想問關於九龍灣德福幼稚園的資料, 知道請過d料啦!

Minanotabo

我囡囡讀緊國際班, 不過係IN1, 已經讀左半年, 今年繼續, 因為係年頭出世, 所以都預左讀年半N1, 老師幾好, 會主動打電話同你講, 半年都主動打過3幾次比我, 唔知算多定少, 因為我返工, 由婆婆接送. 有時我都會主動打電話問下個囡D情況, 都好肯講! 老師好nice. 我地在家都是講廣東話, 但是返了半年, 囡囡對聽老師講普通話都明, 可能講就唔得, 但英文對答都OK, 當然係簡單果D, 其實都無話要佢英文國語好叻, 不過想佢接觸多D, 起碼識得聽, 唔會怕! 唔感話好好, 但都算OK呀！不過校舍就有少少舊！

onon328

田田媽咪,

我都覺得幾抵, 諗緊買唔買.    妳會唔會買呢!
今朝爸爸帶囝囝返學, 佢一入到課室就好開心咁笑, 就走咗去玩個廚房玩具, 連同爸爸講bye bye 都唔記得咗.....
哈哈...我個仔同妳個仔一樣, 坐係左右都係女仔, 不過我個仔就冇用手撘D女同學膊頭.     

Carmen2004

Minanotabo,

Are you planning to let your daughter to study k1 in 德福幼稚園?

Carmen2004

Hi 田田媽咪,

你小朋友番了個多星期德福幼稚園，比你的感覺點呢? 想問問他們面試是怎樣呢? 會點樣考呢? 請給些意見。Thank you.

田田媽咪

hi Carmen2004 :
我個仔仔番了個多星期,依家開始放学除衫除鞋回放係原位,而前除衫除鞋只放在地下,而家成日洗手,仲一路洗一唱洗手歌,仲開始主動話要飲水,而前求都吾飲,我覚得雖然返左短短個多星期,我仔仔改變左好多,所以我好開心!!   

Carmen2004

田田媽咪,

你的小朋友好乖呀，自已放学之後除衫除鞋放回係原位。

我昨日打了電話去德福幼稚園問interview會考乜，他們說只是會在遊戲當中interview的，我希望我的小朋友可以通過啦！

田田媽咪

Carmen2004:
你放鬆D,吾使吾緊張,我仔仔面識當日靜係玩,我仔仔當日見到老師有吾該前吾該後,我平時教佢人地幫你,你要講吾該,可能我係全職媽咪,多D時間照顅小朋友,仲有2歲開始教佢ABC同日常生活簡單的英文,你都要加油努力!   

WaiWai媽媽

各位你地好,

我個女由Nursery開始讀德福幼稚園,現在讀K1A,每日返學都好開心同好鍾意返學,田田媽咪,onon328我地3個都係同一班你地個仔讀得開心嗎?今日劉老師打電話比我,給我感覺她非常關注小朋友.

onon328

WaiWai媽媽,

Welcome to you!!!     今日劉老師都有打電話比我, 我都同意妳的說法"給我感覺她非常關注小朋友"
琴晚我放工返屋其,安安又即刻話比我聽, 媽咪有功課呀!妳陪我做好唔好呀!! 妳話佢係咪讀得好開心呢?  
係呢! 妳有冇留意有個裝住d字咭? 老師教個四個中文字"同學, 老師" 安安居然全部可以讀返出嚟比我聽, 另外有張英文咭 "A" & "a" 以前全部只讀A, 琴晚教我讀大階A同細階a, 見到佢咁有心機學嘢, 真係好開心呀!!   

田田媽咪

WaiWai媽媽,
Welcome    好開心又多個同学仔 你女女係咩組?我仔仔係菠蘿組佢叫柏軒,得閒多D上黎傾計

WaiWai媽媽

田田媽媽,onon328

我個女係香蕉組叫晴惠,我都想多D時間上黎,但係我要返工架,平時會少D上黎,呀!想問你地覺唔覺個書包有D重,我想個女自己 "ling" 唔識打,費時個女禁懶,但又驚重,其實D書係唔係日日用齊呢???

onon328

田田媽媽,WaiWai媽媽,

個書包真係幾重架!!不過都係比佢自己"ling" , 因為安安好鍾意自己"ling"書包嫁
係呢? 妳哋會唔會買中國衫比佢地係6/10中秋節party着呢? 同埋妳地會做咩燈籠?? 我冇咩頭緒, 但我問安安做咩燈籠好, 佢話不如造個 keroro燈籠....    咁高難道??

WaiWai媽媽

onon328,田田媽咪

如果書包重,怕唔怕對背骨有問題?你地會唔會去30/9個講座呀?我都想買中國服,但係通常係冬天,夏天有無架?我明天會去花園街看看,做燈籠我都係一D頭緒都無,

Carmen2004

田田媽咪,

我希望我個囝可以考到德福啦。如果係，就請你多多年指教了！

田田媽咪

onon328.WaiWai媽媽:
話時話個書包真係太大,同埋放小杯、毛巾盒個位如果有野襟住會好D!onon328你都好叫你整keroro燈籠,我仔仔叫我整媽媽個樣上去 你而家留起D益力多樽同紙巾桐,應該有用

田田媽咪

Carmen2004:
吾使咁客氣! 你仔仔一定入到德福!你諗住比你仔仔讀上午定下午?中英文班定国際班?其實我之前係想入創價但我太後報名吾收,諗住比我仔仔讀德福K1,然後再到創價插班K2,而家仔仔讀得咁開心,都吾知点好 :-| ?

onon328

WaiWai媽媽,
書包都幾重, 我諗如果比佢"咩"一陣都唔會咁大問題囉!!至於30/9我諗我唔去啦! 因為我要返工...係呢! 妳會唔會過開中環架, 中環有條街成條都賣d小朋友同大人中國衫嫁, 我過兩日都會去睇吓.

田田媽咪,
我都覺得書包真係大咗d, 放杯&毛巾盒個位最好唔係網就會感覺乾淨d. 妳個囝囝咁攪鬼, 用妳個樣做燈籠    我而家未有頭緒點做, 請問幾時要交呢?

Carmen2004

田田媽咪,

我會apply international class 和上午班，因為我可以同我小朋友返學，放學就要姐姐接了。

我想問問德福是用project approach 教小朋友嗎?  

田田媽咪

onon328,
燈籠好似係下個禮拜交,我仔仔今日吾肯食牛奶麥皮,要老師餵佢食 :cry: 仲有尋日有3張通告話參加英語同普通話,你比吾比你個仔仔參加?我尋日椄仔仔放学問廖老師西瓜組賴麒安同学仔喺吾喺度,佢話麒安同学搭交車走左,仲有今日收到張行為觀察表,佢話我仔仔同老師打招呼係甚少同埋喜歡與老師同輩相處.能遵從指示都係甚少,唯一經常係對玩具感興趣 :-x

田田媽咪

Carmen2004:
我聽onon328講話一星期有2堂英文&普通話, 而星期五就輪流上,德福是用project approach 教小朋友?我都吾知,等我問下老師先