請問有無試過做自閉症評估出來的結果是沒有自閉症

cody2Amama

因我懷疑阿仔有自閉, 但老公又覺得佢好正常, 我排咗協康同政府做評估, 但老公又唔想去
唉! 孤軍作戰好辛苦, 其實我係呢個世界上最唔想阿仔有事既人

pyalisa

去油麻地中華書局買本step 評估，或到step website download，你同老公一齊tick 下。再同老公相討一下人哋一般用d criteria fair 唔fair .

szeszes

講真一句, 你覺得小朋友咩野問題似自閉呢?

做評估時, 有部份係問家長小朋友既日常野, 你自己都會講返似自閉小朋友特徵出來, 咁九成九都會話有

pollybell

回復 szeszes 的帖子

AGREE : 乜野評估都有人為因素,判斷唔會好似驗血咁,係就係,唔係就唔係,唔同既人做評估結果可能好唔同,今日評估係...........再跟進覆診可能完全唔係,將FILE抽起唔再跟進都有,懷疑既問下學校,上網睇多些資料.睇下有無必要做.

Olympian

如果你係為個仔著想，我勸你快D 做個評估。
我個仔一歳多還未懂行，有朋友同我講唔多正常，我冇理，覺得只是個別孩子發展的差別。
到一歳半返playgroup，個個小朋友玩得好開心，阿囝係咁咸，導師話我個仔未望過佢一眼，可能有問題，當時我覺得個導師有問題多D，認為囝囝只是較害羞。
兩歳時，仔仔仲未識講野，個個朋友都話無問題，話男仔講野係慢D，一返學就會講好多，於是又放心下來。
其間老公借了好幾本有關自閉的書籍，我地研究過都都認為囝囝唔係。
終於，兩歳一個月時評估係自閉症。
好在老公有排期評估，否則唔知拖其耐，白白浪費訓練的黃金時間。
同埋，自己評個仔一定有bias。
評到係唔係都好，知道自己個小朋友的強弱項，就可以更有針對的training比佢。

pyalisa

我諗Cody 媽媽也有一點點明白評估同早期介入訓練的重要。爸爸似乎唔信評估的制度同特殊界的運作。更未接受小朋友的情況。在私人評估界，協康一定唔係個評估背後要你買佢d service 的公司。信得過。事關佢條服務龍排得也幾長。我覺得似身體檢査，檢査完，安樂d。 爸爸方面，佢的步伐慢過你，比d時間佢消化下理解下。搵d 男人buy 的理姓方法去讓他與你同歩。在這個孤獨走的時間，揾個善解人意的朋友陪下你，例如陪你評估。

cw36

回復 Olympian 的帖子

我仔仔現2歲，都係上playgp或到陌生環境好慢熱,會不合群的。想請教下你仔仔兩歲知道有自閉情況後，你們安排那些治療/訓練去幫佢呢？我明白治療黃金期有限，所以想知成效如何？那些較有用？萬分感謝！

cody2Amama

回復 szeszes 的帖子

阿仔言語遲緩, 現在兩歲多, 返緊學, 但只有單字
無時停
專注力低
易發脾氣, 而且脾氣很大
唔怕痛, 但知道痛的, 只是很小因為整親而喊, 就算喊都好快收聲
眼神接觸, 有, 不過唔多
成日打人

老公覺得佢只係性格問題, 不是自閉

cody2Amama

回復 Olympian 的帖子

我阿仔同你差不多, 我曾經都好似你咁諗, 但我現在知道可能佢睇太多電視, 老公都知唔可以睇太多, 不過堅持要比阿仔睇

Olympian

他只是上私人S位，沒有做其它任何治療。囝囝主要係語言遲緩，肌張低，唔望人，無重覆行為，智能尚算ok。
佢兩2歲1個月已會25個單字，到2歲2個月就有約50個。現在3歲半己會講短句，最近仲會改下歌詞。囝囝情緒都可以，尤其當他問了口，會表達的時候，少發了脾氣。

當時我辭了份工，自己跟他做家屋訓練。其實最有用都係自己教，學校有好多野要你做要你教，如果做得足小朋友一定會有進步，所以，自己的進步都好重要。教仔真係好有學問...

Jcmfong

............

cody2Amama

回復 Olympian 的帖子

咩係私人S位? 同我成日見人講E位, I位, 其實係咩嚟?

daddykei

請問STEP 評估表可以係邊度download得到? 謝謝

Olympian

回復 cody2Amama 的帖子

S位即係特殊幼稚園，裏面有語言治療師、職業治療師、物資治療師、幼兒導師跟進小朋友
E位係早期訓練:　一星期按需要比一兩堂訓練，小朋友可返主流幼稚園
I位係兼收位，即係主流幼稚園兼收一些較輕微的個案

都係政府提供的，坊間亦有私人S位

唔好意冇時間寫太多Details...

你評估完又有需要的話，醫生就會refer你去排呢d學位。
呢個亦係要早D做評估的原因，因為要排1-2年先有得讀。

szeszes

cody2Amama 發表於 12-4-23 23:47
回復 szeszes 的帖子

阿仔言語遲緩, 現在兩歲多, 返緊學, 但只有單字

我仔都係有呢方面問題 (即係樣樣中少少), 保母, 親友及老公都係唔好接受, 成日話係性格, 而精神科醫生確診為: 非典型自閉, 要觀察到小學三年級 (半年回去一次跟進, 暫時醫生無任何訓練或藥物給他); 我仔主要係言語及社交弱, 與人討論及合作差些, 我就比佢返小童軍

你自己搵到你小朋友有自閉既三大問題, 總之自閉唔一定係好嚴重既, 有些只係一些小問題, 你可以在旁邊糾正下佢, 訓練下佢 或 幫助一下佢, 佢都可以與正常小朋友沒大分別的
言語方面: 言語遲緩
社交方面: 眼神接觸短暫
行為方面: 專注力低, 易發脾氣, 成日打人

你話唔怕痛, 可能連 "感統體" 果方面都有少少

你小朋友仲細, 真係唔好過左黃金期

信我啦!! 只要你肯比其他人花時間, EQ 及 心機, 同佢打開溝通果道門, 就會見到小朋友有脫胎換骨感覺的. 我仔係一個好例子

pyalisa

原帖由 daddykei 於 12-04-26 發表
請問STEP 評估表可以係邊度download得到? 謝謝

http://www.step-hk.com/2010/publishing_OrderForm.html

個link 最下面嗰個

apple~y

回復 Olympian 的帖子

training 係重要,但小朋友本身能力都好重要
你小朋友有0甘大進步,係好好
我仔仔2age評估後,
即刻番私人s位,我都算積極,小朋友其間開始講單字,有好大進步,我以為見到轉機
評估之後都兩年幾,都好積極教小朋友,之後番政府s位,老師同我都好比心機幫仔仔
治療師,政府s位老師都話我小朋友自閉徵狀好輕微,私人s位老師,上門訓練導師話係發展遲緩唔係自閉
諗住情況不算太差
可惜現在4age幾都仲單字,詞語,對話,表達都無咩,最鍾意叫
真係好sad,好down
我0甘辛苦都係希望小朋友第日,可以出番主流小學
原來有0的0野,係點努力都無用,.........

好似我哥哥仔仔,2age時係無語言
其間只等政府服務,經濟問題,所以無番過私人訓練
只係平時多些同小朋友講0野
到現在(政府服務仲未有),3age都開始講到短句
巳經能力好過我仔仔,但我仔仔大人一年有多
真係好down,可能係命運
唔好意思只係想呻0下

pollybell

回復 apple~y 的帖子

絕對同意，什麼黃金期其實睇你點演繹，跟本好睇小朋友本身能力。

Olympian

其實某程度上我都認同。

囝囝3-3.5yr時，進步得好慢，亦可以話有點退步，屋企人同老師都有點失望，又唔知點解，我都教到有點迷失。但係之後個兩個月，突然間又進步得好快。

其實一定係有原因突然學得慢下來，只係唔知/唔肯定點解。但無論點都要積極教，因為係自己個仔，唔可以放棄。

QCutebb

想問各位媽咪如懷疑仔仔有可能有自閉特徵，點可以排政府做評估？