幫幫手宣道，禮賢邊間好

makjac

見到你地問宣幼, 真係好想講下呢間學校, 我個女依家讀緊宣幼k3, 好開心, 每班3班主任制, 每個班主任都負責10多個小朋友, 我去觀課, 見到每組分開上堂, 所以老師很容易照顧到小朋友, 亦都好清楚每位小朋友的需要.  正如之前的mama講, 宣道設有外藉老師及普通話老師, 應該每星期上堂一次, 但班主任都會再為小朋友重溫課程內容. 功課k1都係一d連線及簡單的功課, k2開始要寫字, k3就為左令小朋友更易適應p1的課程, 功課都多左少少, 不過好易handle, 唔怕! 無默書, 不過每個學期老師都會為小朋友進行測驗, 只係口頭問, 睇下小朋友識到幾多野, 再為成績表mark分, 成績表無分數, 只有1-5的分級, 成績表入面都有晒小朋友日常係學校的情況, 如有無留心上堂, 體能發展等等, 所以佢地的成績表係成個file的, 入面仲會有小朋友的班照, 日常的勞作照片, 令到整個成績表好豐富. 除左功課, 學校仲有d project做, 家長只需要為小朋友搜集資料, 帶返學校之後老師就同小朋友一起做project, 可以見到小朋友之間的合作性, 與及小朋友完成整個作品的成功感. 每逢家長日, 呢d作品就會展示出黎比家長睇.

另外, 學校都有很多活動, 大時大節的活動必定有, 生日會, 仲會帶小朋友出去supermarket, 去公園繪畫etc. 學校亦設有小型圖書館, 每年都有指定的時間, 小朋友要每星期係學校借書, 返屋企做報告, 可以用圖畫去表達, 唔係要寫閱讀報告, 好簡單.

今年學校轉左新校長, 加入左好多新的元素, 令到學校更加好 (呢個係我本人的感覺), 例如上星期係英語活動週, 小朋友由外籍老師帶領做食物, 每級都有不同的主題, 呢個就係新校長到任後的新嘗試.

學校係基督教, 令到小朋友很愛主, 很愛聽聖經故事. 小朋友亦都需要讀聖經金句.

至於最後大家都想知道升小學的問題, 宣小每年都會收最多60位宣幼學生, 其實係升宣小方面小朋友沒有特別, 只係派表同收表都唔洗自己排隊, 宣小會送d form去宣幼, 填好後宣幼交去宣小.  考試日期同其他小朋友一樣, 宣小好似就安排左宣幼的學生一切考, 因為當日我帶小朋友面試, 身邊都係自己的同學.

學校只係輸蝕係校舍細, 不過都應有盡有, 每樣野都按步就班, 最緊要係輕鬆學習, 但又能夠吸收到知識, 呢一點先係令到小朋友好喜愛上課的原因.

以上只係我一點點的意見, 希望可以幫到大家.  如果有咩錯左, 亦都歡迎宣幼的家長更正.

祝願各位小朋友都可以擁有開心快樂的幼稚園生活.

makjac

我個女讀埋今年就要離開, 其實真係好唔捨得呀!  

原帖由 vickyl 於 11-3-9 16:14 發表
My daughter also studying in the Alliance K2, I completely agree with what makjac's comments about the Alliance.  My daughter 2 years ago also offer from these two kinder, I'm lucky that I choose the  ...

makjac

你個小朋友依家幾多年級呀, 同埋讀緊邊間小學呀?

我都希望我地依家呢班同學仔將來都會繼續聯絡, 更加希望好似你地貢可以約埋老師們出黎呀!

原帖由 sunsunmimiqq 於 11-3-9 21:04 發表


好詳盡, 好清楚

當年大女畢業時我都非常吾捨得, 到依家我地一班畢業生都有定時攪下活動, 而老師有時間都有出席一齊聚下架.