我有個怕羞既小朋友

lokaci

WingChee我係一個小朋友既導師架黎既, 其實平時都會有接觸到同你仔仔相近類型的小朋友. 其實要知道佢點解會有咁既性格仲要睇多D野架先會了解到點解佢會有咁既行為.

就好似要睇..佢講野表唔表達到自己啦..又或者佢平時同D同學仔係點相處都會可能會成為佢怕羞無咩自信既原因.

比喻話,佢會唔會驚自己講野得唔到認同,或者佢驚表達唔到會俾人笑, 於是索性唔講咁.( 所以我地絕對唔鼓勵家長去鬧OR責備小朋友, 因為小朋友會有好深刻既印象或受大打擊, 可能會不敢再作嘗試, 驚做多錯多)


大家都講得好岩呀, 係應該鼓勵你仔仔參加多D課外活動, 最緊要係團隊性要求大D既活動,好似足球咁.或者一D體驗學習的課堂. 等佢習慣同唔同既別人相處. 然
而且平時亦都多D向佢發問多點, 多問" 點解你會咁諗既?""點解?" 從而幫助佢練習 EXPRESS自己. 咁做亦都幫助到你了解仔仔既思考方法/想法.

至於你仔仔話學校無朋友,其實除左向老師問之外, 或者可以同其他同班同學仔問下你仔仔既狀況同埋佢地同你仔仔係相處成點.
同學仔係同學校你仔仔相處最多既人, 佢地睇到既野有時比老師仲多架.


其實都唔駛太多擔心既, 0係我自己接觸既小朋友當中,都有見到佢地有好明顯既改變.

小朋友俾多D時間同埋俾多D機會佢去接觸多D唔同既野人, 練習及鼓勵佢去表達自己就會有所改善架喇.
記住我地要去鼓勵, 一步一步黎.
加油呀!