Dr. Poon暑期班 23/7 – 17/8（6月15日前報名9折優惠）

Editor

各位家長，

暑期又快到了，我們的課程能幫助小朋友IQ EQ同時發展，建立內在能力，使他們跑得更快更遠更穩固。其中有些課程適合有情緒、發展障礙的小朋友。

Dr. Poon暑期班 23/7 – 17/8（6月15日前報名9折優惠）

◆學前適應班（適合準備入讀 N1、 K1 之幼兒）

◆情緒成長班（適合2-6歲兒童）

◆遊戲成長班（適合2-6歲有情緒困難的兒童）

◆自發學習功課輔導班（適合缺乏學習興趣的小學生）

◆密集式感覺運動小組輔導班（適合6-7歲有發展障礙的兒童）

http://www.eicare.net/db/news-show.asp?refno=400

6-8月份班新班：

◆【開心ＢＢ顯潛能】Playgroup （15-18個月）

◆幼兒專注力提升班（1.5 – 3.5歲）

Dr. Poon自閉症治療和訓練 http://www.eicare.net/db/news-show.asp?refno=388

對象：6 - 60個月嬰幼兒及其父母
我們幫助自閉症孩子的理念和技巧建基於：
1. 發展心理學
2. 依戀理論
3. 兒童為本遊戲治療
4. Son-rise
5. 發展個人差異関係本為治療：地板時間Floortime
6. 關係發展介入法Relationship Development Intervention RDI

查詢/報名： 6772 1384　May

Email：[email protected]

網址：www.eicare.net

地點：尖沙咀山林道4號恒貿商業中心806室

潘偉智博士Ph.D., M.Ed., M.Div., B. Soc.Sci.

生命建造心理諮詢中心總監及心理治療師

Dr.Poon擔任以下機構顧問：

香港兒童啟迪協會

遊戲輔導室

越己堂

佛山市順德區威權康復服務中心

南方醫科大學附屬深圳市婦幼保健院

上海市心理衛生學會

Christi

BK其實係咪同Dr.Poon有聯繫的? 否則,點解要將呢個playgroup置頂,幫佢賣廣告?

Sugar-bunnies

I also want to know??

蕃薯仔媽媽

我估呢個Dr.Poon係BK賣廣告嘅啫，咁如果有BK mami 上過佢嘅堂就會係度讚下佢咁掛。

irene_the_pooh

我都有報佢既PG，但我上左4堂…我唔打算上喇！

其實，如果自己有睇開育兒書既家長，實在唔駛上佢既PG！

Christi

但我覺得如果係賣廣告,better寫翻個[廣告]2個字係上面.好多喺報紙的廣告,都裝到好似新聞報道咁,目的都係為咗(以為可以)增加公信力,但佢地個版上都會細細隻字印住[廣告]噃...

rchchan0505

我上左Dr. Poon playgroup半年，我好欣賞Dr. Poon對每個bb ga細心同尊重佢地ga獨特（Dr. Poon經常提醒我地呢樣野），吾會流水作業。佢地真係好落力，氣氛好好。我問題多多，但Dr. Poon都很耐心回答（可能我讀過心理學同輔導學，所以有好多問題想問，尤其在技巧應用方面，真係要再一次謝謝佢！）價錢吾係平，但玩得開心，bb有進步，我又學到野，玩下玩下就玩左半年！

LifeArchitect

謝謝支持

[ 本帖最後由 LifeArchitect 於 11-10-4 15:43 編輯 ]

LifeArchitect

原帖由 rchchan0505 於 11-9-29 15:28 發表
我上左Dr. Poon playgroup半年，我好欣賞Dr. Poon對每個bb ga細心同尊重佢地ga獨特（Dr. Poon經常提醒我地呢樣野），吾會流水作業。佢地真係好落力，氣氛好好。我問題多多，但Dr. Poon都很耐心回答（可能我讀過心理學同輔導學，所以 ...

謝謝你的支持！其實不用客氣，我們只是盡力使父母能成為bb的激勵者！實在欣賞你們對的努力和認真。

kwansara

原帖由 irene_the_pooh 於 11-9-29 20:38 發表
我都有報佢既PG，但我上左4堂…我唔打算上喇！

其實，如果自己有睇開育兒書既家長，實在唔駛上佢既PG！

我未上dr poon 時都有朋友同我講,可以睇育兒書, 自己理解後再實行, 唔駛上佢嘅PG!

我自己由懷孕直致囝囝1.5歲都有睇... 不過我覺得到實踐時有好多o野係意想不到, 難以理性用書本嘅方法解決, 再加上自己個性又急又燥, 其實連我自己有時都唔知道自己做得arm定錯, 反映有無太快或太大... 等等..所以我最後有join.

Dr poon 上堂時會即時糾正家長嘅錯誤, 比意見家長下次可以點做, 我上完dr poon既PG後, 的確係實踐方面得到多d明確指導.

再睇育兒書就事半工倍.

ps... 我已經上咗兩個sessions

lovebbsuper

我阿嫂參加了兩期，介紹給我。我本想等小女１８個月後到幼兒園的Playgroup 就是，阿嫂說不同的，所以也參加了。我和老公發覺一家三口的輕鬆過一小時，與小女玩玩，或看着她玩，（有時不玩，只看着人笑），倒是感覺良好，難得大男人肯去，是一個不錯的家庭活動。我以為自己跟小女的說話相當不錯的了，但那次把意粉入樽，她只放了幾個便不做了，我不知怎的說了一句：嗱，你懶啊！（其實我平時真的不會說她，那次也是笑笑口開玩笑的語氣）誰知Dr.竟認真的跟我說：都講了不要說懶，試觀察她不做的原因，還說：就算開玩笑也不要，這麼小，分不到認真還是講笑。我當然有點不好意思，但欣賞他的率直和對家長教育的認真。

irene_the_pooh

原帖由 kwansara 於 11-10-7 12:46 發表



我未上dr poon 時都有朋友同我講,可以睇育兒書, 自己理解後再實行, 唔駛上佢嘅PG!

我自己由懷孕直致囝囝1.5歲都有睇... 不過我覺得到實踐時有好多o野係意想不到, 難以理性用書本嘅方法解決, 再加上自己個性又急 ...

我其實欣賞Dr Poon既心機，但其實未上堂前我其實已經用緊Dr要求我地做既野去同BB相處。

或者可以咁講：知易行難！

睇書時覺得好易，但自己做錯左唔知，要有人當面提醒自己先知原來自己有blind spot！

如果你都有睇書既習慣，你應該會發現不同既書不同既作者會有好大分別既角度，其實唔可以麻目跟從，一定要先知自己方向，然後再先應該點行 / 點做！

以我自己為例，我唔贊成杜曼既方法，但我亦有睇佢既書，發覺當中有D方向係可行既，咁咪自己改良囉！

又或者七田真，而家好似好hit，我都有睇過佢既書，但發覺佢講既野其實唔係好人性化，咁自己咪知應該點教仔囉！

所以如果你睇完D書會慢慢消化 (亦當然係睇頗多既書啦)，咁你就會發覺其實Dr Poon好多都係當中抽絲剝繭咁教你！

不過我同意樓上一位媽媽講：係一個好好既親子時間黎既！

所以對我黎講：如果當係一個親子時間，係唔錯！
但如果係想學點教小朋友，對我唔算太有用！
而至於點解我唔繼續上，係因為親子時間可以有好多種，唔駛一定through佢呢個平台！

Natkwokcs

我個囡囡上咗超過3次既Dr Poon堂, 在BB由初初只係識爬行, 到而家巳經會同其他小朋友打招呼, 跑, 跳及傾談, 唔同既發展階段會有唔同既建議, Dr Poon鼓勵家長同小朋友正面溝通, 互動, 嘗試.

Dr Poon亦會係過程中指導家長如何處理小朋友既反應, 而係活動過程中, 家長有錯誤既地方亦會第一時間作糾正.

我囡囡由9個月上到而家差唔多2歲,  佢都有上緊其他幼稚園學校式既PG, 但囡囡去到Dr Poon 既Playgroup明顯比較活躍同開心, 相信係因為Dr Poon 既環境, 設施同過程都有別於其他幼稚園.

susankwong

我們已參加由Dr. Poon帶的Playgroup 2期，最初由朋友介紹。Dr. Poon及anite May是很有心，他們會觀察每個小朋友及家長的反應，會即時給予意見及鼓勵。Playgroup的氣氛很輕鬆，我的小朋友很喜歡Dr. Poon。

doris726

「程度唔夠！承受不到壓力！」，是旺角某一間Playgroup之導師給樂熙之評語。面對別人給兒子如此嚴勵的批評，又沒有提供任何方法可以協助我們面對，每次課堂見到兒子哭得死去活來，作為父母怎會不心酸呢？最後最可行的方法便是退學吧！
其後來到Dr. Poon這裡的課堂，起初囝囝依然痛哭，上堂時總是痴著我們，不肯參與任何課堂上之活動。Dr. Poon 及Aunt May建議我們不要強迫他參與，給他鼓勵讓他坐在一旁觀看其他小朋友上課的情況。兩堂過後……樂熙開始不再哭泣，Dr. Poon開始鼓勵他在旁邊一起参與課堂上的活動，學習大小肌肉之活動、手眼之協調、閱讀、唱歌、勇氣及行為認知的訓練。兩個課程後，樂熙已是一個對所有新事物都勇於嘗試的小朋友，不怕陌生、不怕壓力、學習程度跟其他小朋友無異，可以不再被「邊緣化」，他可以走入其他小朋友團隊中一同遊戲……這一切均感謝Dr.Poon及Aunt May籍著其專業知識及豐富之教育經驗，對我們及我們的小朋友作出指導，好讓我們的小朋友在「生命的建造」中打下更穩固的基礎！

symom

好友極力推介這個playgroup給我，但佢地自己開的班很快便爆滿，好彩後來bk有人組班,阿仔18個月左右參加了,結果阿仔鐘意到不得了,雖然這裡無豪華裝潢,但地方大,空氣流通,最重要係課堂的遊戲簡單得來又十分有趣,完成一期之後,阿仔經常都話想返去dr. poon度玩,之後見佢地開了學前班,我們也參加了超過半年,覺得效果很好!

跟上面分享了的媽媽一樣,我也十分欣賞Dr. Poon的專業而參加了學前班令我得著最大的是他們每月一次的家長班,那時才發覺多看育兒書及已上了playgroup的我, 在日常生活中處理幼兒問題還有不足的地方, 大家都會在班上討論日常遇到的難題或對孩子的擔心, Dr. Poon都會耐心解答,有時大家時還會想到一些有創意的處理方法。真希望日後再有機會再上家長班!

rchchan0505

囡囡8個大就開始玩 Dr. Poon Playgroup, 玩左半年，後來又上左Dr.Poon學前班7個月，我一直都好努力咁學用 Dr. Poon 教的方法教囡囡。現在囡囡快4歲，我就越來越睇到囡囡的好發展。

囡囡細個時情緒好好，好易教，尤其Dr. Poon對付扭計的方法，非常非常有效。到最近囡囡竟然識穿針，大針細針都穿到，嚇傻我啦，佢得3歲10個月jar.  前晚，囡囡話要拿針線玩，跟住話要穿針，我話你穿吾到ga，佢話我穿到ga，我就拿支最大的針比佢穿，點知，佢試左兩下就穿到，嚇得我真係大叫起來！跟住佢話要穿支細針，我話好難ga，你穿吾到ga（我又衰左，我應該講“你想試下穿針，好，你試下啦”），佢話我穿到ga，我又拿支細的ga針比佢穿，點知佢試左幾下，就穿到。過左一個星期，我又比佢穿下，佢都穿到，吾係撞彩！！！

同推拿醫師傾起來，佢話囡囡腦部發展好好、手眼協調好好、專注力極高，佢話佢個囡六、七歲先做到。其實囡囡2歲9個月時就識得自己打西瓜皮韆鞦。當囡囡1歲多時，Dr. Poon 話囡囡稍欠大肌肉發展，適而多做運動，佢話小朋友多去公園就最好，我照做，日日帶囡囡去公園。見到囡囡識打韆鞦時，我就放心哂，因為Dr. Poon 話打韆鞦係感觀協調的最高境界。囡囡成日話想學鋼琴，本來想5歲先比佢學，現在見佢大小肌肉都發展得好好，好大力，手指都好有力，就應承佢過左4歲生日就學啦。

囡囡吾係天才兒童，不過，現在起碼我知道佢手眼協調好好、專注力極高、感觀協調好、情緒很好、觀察力好、主動學習、會動腦筋、有主見，我都心滿意足啦。囡囡係少少屬於敏感型，死都吾肯同人打招呼，我就記住Dr. Poon叫我地要尊重小朋友ga特質，比多d時間佢，只教佢但吾迫佢，終於最近佢肯主動同大堂ee揮手！

跟Dr. Poon學左好多野...打韆鞦、多去公園、盡量乜都比佢試（少say no）、以孩子主導、正向鼓勵、同理心…都係非有用。呢d都吾係乜野新野，不過 我真係要 Dr. Poon 好生動ga教導、示範、不停糾正&鼓勵，我先可以做到似樣d（記得最初 Dr. Poon 話有必要時要"兇"d小朋，我都吾知點兇、力度要幾孟，我都叫 Dr. Poon 示範，哈哈）。

講咁多，我係想講 Dr. Poon 教ga野係好有用，所教ga係好生活化ga，仲有好多好多，未能盡錄，書有 theory, Dr. Poon就係實際應用。最後係想再多謝Dr. Poon & Auntie May.

[ 本帖最後由 rchchan0505 於 11-12-4 10:13 編輯 ]

babyjoshua

I am one of Dr Poon playgroup's first participants back in 2008-2009.   My son was about 6 months old back then and we joined for almost 1 year until I was about to deliver my second child.

From my perspectives, I have learned a few KEY things in parenting that I am still trying to do as of today.  And now that my kids are going to school and we get the chance to attend various school-arranged parenting seminars, I find that what Dr Poon taught us previously is consistent with what the school believes in and I am very encouraged to continue to execrise those principles.  

As an example, one important message Dr Poon conveyed was --> we have to use lots of compliments to encourage a child even if it's a minor accomplishment.   My experience with my son is that.....he is a rather shy kid and needs lots of affirmation / encouragement.  I think it does help build up confidence.   And I can gladly tell BK mums that my son got offers from St Catherine's and Kentville (not bad, huh?).... it was just that we decided not to go for these schools eventually as I believe choosing a RIGHT school with caring teachers is most important for my son.  

I would recommend Dr Poon playgroup to all parents who want to build good parent-child relationship.