有去聽荃浸的簡報會嗎? 荃浸/士德 15/16.....

wingmama04

之前一直比較心儀聖公會荊冕堂士德,因據聞入仁紀機會比較大,再入埋林護就真係謝天謝地嘞。但昨晚聽完個簡報會後覺得荃浸校長好有心辦學又好似好open-minded咁,各位如果兩間揀會揀邊一間?

請問有無荃浸 / 士德家長,你地當年有無係呢2間當中考慮,最後點解揀而家呢間學校呢?可否分享一下。

Many thanks.  

心煩人
wingmama04  

fungyee

wingmama04,
Hello..
我尋日都有去聽, 感受得到校長同老師真係好好, 我係比較主張無考試, 無默書果類人黎, 因為我唔想佢地咁細個就有壓力去應付呢d 野, 荊冕堂士德都好好, 但學費偏貴..我自己就唔會考慮...
不過收唔收呀囝都成問題, 只係有個機會... :-|

必必

wingmama04,

當年我個仔只考了士德及荃浸, 2間都收了上午班, 最後都是選荃浸, 選荃浸一來是大女讀過, 感受到小朋友讀書開心, 校長及老師有愛心, 而士德學費真係好貴, 唯一比荃浸優勝是校舍, 而荃浸是難考過士德, 你不妨2間都報, 考到時再作考慮.

wingmama04

Hi fungyee & yy&bb,
係呀,我就係想搵間校舍大d的比囡囡,希望佢可以更開心。所以之前我特登去接姪仔放學,去過荃浸個班房之後就有d失望,好似無乜活動空間,只係得對出個空地。(查實士德都唔大。) 但視學報告同校譽荃浸都係頂瓜瓜,所以走去聽埋個簡報會,聽完後就愛上左校長嘞,哈哈! 當然我2間都會報,但佢地interview時間好近,萬一佢地2間都話收就唔知點算(雖然未必會發生,但我地要對仔女有信心嘛。)所以想同大家傾下先。你地有無報士德呀?

係呢,我見九龍塘有d校舍超大,你地有無興趣呀?我報左創價呀。

我唔係基督徒     ,不過我老公係。查實我都唔習慣成日講耶蘇   ,但無疑有宗教背景的學校辦學會用心的機會多。

Hi 必必,
好高興你覆我呀,我係BK-荃浸chatroom成日見到你有問必答,你係大家姐嘛。其實你地呢班媽咪都係我報荃浸厡因之一,因為小朋友的質素好取決於父母架嘛,見你地咁肯幫人,大家好似一家人咁。


唔知有無士德家長可以分享下?可能個topic寫得唔好,所以士德家長無留意,等我改下佢先。

Many thanks,
wingmama04

fungyee

wingmama04 & yy&bb,
我無報士德呀...但如果你真係想囡囡入仁紀, 係咪士德比較有希望? 荃浸係咪唔會派去仁紀呀? 我個姨甥女都係讀仁紀..出年升中一lu...
九龍塘太遠啦, 我唔會考慮lu...因為唔想佢地咁辛苦去咁遠..
我都唔係基督徒黎, 但我唔介意學校係咩宗教...   

fungyee

yy&bb 寫道:
wingmama04 & fungyee ,

我都同我對孖仔報左創價呀, 呢間都係我既心水學校, 因為我姨甥女係度讀緊都話唔錯!!
荃灣我仲會報天主教領報同埋會考慮報埋救世軍吳國偉(其實有冇人知呢兩間學校好唔好?), 至於士德我就唔會報, 因為有朋友讀過話唔好....同埋學費好貴, 收咁既學費我不如去九龍塘讀!!

yy&bb,
我都有諗過報天主教領報, 不過錯過左遞form, 遅d 睇下點先再決定啦...聽聞呢間都唔錯架, 吳國偉係咪荃灣碼頭果間? 好似話一出世就要排?

fungyee

yy&bb 寫道:
fungyee,

無錯,吳國偉係係荃灣碼頭架, 不過唔係你話一出世就要排果間, 果間係幼兒園嚟架.........

yy&bb,
Ooo...sorry...搞錯左添..
你對孖仔有幾大? 要湊兩個係咪好辛苦呀?

kyk

Dear all
尋日我都有去簡介會, 我覺得有簡介會非常好, 睇片好多片段都好 touching, 如果多 d 學校有簡介會, in stead of open day 咁就好 la.
如果荃浸同士德揀我會揀荃浸, 因為佢哋用都係用 project approach, 荃浸好似仲多咗一樣我唔記得, 我覺得用 project approach 小朋友會好開心, 同埋真係可以訓練到佢求知, 從中會學到嘢; 不過校舍就真係好細, 我覺得有 d 壓迫感, 唯一呢樣比較差.

另外士德我就唔會諗, 因為佢學費真係貴咗 d, 反而我係諗荃浸同青衣荊冕堂, 青衣荊冕堂都係行 project approach, 另外仲有一樣都係唔記得, 而英文佢哋係日日都有, k1 開始教 phonics, 但冇問日日英文堂係咪都係外藉人教, 等我再問問先.
另外我都有報創價, 又一村都有報, 我住青衣, 如果讀荃浸都係要搭校車, 當然係近少少, 不過若然係 30-40 mins 車程我都覺得可以接受.

fungyee

kyk,
Hello...係呀..我都覺得好touching, 唔知點解我睇到眼濕濕...   

yy&bb,
我個b 依家兩歲半啦...佢好怕醜架, 我驚佢interview 時十問九唔應...
其實佢依家都讀緊N1, 老師都話佢好靜... :-|

fungyee

yy&bb 寫道:
你小朋友讀緊n1應該會冇咁怕陌生人la, 我都好担心我對孖仔interview的表現, 因為佢地無番過playgroup又冇番幼兒班, 見到人的表現就一時一樣, 好睇佢地的心情!!不過考唔考到就隨緣la, 睇下佢地同間學校有冇緣!

yy&bb,
唉...至幣佢返幾日又抖成個星期呢...呢兩個月加埋都唔知有無返到一半學...成日病... :-|
係呀...我都覺得隨緣...

wingmama04

hi fungyee,

查實好似話小一派位唔多關讀邊間幼維園事(唔知真唔真 ?)好似話仁紀鍾意收士德生者。但我又驚個囡讀唔掂。

hi yy&bb,

你話有朋支話士德唔好,有乜唔好呀,一定要快話我知呀,如果唔方便請PM我,千萬個唔該。 救世軍唔報啦,個位置唔多就腳。而且前年幫個囡交表去幼兒園,見到個吳國偉的學生無乜禮貌,唔知佢地德育教成點呢?

創價係我一位同事推介的,她2個仔仔都在那裏讀,佢話學校令到佢大仔大膽左又好有好奇心。不過就好遠, 唔知值唔值化咁多時間係交通上。

hi kyk,
又一村我都心郁郁,因打去問欏表時個位姨姨好有好有禮貌,雖然只係短短數句但妳都會感到佢係笑住講的。反而我打去協恩,個位姐姐好似播音機咁毫無感情。

ELING2004

Hi Kyk,

我住Sham Tseng, 荃浸都是我心儀的學校. 我想請問你知唔知又一村是不是同樣用project approach教學, 因我在BK見到好多媽咪都好recommend這間學校. 囡囡面試日是11/18. adore:

另外我報

wingmama04

yy&bb,
唔使擔心,我姪仔都無返過nursery或playgroup,舊年都考到入荃浸(佢講嘢唔係好叻,不過好鍾童同其他小朋友一齊玩同有禮貌,我諗呢d至係學校想要的)。至於我哋小朋友的臨場表現,呢點無得講,真係隨緣。  

Fungyee,
小朋友返佐學真係成日病,而家我已經練到"睇唔到"個囡d鼻水同"聽唔到"佢咳架啦,哈哈哈!

fungyee 寫道:
[quote]
yy&bb 寫道:
你小朋友讀緊n1應該會冇咁怕陌生人la, 我都好担心我對孖仔interview的表現, 因為佢地無番過playgroup又冇番幼兒班, 見到人的表現就一時一樣, 好睇佢地的心情!!不過考唔考到就隨緣la, 睇下佢地同間學校有冇緣!

yy&bb,
唉...至幣佢返幾日又抖成個星期呢...呢兩個月加埋都唔知有無返到一半學...成日病... :-|
係呀...我都覺得隨緣... [/quote]

fungyee

wingmama04 寫道:
Fungyee,
小朋友返佐學真係成日病,而家我已經練到"睇唔到"個囡d鼻水同"聽唔到"佢咳架啦,哈哈哈!

wingmama04,
你囡囡都返緊N1啦? 係邊度返呀? 你咁犀利, 可以練到乜都睇唔倒...我仲未得呀...佢一病我就好擔心... :-|

kyk

all
想問問你哋 bb 幾大, 我囡11月出世, 仲未介片, 咁 interview 時都會著住片, 但尋日校長又話唔好著住片 interview, 咁點算好?

其實我都仲 15/16 緊, 要德育, 定英文好 d, 呢個問題我都煩擾咗好耐, 大家又有咩 comments?

yy&bb
見到你講話你對孖仔, 我喺度諗咁如果收係咪一齊收? 會唔會一個得一個唔得?

elaine2004
又一村用咩 approach 我冇深入問, 我見通常學校都係答活動教學. 係呢, 你有冇報創價? 我 sc, 宣道都有報, kv 就考慮報唔報, 始終我唔係太 like 佢哋 traditional 教法, 而 sc 都係諗住比囡囡見識吓, 陪跑果隻, 我相信都係一個好的 experience. 宣道都 search 緊資料.

wingmama04
我同又一村教師講過計, 佢話又一村係一間好為學生著想的學校. 如果又一村同創價, 你會揀邊間?