I have gone through interviews for few days，好失望。每一次做interview都聽見老一輩話而家時下年青人每況越下，其實真係唔係我地想標籤d年青人、八十後點點點、九十後點點點，係我切切實實接觸過好多年青人，我都忍唔住話：「張沙紙就越黎越靚，但係interview完就……唉…點揀得落手！」其實我都想知點解會咁，究竟係而家overall質素越黎越差，定又好似家長話係教育制度既問題，定係質素高既去晒做金融會計行業？咁香港米無希望，淨係發展單邊產業，唔讀金融會計就搵唔到飯食、買唔到樓、娶唔到老婆！就算我係讀金融出身都唔希望香港變成咁，因為一個城市既多元發展係需要好多類型既專才！
唉！
其實呢個現象都可以令我反思最近帶bb搵學校既心理，我由對幼稚園資訊一無所知、跟住成日上網research、聽講座，我都變左d所謂港爸港媽要點樣「谷」小朋友入「名」Nursery、入「名」幼稚園、入「名」小學、跟住入「名」中學、入「名」大學，最後搵到份好工。但以我interview經驗，其實最重要唔係「名校」畢業，因為我接觸太多係「名校」畢業、又或者成績超好、又或者碩士博士，但性格有缺陷、唔識待人處事、唔識present既年青人。所以，我覺得作為父母，我地係米都要檢討下教育小朋友既方法，唔係淨係唸番咩興趣班面試班可以幫小朋友入DGS、SPCC，而係要重新review自己既教育模式，培養小朋友成為一位confident、presentable & all-rounded person. 咁樣對於一位小朋友先係最重要，而唔係唸得咁表面，入左「名校」將來就一帆風順，而忽略左發展同培養小朋友最重要既人格特徵。 | 
發表於 12-9-7 19:08
