疑惑：中學對"正向活動"參與者的觀感

外星朋友

想問小學經常有些"正向活動"，有些是政府資助的
有些是學習與人相處...
有些是加強抗逆力...
有些是增強自信...
想知是否大部分小學都是㨂些 "有需要" 的同學去參與？
個名寫得好好聽 (e.g. xx小先鋒，xx小勇士, xx大使 ...)
中學如果見到學生參加過這些活動，大家覺得會帶來有正面定負面的觀感？
已經交咗表填咗無得改，有些仲記錄咗係成績表度，只係純粹想睇下大家點睇 ......

外星朋友

回覆 Rpp 的帖子

我小朋友參加嗰個，家長無透露，學校亦無講㨂人的條件，只係就咁講話係社交小組 (8人），但我憑佢哋的行為同成績，估計係自閉譜系 or 過度活躍，大部分成績普通但也有資優自閉的級頭

另外仲有個多啲人的活動（全約約20人)，同學就似係正常人，學校都係無講㨂人的條件 (只係話覺得適合佢)，大部份唔係勁人，成績平均。

外星朋友

Rpp 發表於 24-1-24 12:39
其實你都好清楚啊。

我自己當然心裡有數，點解學校會㨂我小朋友，就算老師唔講，我自己睇學校報告，都睇到端倪，看一看那些SEN支援/融合教育活動列表...  如果你夠八卦，仲可以知道邊啲活動係比邊啲人，雖然個個都叫xx小先鋒，xx大使，但有啲係專 for 綜援學生，有啲係 for 學障，有啲係 for 資優，有心揾係揾到...
但我唔清楚嘅係，其實係咪間間小學都係咁? 中學又會唔會一樣心裡有數？ 又或者面試會唔會問，你呢個活動係做咩㗎 .....?

不過睇大家留言，似乎中學又唔會理呢啲 ......

外星朋友

jiljill 發表於 24-1-24 13:48
你覺得「正生中學」嘅小朋友有冇標籤？

仲有「立德學院」。

外星朋友

tkinwong 發表於 24-1-24 12:49
就算寫咗落成績表，但其實填唔填都係家長決定。

好多學校睇嘅，其實係課外活動、服務、獎項、特殊技能。樓 ...

我都唔想寫，不過成績表列咗出來。最近同小朋友準備面試，我扮面試官，隨口問佢個 xxxx 係咩活動，佢竟然答我：係教我點樣可以好啲同人相處....
我滴汗了......

外星朋友

LeeCC 發表於 24-1-25 08:32
個遊戲係咁玩，家長要幫佢度下稿，隱惡揚善，教佢講自己其他活動，學到d咩，話俾小朋友知，面試時間好短 ...

佢呢類人的特點就是直腸直肚，佢最初答案仲嚇人，話自己有問題所以要上輔導小組，我要努力教佢用佢唔覺得係講大話的方法去講得好聽啲。

外星朋友

Rpp 發表於 24-1-25 12:47
讀書叻唔叻？

成績屬B1，但因為言語表達力不佳，睇落去一啲都唔醒目... 我但求佢見試唔好露餡，希望靠RO搭夠過關......

外星朋友

Rpp 發表於 24-1-25 17:06
男女校兩性相吸，特別是行為突出嘅人會受到同性杯葛特別多，男女校有部分人容易爭仔爭女，講人事非特別嚴 ...

我聽返來的竟見反而係話唔好揀單性別，因為單性別的學校，學生毫無顧慮，會玩得比較放，容易玩過火變成欺凌或者被誤解為欺凌......

外星朋友

謝謝各位意見。我讀U時身邊有幾位港島名男校生，見佢哋真係“玩”得好顛。有個比較靜的同學成日被佢同校“兄弟”玩，佢哋自己就話係“玩”，我作為旁觀者，我就認為絕對係欺凌，當時年輕的我仲有點點覺得氣憤難平......至今仍印象深刻。名男校生們表面上大家稱兄道弟，實際係點，就真係只有嗰位同學先至知。
而家人人成家立室，嗰位經常被玩的同學都好少出來聚會.....
可能印象太深，單性別 or 傳統名校，都不在我考慮之列.....