Fannyee Playgroup...唉！

TeriAnla

其實番PG都係想BB多啲接觸其他人。樓下clubhouse $170堂兩個鐘仲係NET教，每次都有勞作帶番屋企。我好滿意。
如其聽呢啲坊間PG講，不如自己預備好，了解學校，先同小朋友去面試。

Meeshell

原帖由 charmykittyy 於 13-01-10 發表
聽過他一堂講座，吹得太多，試堂也沒帶小朋友去 一個老師有無heart 相信家長是感受到的。



  ...

Me too! I ended up didn't go for their trial class. My friend enrolled to their playgroup and also said she didn't like their style at all too.

tigerbaby0505

原帖由 periwinkemama 於 13-01-10 發表
我個女讀左差不多一年fannyee, 但佢又真係除咗一間Think外，全部考嘅都有offer,都五至六間，我個女嗰班有考 ...

寫求位信個個家長都識啦！呢D叫專業意見咩！咁駛鬼俾$300／堂呀！

karman888

我聽完佢個講座，都半信半疑，最後冇上佢個playgp, 不過我囡囡7月出世、間間都收。其实最重要係自己教，出去上playgp係輔座

tigerbaby0505

細B都間間收，好叻叻！

kitty_tang

幾年前我試過1堂，覺得環境細，老師唔專業.最後冇報.依個價錢出面大把選擇.

yamin

我呀仔讀過一期Fannyee，之後冇再讀，去再CPDA。我覺得讀Fannyee係幫你掌握報名校／in名校的市場脈搏和技巧，playgroup 老師、內容、教具等，比較求其。CPDA playgroup 的老師、環境、教具、內容專業得多，有系統得多，純小朋友學習的話，我會prefer CPDA。我覺得兩者，各有各特色啦，總有人覺得好，有人覺得唔好

tobaby2010

回復 karman888 的帖子

Agree.我覺得play group 係俾大人上，學點教，之後係屋企再教。

Chirley

其實根本一開始就唔應該盲目相信PG既可以幫到小朋友一定入到學校,
道理同係名校出來都唔一定有大學收既道理係一樣,只係機會多D咁解,最重要都係睇返小朋友本身...
一堂$300係貴咖, 所以我好怕一次過交2,3個月錢既果D堂...
而且就算平都好啦, 無得試堂或唔知係咩情況下我都唔想俾阿囝去,
就算只係去玩都係咁話...
努力再去搵啦~趁而家仲有D學校係報名中 (有D就全年報名,但要手快啦)
快D搵過間好過...

jjess

回復 tigerbaby0505 的帖子

我個仔上年讀過一期, 我起初會報讀係因為fanny ee sell佢既pg係教導家長係屋企點樣訓練小朋友,這點無論是否in九龍塘幼稚園都係有用的, 加上佢會幫你拎報名表, 對於working mum黎講, 真係寧願比多少少錢, 有人幫你去排隊拎表, 但上完12堂後, 我只可說, 佢比一般pg差好多, 老師唔說得好差, 但完全唔生動有趣, 亦無嘗試控制班中情況, 小朋友茶點是自己帶去食, 自己各有各食, 課堂上我沒有被教導家長係屋企點樣訓練小朋友 (這是她的selling point),12堂裡面, 只有一堂是把pg改為教導家長填入學form, 似乎作用不大.... 加上st catherine今年都改為不用排隊找form, 其他九龍塘的學校都係download form, 唔洗排隊, 所以報佢既pg真係唔知有咩用‧

如果有興趣join 而係新手媽媽的話, join佢個talk已經好足夠, 因為佢講來講去都係個D野, 還有, 她常說會提醒家長interview要注意什麼什麼, 如interview小朋友穿咩衣服, 家長反應應該要點樣等, 我自己覺得呢D係基本common sense同基本對人既禮貌, 就算佢唔講, 你總唔會幫小朋友扮公主或穿套睡衣去或會對老師無禮‧

另外, fanny ee 的background 及 qualification, 我真的好有懷疑, 佢好多時發出的中文通告給家長(by email), 經常都言語不通, 上文不接下理, 係完全睇唔明, 打去問清楚佢, 佢會覺得我地家長怪獸, 但問題係, 佢D通告完全睇唔明, 打去問清楚都好正常... 不知道佢D通告係咪佢D助手寫既, 就算助手寫既都好應該自己proof read一次, 所以我覺得佢連基本中文表達都有問題, 我真係說服唔到自己比個無學歷而又無生過小朋友既人去教我野....

不過佢都有好多fans的, 當初選擇報佢pg時, 都知forum上有好多佢既negative comment, 但我選擇自己報讀一期試下係咪你杯茶, 個人就真係唔多覺有用...

jjess

tigerbaby0505 發表於 13-1-10 16:11
有冇小朋友讀緊Fannyee Playgroup? 我親戚個仔讀左半年，收費唔平$300/堂，又話可以幫你攞幼稚園表格，點知 ...

tigerbaby0505, 你朋友有無叫fanny ee教佢封求位信具體內容要點寫？我好想知佢有無呢方面既意見比到家長..哈哈。。。而唔係只係講句：寫求位信啦...

Chirley

回復 jjess 的帖子

就咁睇到你既情況佢既PG其實可以用差字來形容呀
因為FEEL唔到佢地有咩誠意
我返果D 都係$200左右一堂既PG
有教自理既, 都有真係教下知識, 或者玩下咁...
我地都有一齊上堂睇到D MISS都有用心出黎教
有時阿囝佢百厭唔聽話時我地既反應
MISS佢係上堂後都會同我地傾下有咩好同唔同
我覺得佢地已經好好了...
請真我對小朋友學知識呢D唔心急
但係我地點教小朋友自理,係咩歲數應該大約識邊D自理會有D要求...
MISS 講既野我地未必贊同,但佢講野既我地做父母既又會再諗下
個人認為呢D PG較岩自己
所以報PG時都要想要求D乜才報好

jjess

Chirley 發表於 13-1-11 12:28
回復 jjess 的帖子

就咁睇到你既情況佢既PG其實可以用差字來形容呀

Chriley, 你說得無錯, 我睇唔到老師既passion, 平時上其他pg我都會同老師講下我預到阿仔日常既問題, 老師會比到好有用既意見我點樣教, 同埋老師真係好肯聽我地講野, even落左堂, 但呢到個miss係無咁既時間同意見比到我,只係一般pg形式, 唱歌, 做運動, 聽故事, 茶點, 手工....上完就bye bye....老師係無教過任何秩序要小朋友遵守...

manyjennifer

原帖由 jjess 於 13-01-11 發表
Chriley, 你說得無錯, 我睇唔到老師既passion, 平時上其他pg我都會同老師講下我預到阿仔日常既問題, 老師會 ...

其實係九龍塘嘅幼稚園搞的pg都係咁上下咋啊！

tigerbaby0505

原帖由 jjess 於 13-01-11 發表
tigerbaby0505, 你朋友有無叫fanny ee教佢封求位信具體內容要點寫？我好想知佢有無呢方面既意見比到家長.. ...

Fannyee 只係叫佢寫求位信，再想問應該內容點寫，佢就好唔耐煩咁走左去。聽我親戚講，話Playgroup嘅地方十分簡陋,冇裝修，唔整潔，根本唔似上Playgroup嘅地方。

katycck

Cool-G 發表於 13-1-10 20:45
呢個世界無不勞而獲, 幼兒係需要花好多時間, 唔係一時三刻, 上下面試班個細路就會好醒. 有些學校即使個小朋 ...

Totally Agree.

jjess

原帖由 manyjennifer 於 13-01-11 發表
其實係九龍塘嘅幼稚園搞的pg都係咁上下咋啊！

其實好多幼稚園pg都係咁，但亦都好多pg唔係咁，不過pg老師教唔教到小朋友唔緊要，重點係佢當初講既selling point係pg教導家長技巧訓練小朋友呢點meet唔到我expectation, 做唔到佢當初說的，你就會focus返係pg教學質素上，而上堂只係同平時pg無分別，甚至比一般出面既pg更差時，你就覺得好有問題。

jennifercheungl

我地都上過佢既playgroup, 結果apply明慧, 仲要係reject, 連waiting 都無...
佢係吹到佢自己好勁咁, 不過我就好質疑啦,