係未一定要讀s位?

aquarius721

阿女整體發展遲緩,肌肉低張.而家27個月大.由10個月開始排e位+i位,跟住上年睇腦科時,醫生測試話佢理解唔得,又唔識叠積木,叫我地轉排s位,仲批埋傷殘津貼.

其實我屋企人一直覺得阿女唔係咁差,明白基本指令,大肌麻麻,但識行,係小肌真係唔得,只識講好簡單的單字,同唔鍾意玩玩具.讀s位係未真係咁有幫助?定係讀i位都得呢?佢平日好鍾意同家姐玩,聽歌仔跳舞咁.

cecilau

s位比較好, 有哂3t 在學校幫佢, 又有小組訓練同個別訓練, 又平好多呀. 讀得好就再轉出來啦.

Olympian

同意樓上回覆。

其實S位真係好好，有齊3T，幼兒導師又專業，學校又有齊training 的設施同玩具借比你，而且每個學生都有度身訂造的培訓計劃，真係培訓、設備、師資及價錢都好過一般幼稚園。

仲有，唔好以為讀S位的小朋友能力好差，其實好多都好叻，只係某些方面要特別訓練先入去讀。能力相約的會安排同一組。

而且，如果你個小朋友進步到唔再需要留係道，佢一定會話你知，唔會話唔比你走，因為個S位大把人排緊。

快D入去讀，快D出返主流。

fatpam

但係都好睇入到邊間S位同係咪分到合適的小組同導師

BBQUEENBB

我個囝13個月都係大小肌發展遲緩，我都係決定要排s位，人地話做得好就可以轉出主流，我想在2-6歳黃金追得番！我寧願囝囝可以有強的自理能力，讀書既將來佢叻既一定會追到！

urme1997

你好! 我囡囡發展遲緩2歲未識自己行, 剛好2歲派到s位, 讀咗2年衣家已經轉咗出去讀普通幼稚園, s位都有佢好處, 日日做練習好快有進步

jaynepig

我個囡19個月大,又係大小肌肉遲緩,不過醫生建議排I位~可以主動改S位?

kingbbsam

樓主, 我同你一樣都有呢個疑問, 我囝囝認知及言語表達遲緩一年, 現排緊s位

大約要排一年半, 可能剛好下年讀k1時入到, 我今年會返一年普通幼兒pn班看情況再作決定

aquarius721

urme1997 發表於 12-3-20 10:22
你好! 我囡囡發展遲緩2歲未識自己行, 剛好2歲派到s位, 讀咗2年衣家已經轉咗出去讀普通幼稚園, s位都有佢好 ...

請問你囡囡轉返主流係由k1再讀定係點？因為阿女係細b,如果今年九月讀到s位，打算先讀一年，又打算同時考普通幼稚園，等下年時再諗，咁樣岩唔岩？定係下年再睇轉i位？

aquarius721

kingbbsam 發表於 12-3-20 16:52
樓主, 我同你一樣都有呢個疑問, 我囝囝認知及言語表達遲緩一年, 現排緊s位

大約要排一年半, 可能剛好下年 ...

你囝囝好似都係0912 bb?阿女岩岩開始返n班，就係希望佢ok d，睇下係未一定要讀s位，因為校長話只要阿女識講野，咁佢返i位都可以，同多d模仿對象，可能又會好d

aquarius721

kingbbsam 發表於 12-3-20 16:52
樓主, 我同你一樣都有呢個疑問, 我囝囝認知及言語表達遲緩一年, 現排緊s位

大約要排一年半, 可能剛好下年 ...
你囝囝好似都係0912 bb?阿女岩岩開始返n班，就係希望佢ok d，睇下係未一定要讀s位，因為校長話只要阿女識講野，咁佢返i位都可以，同多d模仿對象，可能又會好d

kingbbsam

aquarius721 發表於 12-3-20 23:42
你囝囝好似都係0912 bb?阿女岩岩開始返n班，就係希望佢ok d，睇下係未一定要讀s位，因為校長話只要阿女識講 ...

係呀, 我囝囝係0912出世, 我報左9月先開始讀PN班, 一年後大仔讀K1

我選了救世軍的學校, 希望老師會有經驗去應付有特別需要的小朋友

Poola

我大仔讀S 位 , 小女讀普通幼稚園 , 我自己覺得一定係 S 位夠專業和效果一定比普通幼稚園好 . S 位一班  5-  6人 , 普通幼稚園一班  15-20 人 or above 。
我個仔初時讀 I 位 , 發覺除個別訓練外, 學校都很少放時間在他身上 。基本上浪費了一年.。
S 位的老師專業很多, 當你比較一下 , 一定癹覺物超所值。
Ｓ位一樣有很醒的學生 , 我識就幾個入讀 band one 主流小學 。
我直覺其寶aquarius721 , 入 S 位或 普通幼稚園 I or E 位, 在乎你的心理關口去面對其他人。

szeszes

我就建議讀住 S 位先, 如果 OKAY 先轉返出來讀主流幼稚園

小朋友千奇唔好浪費過治療黃金期

Olympian

樓主還要注意N1的要求比較低，可能小朋友可以應付到，但係到K1就未必得。
我S位學校有兩個小朋友都係N1ok 但係到K1就開始跟唔到。
其中一個就讀的學校仲話佢個仔ok正常，但係家長認為有問題，看完精神科醫生就安排了S位。佢話如果學校一早發覺，佢就唔會等到個仔差不多5yr-old先排到S位。

Olympian

回復 fatpam 的帖子

你好似有感而發，小朋友讀得好嘛？

aquarius721

多謝各位意見，我本身希望阿女今年可以讀一年s位，跟住可以轉返出黎，當然係佢ready至得，希望佢9月輪到啦

Anpanmama

aquarius721 發表於 12-3-31 23:09
多謝各位意見，我本身希望阿女今年可以讀一年s位，跟住可以轉返出黎，當然係佢ready至得，希望佢9月輪到啦 ...

如果9月新學期派到, 社工都開始通知家長架嘞! good luck!!

pingpingbb

我個仔都排僅S位，s轉返去i位，啲程度會唔會跟唔上。