過都收左）。轉in另一間，就玩得好開心，乜都答。佢真係唔知攰架。原來幼稚園都要講同小朋友夾唔夾架。

FerreDeng

原帖由 pisontam 於 12-10-30 發表
嘩,樓主你仔仔識講咁多野??好叻叻! 同埋你總共報幾多間?好似IN.咁多....

我都覺得係呀,家長唔好太大壓力, ...

我乜都報啊，都有二十幾間，老公都話我crazy.其實我阿B都係驚人架，不過in多左，就知道去面試有嘢玩。同埋in得好，唔喊，就有奬勵。例如麥當勞雪糕等。

pisontam

FerreDeng 發表於 12-10-30 10:27
我乜都報啊，都有二十幾間，老公都話我crazy.其實我阿B都係驚人架，不過in多左，就知道去面試有嘢玩。同埋i ...

咁係你個仔叻,IN得多反而表現得好...

我諗都要睇小朋友性格,有些亦IN.得多,但就話會怕左IN.,有反效果~~

FerreDeng

原帖由 pisontam 於 12-10-30 發表
咁係你個仔叻,IN得多反而表現得好...

我諗都要睇小朋友性格,有些亦IN.得多,但就話會怕左IN.,有反效果~~

其實我仔仔第一次in果陣都喊架，之後就無了。我晚晚同佢講星期六有好多小朋友玩，同老師玩玩具。俾佢感覺到好似去公園梗開心。

keio

一日in 咁多間，即使只當玩都好頻撲。小朋友唔攰大人都攰啦，而且小朋友亦會越戰越失去興趣而表現不好。所以我上年規定自己一日之內唔會俾阿女in多過兩間。

FerreDeng

原帖由 keio 於 12-10-30 發表
一日in 咁多間，即使只當玩都好頻撲。小朋友唔攰大人都攰啦，而且小朋友亦會越戰越失去興趣而表現不好。所 ...

當然啦，平衡分配得好，小朋友先有精力做最好表現。所以家長就要俾多D心思同時間分配好，要有足夠時間in，而唔系趕場。相差一個鐘內的KG，我都會放棄一方。小朋友只負責輕鬆玩。