有冇小朋友派到St.Paul Catholic Primary?

ox

有呀, 我個姪咪係個度讀緊, 10分入唔入到不太清楚, 因為佢地唔係住個區, 在九龍住, 之前係住銅鑼灣, 所以都知呢間學校幾好, 校風純樸, 後來個姪自己靠實力去考插班, 成功入左, 10分我諗多數要靠中央派位.

功課真係唔多喎, 一陣做完......., 相比佢之前間學校(都係名校), 測驗考試都同一般學校差不多, 不過中,英文水平略為深, 真係要下好多功夫, 有d老師仲好有愛心, 好關心學生(唔只關心佢地學業, 仲好關心佢地個人發展).

ox

To coffee,
Marymount vs St.paul catholic

我諗見人見智啦, 其實2間學校都好的.

Marymount 依家好似係直資(唔清楚, 但中學係直資的), 即係要畀學費, 坦白講會比較多富裕家庭既人會讀 , 英文係比較著重 (可能仲會好過St Paul co. edu), 但其他科似乎中規中矩 (沒有英文那麼突出), 小學校風幾好, 但中學既校風我就唔係咁鍾意啦 (個人意見, 並不代表大眾), 但如果我有經濟能力去選marymount, 我會prefer to choose st. paul convent (直資);  而St.paul catholic 係津校, 校風比較純樸 (但由於係跑馬地都唔少有錢人讀.) 中, 英文比較平均 (英文可能比marymount遜少少, 但普遍水平高過全港平均, 其他科都平均 ) 當初我個姪放棄九龍某名校小學, 入讀呢間 , 都係因為佢幾十年來校風比較純樸, 成績唔會大起大落. 每方面客觀都係比較average.