你心目中最心儀最想仔女入的小學

JH_Mama

晞晞爸b 發表於 16-10-31 17:11
(好似唔見有人開過類似帖....)

年年到考小一呢個時間....見到好多人幫仔女報佐10幾20幾間直資私小...但究 ...

樓主，我仲以為你心儀o既會係其中一間直資／私立添！因為我記得你今年暑假時出過一個post鼓勵大家唔好放棄，因為最後有間reject咗你囝囝o既學校俾offer你，之後睇你其他post，我估你冇take呢個offer，俾小朋友repeat K3, 今年再考直資／私立。
而家見你話最心儀軒銅，想請你分享吓你o既考慮因素係咩？因為上年出生率雖然高但都唔夠今年咁勁，如果心儀官津學校點解唔先响上年參加派位？

JH_Mama

晞晞爸b 發表於 16-10-31 18:20
你好好記性

我之前未太熟悉官津校....總以為交學費去讀書先至係好野...可能我仔幼稚園讀慣非村校...所以 ...

我唔係好記性呀, 只係你當日嗰個post好有鼓勵性, 同時睇得出你係好關心仔女入學嘅爸爸, 所以好有印象。

我嘅小朋友今年都响官津讀小一, 當日考學校時都有你嘅考慮, 因為我哋好好彩派到第一志願, 加埋有個細嘅跟尾, 所以都冇咩猶豫就放咗手上嘅惟一私校offer。

其實好多官津真係比直私學校仲要好, 希望多啲人明白唔係要俾錢讀嘅學校一定好啲嘅呢個“迷思”啦。我亦知道有人唔鍾意派位嘅同學背景可以好唔同, 但我自己睇就係, 學校係社會嘅縮影, 俾小朋友學吓同不同背景嘅人相處都係一件好事。

最後希望你囝囝今年入到心儀學校!

JH_Mama

JoGoMa 發表於 16-10-31 19:21
有道理，淨係接觸到有錢交學費的人而生活圈子另類窄的確唔夠好。

我小朋友嘅同學中有一啲係新移民, 英文程度較低, 我會叫小朋友可以嘅話就教吓佢哋做英文功課, 希望佢學會幫助他人。學校有收集舊校服轉贈有需要嘅學生, 我小朋友有問過收集校服嚟做咩, 我就話佢知有小朋友家境冇咁好, 呢類活動可以幫佢哋減輕經濟壓力。至於我擔心過有小朋友嘅家庭比較疏於管教, 會比較頑皮嘅情況係有嘅。我小朋友返嚟同我講, 我可以以呢個事例同佢分享, 教佢咩係可以做, 咩係唔應該做, 遇到欺凌又可以點應付。
所以同學間背景有較大o既不同都俾多咗機會我同小朋友傾吓, 討論吓, 同埋借機會教佢點做先啱.  我自己睇就不失為一件好事.